سولجر بازار: عمارت گرنے کا سانحہ حکومت کی غفلت کا نتیجہ ہے‘ منعم ظفر خان
اشاعت کی تاریخ: 20th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف رپورٹر) امیر جماعت اسلامی کراچی منعم ظفر خان نے سولجر بازار میں عمارت گرنے کے افسوسناک سانحے پر گہرے دکھ اور افسوس کا اظہار کرتے ہوئے کہا ہے کہ یہ حادثہ حکومتی نااہلی اور انتظامی غفلت کا نتیجہ ہے۔16قیمتی انسانی جانوں کا ضیاع ناقابل تلافی نقصان ہے اور جماعت اسلامی متاثرہ خاندانوں کے غم میں برابر کی شریک ہے۔ کراچی میں غیر محفوظ عمارتیں اور گیس لیکج کے بڑھتے ہوئے واقعات لمحہ فکر ہیں،متعلقہ ادارے اپنی ذمے داریاں ادا کرنے میں مکمل طور پر ناکام ہوچکے ہیں۔منعم ظفر خان نے مطالبہ کیا کہ اس سانحے کے ذمے دار افسران اور متعلقہ اداروں کے خلاف فوری اور اور سخت کارروائی کی جائے تاکہ آئندہ ایسے واقعات کی روک تھام ممکن ہو سکے۔ جاں بحق افراد کے لواحقین کو معقول معاوضہ اور زخمیوں کے مکمل اور فوری علاج کا بندوبست کیا جائے۔منعم ظفر خان نے کہا کہ کراچی کو لاوارث چھوڑ دیا گیا ہے، شہریوں کی جان و مال کا تحفظ حکومت و ریاست کی بنیادی ذمے داری ہے جس سے مسلسل چشم پوشی کی جا رہی ہے۔جماعت اسلامی متاثرین کی ہر ممکن مدد کرے گی اور اس مشکل گھڑی میں ان کے ساتھ کھڑی رہے گی۔منعم ظفر نے دعا کی کہ اللہ تعالیٰ جاں بحق افراد کو جوارِ رحمت میں جگہ عطا فرمائے اور لواحقین کو صبر جمیل دے۔
ذریعہ
ذریعہ: Jasarat News
پڑھیں:
دیو ہیکل بحری جہاز "ایم ایس سی ڈیلیٹا” کراچی پورٹ پہنچ گیا
کراچی : دیو ہیکل بحری جہاز ‘ایم ایس سی ڈیلیٹا ‘ کراچی پورٹ پر لنگر انداز ہوگیا ، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔تفصیلات کے مطابق دنیا کا دیو ہیکل کنٹینر بحری جہاز "ایم ایس سی ڈینلیٹا” کامیابی کے ساتھ کراچی پورٹ پہنچ گیا ہے اور کے پی ٹی کے مخصوص ٹرمینل پر لنگر انداز ہوگیا۔کراچی پورٹ ٹرسٹ نے بتایا کہ یہ بحری جہاز اپنی نوعیت اور حجم کے اعتبار سے انتہائی وسیع ہے، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔کے پی ٹی کا کہنا تھا کہ 400 میٹر طویل اور 67 میٹر چوڑا یہ بحری جہاز 255,288 ڈیڈ ویٹ ٹن گنجائش رکھتا ہے، جو اسے دنیا کے بڑے تجارتی جہازوں میں شامل کرتا ہے۔ترجمان نے کہا کہ اتنے بڑے جہاز کی آمد اس بات کا مظہر ہے کہ کراچی پورٹ جدید سہولیات اور بڑے بحری جہازوں کو سنبھالنے کی مکمل صلاحیت رکھتی ہے۔ادارے کے مطابق ایسے بڑے جہازوں کی آمد سے بندرگاہ کی استعداد میں مزید اضافہ ہوگا، عالمی شپنگ کمپنیوں کا اعتماد مضبوط ہوگا اور پاکستان کی تجارتی سرگرمیوں کو بھی فروغ ملے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا