ٹرمپ انتظامیہ غزہ میں فوجی اڈہ بنانے کا منصوبہ بنا رہی ہے، برطانوی اخبار
اشاعت کی تاریخ: 20th, February 2026 GMT
اخبار کے مطابق فوجی اڈہ 5 ہزار فوجیوں پر مشتمل اور 350 ایکڑ سے زیادہ رقبے پر تعمیر ہوگا، فوجی اڈہ مستقبل کی انٹرنیشنل اسٹیبلائزیشن فورس کے لیے آپریٹنگ بیس ہوگا۔ دستاویزات کے مطابق مرحلہ وار تعمیر ہونے والا یہ اڈہ آخرکار 1,400 میٹر رقبے پر مشتمل ہوگا۔ اسلام ٹائمز۔ برطانوی اخبار گارڈین نے ایک رپورٹ میں دعویٰ کیا ہے کہ ٹرمپ انتظامیہ غزہ میں فوجی اڈہ بنانے کا منصوبہ بنا رہی ہے۔ اخبار کے مطابق فوجی اڈہ 5 ہزار فوجیوں پر مشتمل اور 350 ایکڑ سے زیادہ رقبے پر تعمیر ہوگا، فوجی اڈہ مستقبل کی انٹرنیشنل اسٹیبلائزیشن فورس کے لیے آپریٹنگ بیس ہوگا۔ دستاویزات کے مطابق مرحلہ وار تعمیر ہونے والا یہ اڈہ آخرکار 1,400 میٹر رقبے پر مشتمل ہوگا، جس کے گرد 26 ٹریلر پر نصب بکتر بند واچ ٹاورز، چھوٹے ہتھیاروں کی رینج، بنکرز اور فوجی سامان کے گودام ہوں گے، پورا اڈہ خاردار تاروں سے گھرا ہوگا۔ برطانوی اخبار نے کہا کہ یہ قلعہ نما تنصیب جنوبی غزہ کے ایک بنجر میدان میں بنانے کا منصوبہ ہے، جہاں نمکین جھاڑیاں اور سفید جھاڑیاں موجود ہیں اور اسرائیلی بمباری کے ملبے سے زمین بھری ہوئی ہے۔
اخبار نے ایک ذریعے کا حوالہ دیتے ہوئے لکھا کہ چند بین الاقوامی تعمیراتی کمپنیوں کو جو جنگی علاقوں میں کام کا تجربہ رکھتی ہیں، پہلے ہی اس جگہ کا دورہ کروایا جا چکا ہے۔ اس مقام کو مستقبل کی بین الاقوامی اسٹیبلائزیشن فورس (آئی ایس ایف) کے لیے فوجی آپریٹنگ بیس کے طور پر تصور کیا گیا ہے، جو مختلف ممالک کے دستوں پر مشتمل ایک کثیرالقومی فورس ہوگی۔ آئی ایس ایف نئی قائم کردہ بورڈ آف پیس کا حصہ ہے، جس کا مقصد غزہ کا انتظام سنبھالنا ہے۔ اس بورڈ کے چیئرمین ڈونلڈ ٹرمپ ہیں اور اس کی قیادت میں جزوی طور پر ان کے داماد جیرڈ کشنر بھی شامل ہیں۔
دوسری جانب غزہ کے لیے بین الاقوامی سکیورٹی فورس کے کمانڈر میجر جنرل جیسپر جیفرز کا کہنا ہے کہ 5 ممالک نے بین الاقوامی سیکیورٹی فورس کے لیے فوجی دستے دینے کا کہا ہے۔ غزہ امن بورڈ سے خطاب میں میجر جنرل جیسپر نے بتایا کہ انڈونیشیا، مراکش، قازقستان، کوسوو اور البانیہ فوجی دستے بھیجیں گے، انڈونیشیا نے آئی ایس ایف کے ڈپٹی کمانڈر کی پوزیشن قبول کر لی ہے، مصر اور اردن پولیس کو تربیت دیں گے۔ امن بورڈ کے نمائندے Nickolay Mladenov نے بتایا کہ نئی عبوری فلسطینی پولیس فورس کے لیے دو ہزار فلسطینیوں نے درخواست دے دی ہے۔ اس سے پہلے صدر ٹرمپ نے اپنے خطاب میں کہا تھا یہ نہیں سوچیں کہ فوجیوں کو لڑائی کے لیے ہی بھیجا جائے گا۔
ذریعہ
ذریعہ: Islam Times
کلیدی لفظ: بین الاقوامی فورس کے لیے کے مطابق فوجی اڈہ
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا