ایران پر امریکی جارحیت خطے اور عالمی امن کے لیے سنگین خطرہ ہو گی، ثروت اعجاز قادری
اشاعت کی تاریخ: 20th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف ر پورٹر) چیئرمین پاکستان سنی تحریک انجینئر محمد ثروت اعجاز قادری نے امریکی جارحیت کے حوالے سے اپنے جاری میں بیان میں کہا کہ ایران پر کسی بھی قسم کی جارحیت نہ صرف خطے بلکہ پوری دنیا کے امن کو شدید خطرات سے دوچار کر سکتی ہے۔انہوں نے خبردار کیا کہ اگر ایران پر حملے کی کوئی بھی کوشش کی گئی تو اس کے نتائج سنگین ہوں گے اور یہ اقدام امریکہ اور اس کے اتحادیوں کو مہنگا پڑ سکتا ہے۔انہوں نے کہا کہ امریکہ کو اپنے ناپاک عزائم پر عمل درآمد کرنے سے پہلے ہزار بار سوچنا چاہیے، کیونکہ مشرق وسطی پہلے ہی بدامنی،جنگوں اور سازشوں کا شکار رہا ہے۔کسی نئی محاذ آرائی سے نہ صرف مسلم امہ میں اضطراب بڑھے گا بلکہ عالمی معیشت اور امن بھی شدید متاثر ہوں گے۔ثروت اعجاز قادری کا کہنا تھا کہ طاقت کے بل بوتے پر کسی خودمختار ملک کو دبانے کی پالیسی ہمیشہ ناکام ثابت ہوئی ہے۔انہوں نے عالمی برادری سے مطالبہ کیا کہ وہ خطے میں کشیدگی کم کرنے کے لیے سنجیدہ اور مثبت کردار ادا کرے۔انہوں نے مزید کہا کہ مسلم ممالک کو بھی باہمی اختلافات بھلا کر اتحاد و یکجہتی کا مظاہرہ کرنا ہوگا تاکہ کسی بیرونی جارحیت کا موثر جواب دیا جا سکے۔چیئرمین پاکستان سنی تحریک نے واضح کیا کہ جنگ کسی مسئلے کا حل نہیں بلکہ مذاکرات اور سفارتی ذرائع ہی پائیدار امن کی ضمانت ہیں۔ انہوں نے اقوام متحدہ اور دیگر عالمی اداروں سے اپیل کی کہ وہ خطے میں امن کے قیام کے لیے فوری اقدامات کریں اور کسی بھی ممکنہ جنگی صورتحال کو روکنے میں اپنا کردار ادا کریں۔آخر میں انہوں نے کہا کہ پاکستان کی سلامتی،خودمختاری اور مسلم امہ کے مفادات پر کوئی سمجھوتہ نہیں کیا جائے گا، اور پاکستان سنی تحریک ہر اس اقدام کی مخالفت کرے گی جو امت مسلمہ کے خلاف سازش یا جارحیت پر مبنی ہو۔
ذریعہ
ذریعہ: Jasarat News
کلیدی لفظ: انہوں نے
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی