پاکستانی طالبات کیسے آکسفورڈ یونیورسٹی کی فلی فنڈڈ اسکالرشپ حاصل کرسکتی ہیں؟
اشاعت کی تاریخ: 19th, February 2026 GMT
نوبیل انعام یافتہ پاکستانی طالبہ اور تعلیم کے حق کی عالمی آواز ملالہ یوسفزئی نے پاکستانی خواتین کے لیے برطانیہ کی ممتاز جامعہ یونیورسٹی آف آکسفورڈ میں مکمل مالی معاونت کے ساتھ اعلیٰ تعلیم کا خصوصی اسکالرشپ پروگرام شروع کرنے کا اعلان کیا ہے۔
یہ اسکالرشپ آکسفورڈ پاکستان پروگرام کے تحت دی جائے گی اور اس کا بنیادی مقصد پاکستان کی باصلاحیت مگر مالی مشکلات کا شکار طالبات کو عالمی معیار کی تعلیم تک رسائی دینا اور انہیں قیادت و تحقیق کے میدان میں آگے لانا ہے تاکہ وہ تعلیم مکمل کرنے کے بعد اپنے ملک اور معاشرے کی ترقی میں کردار ادا کرسکیں۔
مزید پڑھیں: آکسفورڈ ڈکشنری نے ’ریج بیٹ‘ کو 2025 کا لفظ قرار دے دیا
اس پروگرام کے تحت منتخب طالبات کو اعلیٰ تعلیم خصوصاً ماسٹرز سطح کے مختلف مضامین میں داخلہ حاصل کرنے کے بعد مکمل مالی مدد فراہم کی جائے گی۔ اس مدد میں یونیورسٹی کی پوری تعلیمی فیس، رہائش کے اخراجات، روزمرہ ضروریات کے لیے وظیفہ اور دیگر لازمی تعلیمی اخراجات شامل ہوں گے تاکہ طالبات مالی دباؤ سے آزاد ہو کر مکمل توجہ اپنی تعلیم اور تحقیق پر مرکوز رکھ سکیں۔
اس اسکالرشپ کا دائرہ وسیع ہے اور جامعہ میں دستیاب متعدد تعلیمی شعبوں میں داخلہ لینے والی طالبات اس سے فائدہ اٹھا سکتی ہیں، بشرط یہ کہ وہ داخلہ حاصل کرنے میں کامیاب ہوں۔
اہلیت کے لیے ضروری ہے کہ درخواست دینے والی امیدوار پاکستانی شہریت رکھتی ہو یا پاکستانی نژاد ہو، اس کا تعلیمی ریکارڈ مضبوط ہو اور وہ متعلقہ پروگرام میں داخلہ حاصل کر چکی ہو، کیونکہ مالی معاونت کے لیے درخواست اسی صورت زیرِ غور آتی ہے جب جامعہ کی جانب سے داخلہ منظور ہو چکا ہو۔
مزید پڑھیں: آکسفورڈ یونین مباحثے میں پاکستان کی برتری، بھارت کی پسپائی اور جعلی پروپیگنڈا بے نقاب
انتخاب کے عمل میں صرف تعلیمی کارکردگی ہی نہیں بلکہ امیدوار کی قیادت کی صلاحیت، سماجی خدمت کا جذبہ، اور یہ واضح منصوبہ بھی دیکھا جائے گا کہ وہ تعلیم مکمل کرنے کے بعد پاکستان یا عالمی سطح پر مثبت تبدیلی کے لیے کس طرح کام کرنا چاہتی ہے۔ کم وسائل والے گھرانوں، دور دراز علاقوں اور ایسے پس منظر سے تعلق رکھنے والی طالبات کو خصوصی توجہ دی جا سکتی ہے جہاں اعلیٰ تعلیم کے مواقع محدود ہوں۔
درخواست دینے کا طریقہ کار مرحلہ وار ہے۔ پہلے امیدوار کو جامعہ میں اپنے منتخب مضمون کے لیے باقاعدہ درخواست دے کر داخلہ حاصل کرنا ہوگا۔ داخلہ ملنے کے بعد وہ اسکالرشپ پروگرام کے تحت مالی معاونت کے لیے درخواست جمع کراسکے گی، جس کے ساتھ تعلیمی اسناد، داخلہ کی تصدیق، ذاتی بیان، مستقبل کے منصوبوں کی وضاحت اور ریکمنڈیشن لیٹرز شامل کرنا ہوں گے۔ ابتدائی جانچ کے بعد مختصر فہرست تیار کی جائے گی اور کامیاب امیدواروں کا مزید جائزہ یا انٹرویو بھی لیا جا سکتا ہے، جس کے بعد حتمی انتخاب کا اعلان کیا جائے گا۔
ملالہ یوسفزئی نے اس موقع پر اپنے بیان میں کہا کہ دنیا بھر میں لاکھوں لڑکیاں صلاحیت رکھنے کے باوجود مالی اور سماجی رکاوٹوں کے باعث اعلیٰ تعلیم سے محروم رہ جاتی ہیں، اسی خلا کو پُر کرنے کے لیے یہ قدم اٹھایا گیا ہے۔
مزید پڑھیں: آکسفورڈ یونیورسٹی مباحثہ پاکستانی طلبا نے دو تہائی اکثریت سے جیت لیا
ان کے مطابق تعلیم صرف ذاتی کامیابی کا ذریعہ نہیں بلکہ معاشرتی تبدیلی کی بنیاد ہے، اور اگر پاکستانی خواتین کو عالمی معیار کی تعلیم ملے تو وہ تحقیق، پالیسی سازی، سائنس، قانون، صحت اور سماجی ترقی سمیت ہر شعبے میں نمایاں کردار ادا کر سکتی ہیں۔
انہوں نے امید ظاہر کی کہ یہ اسکالرشپ نہ صرف انفرادی زندگیوں کو بدل دے گی بلکہ پاکستان میں تعلیم اور خواتین کی ترقی کے سفر کو بھی مضبوط بنائے گی۔
یہ اقدام ماہرینِ تعلیم کے نزدیک پاکستانی طالبات کے لیے ایک اہم موقع قرار دیا جا رہا ہے کیونکہ اس سے نہ صرف عالمی معیار کی تعلیم کے دروازے کھلیں گے بلکہ بین الاقوامی تعلیمی اداروں میں پاکستانی خواتین کی نمائندگی بھی بڑھے گی، جس کے اثرات طویل مدت میں ملکی تعلیمی معیار، تحقیق اور سماجی ترقی پر بھی مرتب ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آکسفورڈ آکسفورڈ یونیورسٹی پاکستانی طالبات فلی فنڈڈ اسکالرشپ ملالہ یوسفزئی.
ذریعہ
ذریعہ: WE News
کلیدی لفظ: آکسفورڈ آکسفورڈ یونیورسٹی پاکستانی طالبات ملالہ یوسفزئی داخلہ حاصل کر تعلیم کے کی تعلیم کرنے کے کے بعد کے لیے
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے