لائیو میچ میں سلمان آغا اور کوچ مائیک ہیسن کے درمیان لڑائی
اشاعت کی تاریخ: 19th, February 2026 GMT
ٹی 20 ورلڈ کپ 2026 میں پاکستان کی نمیبیا کے میچ کے دوران کپتان ڈگ آؤٹ میں قومی ٹیم کے کپتان سلمان علی آغا اور مائیک ہیسن کے درمیان گرما گرمی دیکھنے میں آئی جس کی ویڈیو سوشل میڈیا پر وائرل ہوگئی۔
وائرل ویڈیو میں وہ ہیڈ کوچ مائیک ہیسن سے تلخ کلامی کرتے اور زمین پر بوتل پھینکتے دکھائی دیے۔
ویڈیو میں دیکھا گیا کہ سلمان علی آغا اپنی وکٹ پر آؤٹ ہونے کے بعد جذباتی تھے، جبکہ ہیڈ کوچ مائیک ہیسن انہیں سمجھانے کی کوشش کر رہے تھے۔
اس پورے واقعے کے دوران بابراعظم بھی کافی سنجیدہ نظر آئے اور وہ کوچ – کپتان کے درمیان ہونے والی بحث کو خاموشی سے سن رہے تھے۔
رپورٹ کے مطابق سابق وکٹ کیپر کامران اکمل نے اس واقعے پر تبصرہ کرتے ہوئے کہا کہ کپتان آؤٹ ہونے کے بعد افسردہ تھے اور کوچ ان سے بات کر رہے تھے۔
Pakistan captain Salman Agha and coach Mike Hesson involved in a heated argument — caught live on TV.
— ND Sport (@SportsByND) February 18, 2026
سابق ٹیسٹ کرکٹر باسط علی کا بھی وضاحت دیتے ہوئے کہنا تھا کہ یہ تبادلۂ خیال صرف کپتان کے آؤٹ ہونے کے بعد ہو رہا تھا اور سلمان علی آغا نے کوچ کی بات غور سے سنی۔
یہ واقعہ ٹیم کی جذباتی کیفیت اور کپتان پر میچ کے دوران قیادت کے دباؤ کو اجاگر کرتا ہے، جس کا اثر ٹیم کی کارکردگی پر بھی پڑ سکتا ہے۔ سوشل میڈیا پر ویڈیو وائرل ہونے کے بعد کئی سوالات بھی اٹھنے لگے ہیں۔
گزشتہ چند برسوں میں پاکستان کرکٹ میں کئی ایسے واقعات سامنے آئے جب کوچ نے اپنی مدت کار کے دوران ہی اپنا عہدہ چھوڑ دیا، جس کی وجوہات کھلاڑیوں اور مینجمنٹ کے ساتھ تنازعات بتائی جاتی ہیں۔
واضح رہے کہ پاکستان نے نمیبیا کو 102 رنز سے شکست دے کر ٹی 20 ورلڈ کپ کے سپر 8 مرحلے میں جگہ بنالی ہے۔
ذریعہ
ذریعہ: Daily Mumtaz
کلیدی لفظ: ہونے کے بعد مائیک ہیسن کے دوران
پڑھیں:
امریکا، اسرائیل کو جارحیت کے دوران ایرانی فضائی دفاع نے بھاری نقصان پہنچایا، ایرانی کمانڈر
ایران کی ایئرڈیفنس کے جوائنٹ ہیڈکوارٹرز کے کمانڈر بریگیڈیئر جنرل علی رضا الہامی نے کہا ہے کہ امریکا اور اسرائیل کو جنگ بندی سے قبل جارحیت کے دوران فضائی جنگی صلاحیت اور آلات کو بڑا نقصان پہنچایا۔
ایرانی میڈیا کی رپورٹ کے مطابق بریگیڈیئر جنرل علی رضا الہامی نے ایک انٹرویو میں کہا کہ امریکا اور اسرائیل کو جنگ کے دوران جدید ڈرونز سمیت جنگی آلات کی مد میں کروڑ ڈالر کا نقصان پہنچایا۔
علی رضا الہامی نے کہا کہ امریکا اور اسرائیل کو پہنچنے والے نقصانات سے انہیں ایران کے اندر اپنے اہداف کی نشان دہی اور نشانہ بنانے کی صلاحیت پر بدترین اثر پڑا اور اس کے نتیجے میں فضائی کارروائی کی صلاحیت محدود ہوگئی۔
انہوں نے کہا کہ ایران نے منفرد اور مؤثر جواب کے لیے ڈسپرشن، الیکٹرونک ڈسپشن اور درست نشانہ پر حملوں جیسی ذہین حکمت عملیوں کا استعمال کیا گیا، دشمن کے فضائی حملوں کے اثرات کو نمایاں طور پر کم کر دیا اور اس کی ڈرون صلاحیتوں کو بھی کمزور کر دیا۔
کمانڈر نے کہا کہ ایرانی ایئرڈیفنس نے امریکا اور اسرائیل کے ایئرکرافٹ، ایم کیو-9 ریپر، ہرمیس 900، آربیٹر، لیوکاس اور ہیرمس 450 اور جنگی لڑاکا طیاروں کی فلیٹ کا مقابلہ کرنے کے لیے ریڈار ڈیٹا پروسیسنگ اور دیگر ٹیکنالوجی کا استعمال کیا، دشمن کو اپنے فائر پاور اور جدید ٹیکنالوجی پر انحصار تھا۔
علی رضا الہامی نے کہا کہ ایران کے جدید اور مربوط فضائی دفاعی نیٹ ورک نے حملہ آور دشمنوں کی فضائی قوت کو ایسا بھاری نقصان پہنچایا جو فضائی جنگوں کی تاریخ کے بدترین نقصانات میں شمار ہوتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ