دھرنے میں بھوکے رہنے کے دعوؤں کے بعد پی ٹی آئی قیادت کی کھانا کھاتے ویڈیو وائرل، اصل حقیقت کیا؟
اشاعت کی تاریخ: 19th, February 2026 GMT
اپوزیشن اتحاد تحریک تحفظِ آئینِ پاکستان اور پاکستان تحریکِ انصاف (پی ٹی آئی) کی جانب سے وفاقی دارالحکومت میں جاری دھرنا ختم کر دیا گیا ہے۔ دھرنے کے دوران اپوزیشن رہنماؤں کی جانب سے یہ مؤقف اختیار کیا جاتا رہا کہ پولیس نے انہیں پارلیمنٹ ہاؤس میں محصور کر رکھا ہے اور کھانے پینے کی اشیاء تک رسائی محدود کر دی گئی ہے۔
پی ٹی آئی کے بعض رہنماؤں اور سوشل میڈیا صارفین نے دعویٰ کیا کہ ارکانِ پارلیمنٹ کو رات کی بچی ہوئی روٹی کھانے پر مجبور کیا جا رہا ہے اور پارلیمنٹ ہاؤس جو 25 کروڑ عوام کا نمائندہ ایوان ہے اس کو تالے لگا کر بند کر دیا گیا ہے۔ اس صورتحال کو بعض حلقوں نے ’کربلا کا سماں‘ قرار دیا۔
اسی دوران بیرسٹر گوہر کی ایک ویڈیو سوشل میڈیا پر وائرل ہوئی جس میں وہ محمود خان اچکزئی کے ہمراہ سوکھی روٹی اور خشک دودھ کھاتے دکھائی دیے۔ پی ٹی آئی کے حامی صارفین نے اسے خوراک کی قلت کا ثبوت قرار دیا۔
پارلیمنٹ میں موجود اراکین کے پاس کھانے کو کوئی سامان نہیں۔ بیرسٹر گوہر کے مطابق وہ سوکھی روٹی کھا رہے۔ pic.
— Mehwish Qamas Khan (@MehwishQamas) February 15, 2026
تاہم بعد ازاں سینئر صحافی طلعت حسین نے اپنے وی لاگ میں سی سی ٹی وی فوٹیج نشر کی جس میں محمود خان اچکزئی، راجہ ناصر اور بیرسٹر گوہر کو مختلف اشیائے خوردونوش سے لطف اندوز ہوتے دکھایا گیا۔ ویڈیو میں انہیں سیور فوڈ، کوئٹہ چائے اور پراٹھے کھاتے دیکھا جا سکتا ہے۔
طلعت حسین نے اپنے ویلاگ میں CCTV فوٹیج چلا دی جس میں اچکزئی راجہ ناصر بیرسٹر گوہر سیور فوڈ کھا رہے ہیں کوئٹہ چائے اور پراٹھے پھاڑ رہے ہیں
اخے سوکھی روٹی اور سوکھا دودھ بیرسٹر گوہر نے کھایا تھا ???????? pic.twitter.com/d4IvqlNviP
— Kippsam Malik (@KeepsamM) February 19, 2026
سی سی ٹی وی فوٹیج منظرِ عام پر آنے کے بعد سوشل میڈیا پر مختلف حلقوں کی جانب سے ردعمل سامنے آیا جہاں بعض صارفین نے اپوزیشن کے دعوؤں پر سوالات اٹھائے جبکہ دیگر نے اس معاملے کی وضاحت کا مطالبہ کیا ہے
علی رضا نامی صارف نے لکھا کہ محمود اچکزئی اور بیرسٹر گوہر نے خشک دود اور سوکھی روٹی کھانے کی ویڈیو پی ٹی آئی کے سوشل میڈیا کے لیے بنائی تھی تاکہ وہ راضی رہیں اور اصل ویڈیو میں دھرنے میں کھابے چل رہے ہیں، خوش گپیاں چل رہی ہیں۔
محمود اچکزئی اور بیرسٹر گوہر نے خشک دود اور سوکھی روٹی کھانے کی ویڈیو پی ٹی آئی کے سوشل میڈیا کے لئے بنائی تھی تاکہ وہ راضی رہیں اور اصل ویڈیو میں دھرنے میں کھابے چل رہے ہیں،خوش گپیاں چل رہی ہیںpic.twitter.com/EfQAAwECA8
— Ali Raza Shaaf (@AliRazaShaaf) February 19, 2026
فیاض شاہ نے کہا کہ یہ ان کا پارلیمنٹ کے اندر جاری نام نہاد دھرنا تھا جس میں خشک روٹیاں کھانے کی وڈیوز بنا کر عوام کو بیوقوف بناتے رہے اور اندر بیٹھ کر کھانے کھاتے رہے۔
یہ ان کا پارلیمنٹ کے اندر جاری نام نہاد دھرنا تھا جس میں خشک روٹیاں کھانے کی وڈیوز بنا کر عوام کو بیوقوف بناتے رہے اور اندر بیٹھ کر کھانے کھاتے رہے۔ pic.twitter.com/Ms5yZWRPyN
— Fayyaz Shah (@RebelByThought) February 19, 2026
زاہدہ راؤ کا کہنا تھا کہ طلعت حسین صاحب کی جانب سے جاری کردہ پارلیمنٹ کی راہداری میں اپوزیشن ارکان کے کھانے کی یہ ویڈیو جمعہ اور ہفتہ کی درمیانی رات کی ہے اور اس وقت تک سب لانے کی اجازت تھی۔
طلعت حسین صاحب کی جانب سے جاری کردہ پارلیمنٹ کی راہداری میں اپوزیشن ارکان کے کھانے کی یہ ویڈیو جمعہ اور ہفتہ کی درمیانی رات کی ہے اور اس وقت تک سب الاؤ تھا۔طلعت صاحب ہفتہ یا اتوار کی ویڈیوز جاری کرتے تو اصل خبر تھی اپوزیشن چھٹی کے دو روز کا دعویٰ کر رہی کم از کم مکمل تحقیق کر کے… pic.twitter.com/K3A1qEusRT
— Zahida Rao (@zahidarao123) February 19, 2026
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیرسٹر گوہر پی ٹی آئی پی ٹی آئی دھرنا عمران خان محمود خان اچکزئی
ذریعہ
ذریعہ: WE News
کلیدی لفظ: بیرسٹر گوہر پی ٹی ا ئی پی ٹی ا ئی دھرنا محمود خان اچکزئی بیرسٹر گوہر پی ٹی آئی کے سوشل میڈیا کی جانب سے کھانے کی رہے ہیں ہے اور
پڑھیں:
اراکین پارلیمنٹ کیلئے اضافی فیملی سوٹس کی تعمیر کی تجویز، بجٹ میں ڈیڑھ ارب روپے مختص ہونے کا امکان
وقاص عظیم: وفاقی بجٹ 2026-27 میں اراکین پارلیمنٹ کے اہل خانہ کیلئے اضافی رہائشی سہولیات کی فراہمی کی تجویز سامنے آگئی ہے، جس کے تحت نئے فیملی سوٹس اور سرونٹ کوارٹرز تعمیر کیے جائیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ذرائع کے مطابق پارلیمنٹ لاجز میں اراکین پارلیمنٹ کے اضافی فیملی سوٹس کی تعمیر کیلئے آئندہ مالی سال کے بجٹ میں ڈیڑھ ارب روپے مختص کرنے کی تجویز دی گئی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منصوبے کے تحت 500 سرونٹ کوارٹرز بھی تعمیر کیے جائیں گے تاکہ اراکین پارلیمنٹ اور ان کے اہل خانہ کو بہتر رہائشی سہولیات فراہم کی جا سکیں۔
ذرائع کا کہنا ہے کہ منصوبے کی مجموعی لاگت 7 ارب 40 کروڑ روپے مقرر کی گئی ہے، جبکہ جون 2026 تک اس منصوبے پر 2 ارب 29 کروڑ روپے خرچ ہونے کا تخمینہ لگایا گیا ہے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
بجٹ تجاویز کو حتمی منظوری کے بعد آئندہ مالی سال کے ترقیاتی پروگرام میں شامل کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ