نمیبیا کو شکست، پاکستان نے سپر 8 مرحلے کیلئے کوالیفائی کر لیا
اشاعت کی تاریخ: 18th, February 2026 GMT
کولمبو(ویب ڈیسک) پاکستان نے نمیبیا کو 102 رنز سے شکست دیتے ہوئے ورلڈکپ کے اگلے مرحلے سپر8 کیلئے کوالیفائی کر لیا ۔
تفصیلات کے مطابق نمیبیا کی پوری ٹیم پاکستان کی جانب سے دیئے گئے 200 رنز کے ہدف کے تعاقب میں 97 رنز بنا کر آوٹ ہو گئی جس میں لورین سٹین کیمپ 23 رنز کے ساتھ ٹاپ سکورر رہے۔
نمیبیا کی جانب سے 200 رنز کے ہدف کے تعاقب میں لورین سٹین کیمپ اور جان فرائےلنک نے میدان میں اتر کر کھیل کا آغاز کیا لیکن جان فرائے لنک 9 رنز بنا کر سلمان مرزا کی گیند کا نشانہ بنے جبکہ ان کے بعد آنے والے جان نکول 5 رنز پر رن آوٹ ہو گئے ۔
ایراسمس 7 رنز بنانے میں کامیاب ہوئے۔ اوپننگ پر آئے لورین سٹین کیمپ 23 رنز بنا کر محمد نواز کی گیند پر کیچ آوٹ ہو گئے ۔
اس سے قبل کولمبو میں کھیلے جارہے میں میچ میں پاکستان نے ٹاس جیت کر نمیبیا کے خلاف بیٹنگ کرتے ہوئے 3 وکٹوں کے نقصان پر 199 رنز بنالیے۔
پاکستان کی جانب سے اوپنرصاحبزادہ فرحان نے شاندار سنچری اسکور کی، صاحبزادہ فرحان نے58گیندوں پر100رنز کی اننگز کھیلی۔ شاداب خان نے36رنزاسکور کئے۔ سلمان آغا38، صائم ایوب14اورخواجہ نافع5رنزبنا کر آؤٹ ہوئے،
ٹاس کے موقع پر کپتان قومی کرکٹ ٹیم سلمان آغا نے کہا کہ ورلڈکپ کا ہرمیچ اہم ہے، ہم پر کوئی دباؤ نہیں، نمیبیا کو اچھا ہدف دینے کی کوشش کریں گے۔
پاکستانی ٹیم میں2 تبدیلیاں کی گئی ہے،شاہین آفریدی اور ابرار احمد کو آرام دیا گیا جبکہ خواجہ نافع اور سلمان مرزا پاکستانی ٹیم میں شامل کرلیا گیا۔
.
ذریعہ
ذریعہ: Daily Mumtaz
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے