مسلم لیگ (ن) آزاد کشمیر انتخابات میں کلین سویپ کر یگی: فاروق حیدر خان
اشاعت کی تاریخ: 20th, February 2026 GMT
ہٹیاں بالا (نمائندہ نوائے وقت) سابق وزیراعظم آزاد کشمیر و پارلیمانی لیڈر مسلم لیگ ن راجہ محمد فاروق حیدر خان نے کہا ہے کہ عوام کی جوق درجوق شمولیت نے واضح کر دیا ہے کہ آزاد کشمیر میں اگلی حکومت مسلم لیگ ن بنائیگی۔ 2021ء میں اگر ہمارا مینڈیٹ چوری نہ کیا جاتا تو اس وقت ریاست کے اندر یہ حالات پیدا نہ ہوتے، ہماری حکومت نے میرٹ قائم کیا، پائیدار ترقی کی بنیاد ڈالی، آزادکشمیر کو آئینی و انتظامی اختیارات واپس دلوائے۔ قائد مسلم لیگ ن محمد نوازشریف آزاد کشمیر کی انتخابی مہم میں شامل ہونگے، کارکنان الیکشن کی تیاریاں شروع کر دیں، نو تعینات چیف الیکشن کمشنر ایک تجربہ کار شخصیت ہیں جنہوں نے 2016ء میں صاف شفاف انتخابات کروائے۔ ان کی تعیناتی سے توقع ہے کہ وہ اس اہم آئینی عہدے پر اپنی سابقہ روایات دوہراتے ہوئے آئندہ عام انتخابات کے لیے بہترین انتظامات کرینگے۔
.
ذریعہ
ذریعہ: Nawaiwaqt
کلیدی لفظ: مسلم لیگ
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا