سپریم کورٹ میں قصور قتل کیس کی سماعت، مقتول کی والدہ کا ملزم کو معاف کرنے پر اصرار
اشاعت کی تاریخ: 19th, February 2026 GMT
لاہور رجسٹری میں سپریم کورٹ نے قصور قتل کیس میں سزائے موت کے ملزم کی اپیل کی سماعت کی، جس دوران عدالت میں کئی دلچسپ اور غیر معمولی مناظر دیکھنے میں آئے۔
سماعت کے دوران مقتول کے والد نے ویڈیو لنک کے ذریعے عدالت میں موجود اپنی سابقہ اہلیہ کو پہچاننے سے انکار کیا۔
جس پر عدالت نے وضاحت طلب کی۔ وکیل مدعی نے بتایا کہ سامنے کھڑی خاتون مقتول کی سابقہ بیوی ہیں اور مقتول شخص ان دونوں کا بیٹا تھا۔
جسٹس ہاشم کاکڑ کی جانب سے استفسار پر مقتول کے والد نے جواب دیا کہ ان کی 4 شادیاں ہیں۔
جسٹس ہاشم کاکڑ نے مزاحیہ انداز میں کہا کہ اپنی شکل دیکھی ہے، تم کیا شاہ رخ خان ہو، 4 شادیاں کیسے کر لیں۔
وکیل کا مؤقف تھا کہ یہ پہلے کہہ رہا تھا کہ اس کی 2 بیویاں ہیں اب کہہ رہا ہے 4 بیویاں ہیں یہ سچ نہیں بتا رہا۔
بعد ازاں جسٹس ہاشم کاکڑ نے مقتول کی والدہ سے سوال کیا کہ وہ اس شخص کو کس چیز پر فدا ہوئیں، انہوں نے خاتون نے دریافت کیا کہ وہ کیوں معاف کرنا چاہتی ہیں۔
جس پر والدہ مقتول نے جواب دیا کہ وہ ملزم کو اللہ واسطے معاف کرنا چاہتی ہیں۔
عدالت نے پوچھا کہ کیا آپ پر اس سلسلے میں کسی طرح کا دباؤ ڈالا گیا، جس پر والدہ نے کہا کہ نہیں، وہ خود سے معاف کرنا چاہتی ہیں۔
ملزم کے وکیل نے عدالت سے درخواست کی کہ سزائے موت کو عمر قید میں تبدیل کیا جائے۔
جسٹس ہاشم کاکڑ نے کہا کہ راضی نامہ دکھا دیں پھر اس معاملے کو دیکھتے ہیں۔
جسٹس اشتیاق ابراہیم نے ریمارکس دیے کہ یہ کوئی بادشاہت کا دور تھوڑی ہے کہ راضی نامے ہوں۔
عدالت نے کیس کی آئندہ سماعت لاہور رجسٹری میں مقرر کرنے کی ہدایت کرتے ہوئے سماعت ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس ہاشم کاکڑ سپریم کورٹ سزائے موت عمر قید قصور قتل کیس لاہور رجسٹری.
ذریعہ
ذریعہ: WE News
کلیدی لفظ: جسٹس ہاشم کاکڑ سپریم کورٹ سزائے موت قصور قتل کیس لاہور رجسٹری جسٹس ہاشم کاکڑ
پڑھیں:
اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں،جسٹس اشتیاق ابراہیم اے این ایف پر برہم
اسلام آباد(ڈیلی پاکستان آن لائن)سپریم کورٹ میں منشیات برآمدگی کیس میں جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
نجی ٹی وی چینل دنیا نیوز کے مطابق سپریم کورٹ میں منشیات برآمدگی کیس میں ملزمہ کی درخواست ضمانت پرسماعت ہوئی،جسٹس ہاشم کاکڑ کی سربراہی میں 3رکنی بنچ نے سماعت کی،ملزمہ کے وکیل نے عدالت کے رو برو اے این ایف ریڈکی سی سی ٹی وی فوٹیج چلائی،عدالت نے سی سی ٹی وی فوٹیج کا فرانزک کروانے کا حکم دیدیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وکیل نے کہاکہ واضح دیکھا جا سکتا ہے اے این ایف اہلکار منشیات لے کر گھر آیا، خودمنشیات گھر میں رکھ کر جھوٹا کیس بنایاگیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
اے این ایف اہلکار نے فوٹیج میں موجودگی کی تردید کردی،جسٹس اشتیاق ابراہیم نے کہاکہ اے این ایف کے اسلحہ بردار اہلکار تشدد کرتے نظر آ رہے ہیں،وکیل اے این ایف نے کہاکہ یہ فوٹیج کسی اور گھر میں کئے گئے ریڈ کی ہے۔
جسٹس ہاشم کاکڑ نے کہاکہ اے این ایف کے 10اہلکار تھے مگر 2لڑکیاں پھر بھی بھاگ گئیں؟ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی،وکیل احسن بھون نے کہاکہ گارڑی کی ریکوری کا ریکارڈ بھی تبدیل کیاگیا ہے،
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
جسٹس اشتیاق ابراہیم نے اے این ایف پر اظہار برہمی کرتے ہوئے کہاکہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں ،خداکا خوف کریں، کمرہ عدالت میں جھوٹ نہ بولیں،اے این ایف کیا کررہا ہے ، ملزمان تحویل میں ہوتے ہوئے مار دیئے جاتے ہیں،ایک کیس میں ملزم کی ہتھکڑیوں کیساتھ تصویر تھی جو اگلے روز مار دیا گیا۔
جسٹس ہاشم کاکڑ نے اے این ایف اہلکار سے مکالمہ کرتے ہوئے کہاکہ جوانی ہمیشہ نہیں رہتی، کچھ خیال کیا کریں۔سپریم کورٹ نے 5لاکھ روپے مچلکوں کے عوض ملزمہ کی ضمانت منظورکرلی۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ