جیفری ایپسٹین کو خفیہ دستاویزات دینے کا الزام، سابق پرنس اینڈریو کی ’زیرِ تفتیش‘ رہائی
اشاعت کی تاریخ: 20th, February 2026 GMT
برطانوی بادشاہ چارلس سوم کے چھوٹے بھائی اینڈریو ماؤنٹ بیٹن ونڈسر کو سرکاری عہدے میں بدعنوانی کے شبہے میں گرفتار کیے جانے کے بعد جمعرات کی شام پولیس حراست سے رہا کردیا گیا۔
66 سالہ اینڈریو سے ٹیمز ویلی پولیس نے سارا دن تفتیش کی، ان پر الزام ہے کہ انہوں نے سرکاری خفیہ دستاویزات امریکی مجرم جیفری ایپسٹین کو فراہم کیں۔
یہ بھی پڑھیں:
پولیس کے مطابق اینڈریو کو ’زیرِ تفتیش رہائی‘ دی گئی ہے جبکہ معاملے کی تحقیقات جاری ہیں۔
جدید دور میں کسی سینیئر شاہی شخصیت کی گرفتاری کو غیر معمولی پیش رفت قرار دیا جا رہا ہے۔
https://Twitter.
کنگ چارلس سوم نے بیان میں کہا کہ قانون اپنا راستہ اختیار کرے گا اور شاہی خاندان مکمل تعاون کرے گا۔
اگرچہ بکنگھم پیلس کو گرفتاری کی پیشگی اطلاع نہیں دی گئی تھی، تاہم بادشاہ نے واضح کیا کہ قانون سے کوئی بھی بالاتر نہیں۔
مزید پڑھیں:
اینڈریو ماؤنٹ بیٹن ونڈسر ماضی میں ایپسٹین سے تعلقات کے باعث 2019 میں تمام سرکاری شاہی ذمہ داریوں سے دستبردار ہو چکے تھے اور ان سے تمام اعزازی خطابات بھی واپس لے لیے گئے تھے۔
انہوں نے جیفری ایپسٹین سے دوستی پر افسوس کا اظہار تو کیا ہے لیکن کسی بھی غلط کام کی تردید کرتے رہے ہیں۔
مزید پڑھیں:
پولیس نے مشرقی انگلینڈ میں ان کی رہائش گاہ اور ونڈسراسٹیٹ پر واقع ایک مکان کی تلاشی بھی لی ہے۔
حکام کے مطابق گرفتاری جرم ثابت ہونے کے مترادف نہیں، تاہم سرکاری عہدے میں بدعنوانی ثابت ہونے پر زیادہ سے زیادہ سزا عمر قید ہو سکتی ہے۔
مزید پڑھیں:
یہ تحقیق 2022 میں مرحومہ ورجینیا گیوفری کے دائر کردہ سول مقدمے سے متعلق نہیں ہے، جسے اینڈریو نے عدالت سے باہر طے کر لیا تھا۔
امریکی صدر ڈونلڈ ٹرمپ نے اس پیش رفت کو ’افسوسناک‘ قرار دیا، جبکہ سابق برطانوی وزیر اعظم گورڈن براؤن نے ایپسٹین کے نیٹ ورک سے متعلق وسیع تر تحقیقات کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگلینڈ اینڈریو ماؤنٹ بیٹن ونڈسر برطانوی بادشاہ بکنگھم پیلس پرنس اینڈریو جیفری ایپسٹین چارلس چارلس سوم شاہی خاندان گرفتاری گورڈن براؤن
ذریعہ
ذریعہ: WE News
کلیدی لفظ: انگلینڈ اینڈریو ماؤنٹ بیٹن ونڈسر برطانوی بادشاہ بکنگھم پیلس پرنس اینڈریو جیفری ایپسٹین چارلس چارلس سوم شاہی خاندان گرفتاری گورڈن براؤن جیفری ایپسٹین
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار