سندھ سولڈ میں کرپشن کا بازار گرم، ملازمین ہراساں
اشاعت کی تاریخ: 18th, February 2026 GMT
نئے آنے والے افسران نے ملازمین کو ذہنی اذیت دے کر آپریشن متاثر کرنا شروع کر دیا
ماہ رمضان کی آمد سے قبل ہی چھانٹی کا عمل شروع کر دیا گیا ،مزدور طبقہ فاقہ کشی پر مجبور
سندھ سولڈ ویسٹ مینجمنٹ بورڈ کے ملازمین نے گفتگو کرتے ہوئے بتایا ہے کہ گانسو بگوئیوان پرائیویٹ لمیٹڈ نامی چائنیز کمپنی کے جی ایم محمد حسین شیخ نے اپنی ٹیم کے ہمراہ ملازمین کو ذہنی اذیت میں مبتلا کر دیا ۔
ذرائع کے مطابق آپریشن منیجر ،انچارجز سپر وائزر سمیت پوری ٹیم کو ہراساں کر کے استعفیٰ دینے پر مجبور کر دیا، نئے آنے والے افسران اے جی ایم صدام، ایچ آر ذوالفقار، عبدلغفار، شہباز ودیگر نے ملازمین کو
ذہنی اذیت دے کر آپریشن متاثر کرنا شروع کر دیا۔ معتبر ذرائع کے مطابق نئے آنے والے افسران نے کرپشن کے تمام ریکارڈ توڑ دیے ۔ایک ملازم نے نام ظاہر نہ کرنے کی شرط پر بتایا روزانہ کی بنیاد پر تین
شفٹوں میں لیبر،فیول ٹرانسپورٹ کی مد میں لاکھوں روپوں کی بے ظابطگیاں کی جا رہی ہیں۔ اس کے علاوہ جعلی بھرتیوں کے ذریعے بھی لاکھوں روپے بٹورے جاتے ہیں۔ ملازمین کا کہنا ہے کہ ماہ رمضان کی آمد
سے قبل ہی چھانٹی کا عمل شروع کر دیا گیا ہے جس سے مزدور طبقہ فاقہ کشی پر مجبور ہوگا۔ملازمین کا کہنا ہے کہ جی ایم محمد حسین شیخ نے اپنی نئی آنے والی ٹیم کو مکمل اختیارات دے کر کرپشن کا بازار گرم کر رکھا ہے۔
شہباز ،ذوالفقار،عبدالغفار نامی افسران ضلع وسطی یارڈ ورکشاپ میں کھلے عام اسلحے کی نمائش اور ہوائی فائرنگ کر کے ملازمین کو ہراساں کرنے کی کوشش کرتے رہتے ہیں جس سے کافی تشویش پائی جاتی ہے جو
کسی بڑے نقصان کا سبب بن سکتی ہے۔ انسانی حقوق کے نمائندگان نے سندھ حکومت سے مطالبہ کیا ہے کہ غریب ملازمین کا معاشی قتل ہونے سے بچایا جائے ۔
ذریعہ
ذریعہ: Juraat
کلیدی لفظ: شروع کر دیا ملازمین کو
پڑھیں:
پی اے سی کی تمام ڈسکوز کے ملازمین کی تصدیق کی سفارش
فوٹو: فائلپبلک اکاؤنٹس کمیٹی (پی اے سی) نے تمام ڈسکوز کے ملازمین کی تصدیق کی سفارش کردی اور ہدایت کی ہے کہ تمام ڈسکوز ملازمین کو تنخواہوں کی ڈیجیٹل ادائیگی یقینی بنائیں۔
پی اے سی اجلاس کے دوران سیکریٹری پاور ڈویژن کا کہنا تھا کہ حکومت بجلی بنانے اور تقسیم کے کاروبار سے نکل رہی ہے۔ تین ڈسکوز کی نجکاری کیلئے معاملات حتمی مراحل میں ہیں۔
انہوں نے کہا کہ حیسکو اور سیپکو کی نجکاری کیلئے فنانشل ایڈوائزر مقرر کر رہے ہیں۔ حکومت صرف ٹیسکو اور کیسکو کو اپنے پاس رکھے گی۔ کابینہ کا فیصلہ ہے کہ ٹیسکو اور کیسکو کی نجکاری نہیں کی جائے گی۔
سیکریٹری پاور ڈویژن نے بتایا کہ 2027 کے آغاز میں تین ڈسکوز کی نجکاری مکمل ہوجائے گی۔ گیپکو، فیسکو اور آئیسکو کی نجکاری 2027 کے آغاز میں ہوجائے گی، تمام ڈسکوز کی نجکاری تیزی سے ہوگی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا