رمضان المبارک احترام، اپوزیشن اتحاد کا تمام دھرنے ختم کرنیکا اعلان
اشاعت کی تاریخ: 18th, February 2026 GMT
اسلام آبادّ(نیوزڈیسک)رمضان المبارک کے احترام میں اپوزیشن اتحاد نے تمام دھرنے ختم کرنے کا اعلان کر دیا۔
سپریم کورٹ کے باہر اپوزیشن رہنماؤں کے ہمراہ میڈیا سے گفتگو میں سینیٹ میں اپوزیشن لیڈر راجا ناصر عباس نے کہا کہ ہم نے تحریک تحفظ آئین پاکستان کے پلیٹ فارم تلے پارلیمنٹ میں دھرنا دیا۔ اب ماہ رمضان شروع ہوگیا،دھرنا ختم کرنے کا اعلان کرتے ہیں، اب ہم اگلا لائحہ عمل طے کریں گے۔
راجا ناصر عباس نے کہا کہ بانی پی ٹی آئی کے خدشات ہیں، علاج شفا انٹرنیشنل اسپتال میں ہونا چاہیے، بہنوں اور ڈاکٹرز کو بانی سے ملایا جائے تاکہ وہ مطمئن ہوسکیں، بانی پی ٹی آئی نے کئی ہفتے پہلے شکایت کی تھی تو پھر کیوں وقت پر علاج نہ ہوا ؟ یہ مجرمانہ فعل تھا، اب کچھ بہتری آئی ہے لیکن ابہام ابھی باقی ہے۔
وزیر اعلیٰ خیبرپختونخوا سہیل آفریدی نے کہا کہ احتجاج اور مذاکرات کی ذمہ داری محمود اچکزئی اور علامہ ناصر عباس کی تھی، قیادت نے دھرنے کا اعلان کیا ہم نے لبیک کہا اور دھرنا دیدیا ، آج قیارت نے دھرنا ختم کرنے کا اعلان کیا ہے ہم بھی ختم کررہے ہیں۔
سہیل آفریدی نے کہا کہ خیبر پختونخوا میں لوگوں نے خود دھرنا دیا، پشاو ہائی کورٹ کے احکامات آئے ہم نے عدالت کا احترام کرنا ہے، لوگوں کاشکریہ ادا کرتا ہوں جنہوں نے تکلیف برداشت کی۔
.
ذریعہ
ذریعہ: Daily Mumtaz
پڑھیں:
آزاد کشمیر انتخابات: استحکام پارٹی‘ مرکزی مسلم لیگ‘ جموں کشمیر یونائیٹڈ موومنٹ کا اتحاد
مظفر آباد (نوائے وقت رپورٹ) آئی پی پی نے مرکزی مسلم لیگ‘ جموں کشمیر یونائیٹڈ موومنٹ سے اتحاد کر لیا اور آزاد کشمیر میں مشترکہ طور پر انتخابات لڑنے کا اعلان کیا ہے۔ آئی پی پی رہنما عون چودھری نے کہا ہے کہ کشمیر کے تحفظ و ترقی کیلئے اتحاد ضروری ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی