کراچی میں گیس سلنڈر دھماکا؛ چھت گرنے سے 16 افراد جاں بحق، 14 زخمی
اشاعت کی تاریخ: 19th, February 2026 GMT
کراچی کے علاقے سولجر بازار میں ایک رہائشی عمارت میں سلنڈر دھماکے کے باعث افسوسناک حادثہ پیش آیا.جس کے نتیجے میں 16 افراد جاں بحق اور 14 زخمی ہوگئے۔ریسکیو حکام کے مطابق دھماکے کے باعث عمارت کی چھت اور کچھ حصہ منہدم ہو گیا۔ جاں بحق ہونے والے افراد میں بچے بھی شامل ہیں جبکہ ریسکیو ٹیموں نے ملبے سے ایک بچے اور ایک مرد سمیت مزید لاشیں نکالنے کی تصدیق کی ہے۔ریسکیو 1122 اور اربن سرچ اینڈ ریسکیو ٹیمیں فوری طور پر موقع پر پہنچیں جس کے بعد سرچ اینڈ ریسکیو آپریشن مکمل کیا گیا۔ حکام کے مطابق ملبے تلے دبے افراد کو نکالنے کی کوششیں تیز کر دی گئی ہیں جبکہ متعدد زخمیوں کو سول اسپتال منتقل کر دیا گیا ہے۔پولیس کی ابتدائی تحقیقات کے مطابق حادثہ گیس لیکج کے باعث پیش آنے والے سلنڈر دھماکے کا نتیجہ ہے۔ واقعے میں دو گھر متاثر ہوئے، ایک وہ جہاں دھماکا ہوا جبکہ ساتھ موجود کرائے دار کا گھر بھی متاثر ہوا۔پولیس اور امدادی اداروں کی بھاری نفری جائے وقوعہ پر موجود ہے جبکہ واقعے کی مزید تحقیقات جاری ہیں۔
واقعے کی تحقیقات کی جائیں گی، ڈی آئی جی ایسٹ
ڈی آئی جی ایسٹ ڈاکٹر فرخ لنجار نے میڈیا سے گفتگو کرتے ہوئے کہا کہ ابتدائی معلومات کے مطابق دھماکا گیس لیکج کا ہے، ملبے سے 14 افراد کی لاشوں کو نکالا جاچکا ہے جبکہ ملبے میں ایک لاش دبے ہونے کا خدشہ ہے، ریسکیو آپریشن جاری ہے۔
انہوں نے مزید کہا کہ کیمیکل ایگزامن کے بعد ہی دھماکے کی اصل نوعیت کا تعین ہوسکے گا، واقعے کی تحقیقات کی جائیں گی.
بم ڈسپوزل اسکواڈ کی ٹیم کا واقعے کے مقام کا دورہ
بم ڈسپوزل اسکواڈ کی ٹیم نے واقعے کے مقام کا دورہ کیا، جہاں ابتدائی تحقیقات میں انکشاف ہوا ہے کہ دھماکہ گیس لیکیج کے باعث پیش آیا جبکہ گیس سلنڈر نہیں پھٹا۔بم ڈسپوزل اسکواڈ ایسٹ کے انچارج عابد فاروق کے مطابق متاثرہ گھر کے باورچی خانے میں گیس کی فٹنگ ناقص تھی اور مختلف جگہوں پر گیس کی سپلائی کے لیے پلاسٹک کے پائپ استعمال کیے گئے تھے، جس کے باعث لیکیج کا امکان بڑھ گیا۔انہوں نے بتایا کہ پلاسٹک پائپ اور جوڑوں کی وجہ سے گیس کا اخراج زیادہ ہوتا ہے، جبکہ گھر میں گیس کھینچنے والی مشینیں بھی نصب تھیں۔عابد فاروق کے مطابق مقامی افراد نے بتایا کہ علاقے میں کئی روز سے گیس کی سپلائی نہیں آرہی تھی، تاہم گزشتہ رات اچانک گیس کی سپلائی تیز ہوگئی۔ان کا کہنا تھا کہ ممکنہ طور پر گیس کی چابی کھلی رہنے اور بعد ازاں شارٹ سرکٹ یا ماچس جلانے کے باعث دھماکہ ہوا۔انہوں نے مزید کہا کہ شہر میں پیش آنے والے زیادہ تر واقعات گیس لیکج کے باعث ہوتے ہیں، نہ کہ گیس سلنڈر دھماکوں کے سبب۔
وزیراعلیٰ سندھ کا نوٹس
وزیراعلیٰ سندھ مراد علی شاہ نے سولجر بازار میں گیس لیکج کے باعث عمارت میں دھماکے کا نوٹس لیتے ہوئے قیمتی جانوں کے ضیاع پر گہرے دکھ اور افسوس کا اظہار کیا اور متعلقہ اداروں کو ملبے تلے دبے افراد کو فوری نکالنے کی ہدایت دی۔
زخمیوں کو بہترین طبی سہولیات فراہم کی جائیں، وزیراعلیٰ سندھ کی کی ہدایت
وزیراعلیٰ نے امدادی کارروائیوں کو تیز کرنے کی بھی ہدایت دیتے ہوئے کہا کہ زخمیوں کو بہترین طبی سہولیات فراہم کی جائیں اور متاثرہ خاندانوں سے ہر طرح سے تعاون کیا جائے۔مراد علی شاہ نے کمشنر کراچی کو تحقیقات کا حکم دیتے ہوئے کہا کہ سولجر بازار میں دھماکے کی وجوہات کیا ہیں۔
ذریعہ
ذریعہ: Nawaiwaqt
کلیدی لفظ: کے مطابق گیس لیکج کی جائیں میں گیس کے باعث کہا کہ گیس کی
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ