سولجر بازار میں پانی کے رساﺅ سے عمارتیں خطرے میں، مکینوں کا فوری کارروائی کا مطالبہ
اشاعت کی تاریخ: 20th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی: شہر کے گنجان آباد علاقے سولجر بازار میں پانی کی مسلسل لیکیج نے سینکڑوں رہائشیوں کی زندگیاں خطرے میں ڈال دی ہیں، جہاں روزانہ ہزاروں گیلن پانی ضائع ہونے کے باعث متعدد عمارتوں کی بنیادیں کمزور ہونے لگی ہیں اور مکین کسی بڑے حادثے کے خدشے میں مبتلا ہیں۔
علاقہ مکینوں کے مطابق پلاٹ نمبر 259 وولی روڈ پر واقع بیت المحسن بلڈنگ اور اس کے اطراف کی عمارتوں کے نیچے زمین مسلسل نم رہنے سے بنیادوں میں دراڑیں پڑ چکی ہیں جبکہ قریبی خالی پلاٹ میں ٹوٹی ہوئی پانی کی لائن سے پانی مسلسل بہہ کر اردگرد کی عمارتوں میں سرایت کر رہا ہے۔
رہائشیوں کا کہنا ہے کہ اگر فوری مرمت نہ کی گئی تو کسی بھی وقت عمارتیں زمین بوس ہو سکتی ہیں جس سے ہزاروں جانوں کو خطرہ لاحق ہے۔
مقامی افراد نے بتایا کہ انہوں نے اس سنگین صورتحال سے متعلق متعدد بار وزیر بلدیات سندھ، میئر مرتضیٰ وہاب اور واٹر اینڈ سیوریج کارپوریشن سمیت متعلقہ اداروں کو تحریری درخواستیں دیں مگر تاحال کوئی عملی اقدام نہیں کیا گیا، مسلسل نظراندازی نے شہریوں میں خوف و ہراس پھیلا دیا ہے اور لوگ عدم تحفظ کے احساس کے ساتھ زندگی گزار رہے ہیں۔
رہائشیوں نے مزید بتایا کہ متاثرہ عمارتوں میں غوثیہ سینٹر، حسن ہائٹس، ایم جی اسکوائر اور دیگر رہائشی اپارٹمنٹس شامل ہیں، جہاں زمین میں پانی جمع ہونے سے ڈھانچے کمزور ہو رہے ہیں، لیکیج نہ صرف پانی کے ضیاع کا سبب ہے بلکہ یہ صورتحال علاقے میں امن و امان کے مسائل کو بھی جنم دے سکتی ہے اگر خدانخواستہ کوئی عمارت گر گئی تو بڑا انسانی المیہ رونما ہو سکتا ہے۔
مکینوں نے مطالبہ کیا ہے کہ متعلقہ حکام فوری طور پر ٹوٹی ہوئی لائن کی مرمت، متاثرہ عمارتوں کا تکنیکی معائنہ اور حفاظتی اقدامات یقینی بنائیں تاکہ کسی سانحے سے بچا جا سکے۔ انہوں نے اپیل کی کہ اداروں کو پابند کیا جائے کہ وہ اس مسئلے کو ترجیحی بنیادوں پر حل کریں تاکہ قیمتی جانیں محفوظ رہ سکیں۔
ذریعہ
ذریعہ: Jasarat News
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا