امیر مقام کی رہائش گاہ پر نون لیگ آزاد کشمیر کا اہم اجلاس
اشاعت کی تاریخ: 20th, February 2026 GMT
اجلاس میں وزیر امور کشمیر انجینئر امیر مقام اور مشیر سیاسی امور سینیٹر رانا ثنا اللہ خان نے خصوصی طور پر شرکت کی۔ اجلاس میں مسلم لیگ (ن) کے صدر شاہ غلام قادر کی قیادت پر مکمل اعتماد کا اظہار کرتے ہوئے اس عزم کا اعادہ کیا گیا کہ مسلم لیگ (ن) آئندہ انتخابات میں تاریخ ساز کامیابی حاصل کرے گی۔ اسلام ٹائمز۔ مسلم لیگ (ن) آزاد کشمیر آئندہ ہونے والے انتخابات میں اپنی کارکردگی کی بنیاد پر کامیابی حاصل کرے گی۔ اس امر کا اظہار مسلم لیگ (ن) آزاد کشمیر کے خصوصی اجلاس میں کیا گیا۔ اجلاس وفاقی وزیر امور کشمیر، گلگت بلتستان و سیفران انجینئر امیر مقام کی رہائش گاہ پر منعقد ہوا، جس کی صدارت مسلم لیگ (ن) آزاد کشمیر کے صدر شاہ غلام قادر نے کی۔ اجلاس میں وزیر امور کشمیر انجینئر امیر مقام اور مشیر سیاسی امور سینیٹر رانا ثنا اللہ خان نے خصوصی طور پر شرکت کی۔ اجلاس میں مسلم لیگ (ن) کے صدر شاہ غلام قادر کی قیادت پر مکمل اعتماد کا اظہار کرتے ہوئے اس عزم کا اعادہ کیا گیا کہ مسلم لیگ (ن) آئندہ انتخابات میں تاریخ ساز کامیابی حاصل کرے گی۔ اجلاس میں گزشتہ روز سوشل میڈیا پر آنے والے بیانات پر تشویش کا اظہار کرتے ہوئے فیصلہ کیا گیا کہ آئندہ کسی قسم کی اختلافی بیان بازی کو میڈیا کی زینت نہیں بنایا جائے گا اور تمام معاملات جماعتی پلیٹ فارم پر ہی اٹھائے جائیں گے۔ اجلاس میں سابق وزیراعظم آزاد کشمیر راجہ فاروق حیدر خان، سینئر نائب صدر مشتاق منہاس، سیکرٹری جنرل چوہدری طارق فاروق، نائب صدر ڈاکٹر نجیب نقی، سیکرٹری اطلاعات افتخار گیلانی اور وزیر امور کشمیر کے کوآرڈینیٹر سردار طارق نے خصوصی طور پر شرکت کی۔ اجلاس کے اختتام پر مقبوضہ کشمیر کی آزادی اور شہداء کی ارواح کے ایصالِ ثواب کے لیے فاتحہ خوانی بھی کی گئی۔
.
ذریعہ
ذریعہ: Islam Times
کلیدی لفظ: اجلاس میں مسلم لیگ کا اظہار کیا گیا
پڑھیں:
یورپی یونین کی اعلیٰ نمائندہ برائے امور خارجہ آج اسلام آباد پہنچیں گی
اسلام آباد(نیوز ڈیسک) یورپی یونین کی اعلیٰ نمائندہ برائے امور خارجہ اور یورپی کمیشن کی سلامتی پالیسی کی نائب صدر کایہ کالس اسلام آباد کا دورہ کریں گی۔
نجی ٹی وی چینل کےمطابق سفارتی ذرائع کا کہنا ہے کہ کایہ کالس 31 مئی کو اسلام آباد پہنچیں گی، یورپی یونین کی اعلیٰ نمائندہ کی پاکستان کی اعلیٰ قیادت سے ملاقاتیں بھی متوقع ہیں۔
یوکرین تنازع، امریکہ اسرائیل ایران جنگ اور عالمی توانائی و اقتصادی بحران کے تناظر میں دورہ اہمیت کا حامل ہے۔
مزید پڑھیں۔بجٹ کے بعد کون سے موبائل فون سستے ہو رہے ہیں؟ اہم خبر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ