کارکنان جماعت اسلامی کی رہائی حق و سچ کی فتح ہے‘ جاوداں فہیم
اشاعت کی تاریخ: 21st, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260221-01-11
کراچی (اسٹاف رپورٹر)حلقہ خواتین جماعت اسلامی کراچی کی ناظمہ جاوداں فہیم نے سندھ اسمبلی کے باہر‘‘جینے دو کراچی’’دھرنے کے دوران گرفتار کیے گئے جماعت اسلامی کے کارکنان کی رہائی پر اظہارِ مسرت کرتے ہوئے کہا ہے کہ یہ حق و سچ کی جدوجہد کی فتح ہے۔جماعت اسلامی کے کارکنان نے پرامن، آئینی اور جمہوری حق کے تحت کراچی کے عوام کے مسائل کے لیے آواز بلند کی، مگر سندھ حکومت نے طاقت کا استعمال کرتے ہوئے بے گناہ کارکنان کو گرفتار کیا۔ الحمدللہ، کارکنان کی رہائی اس بات کا ثبوت ہے کہ ظلم اور جبر کے ہتھکنڈے حق کی آواز کو دبانے میں ناکام رہے۔جاوداں فہیم نے رہائی پانے والے تمام کارکنان کو مبارکباد دیتے ہوئے کہا کہ جماعت اسلامی کے کارکنان نے ثابت کردیا کہ وہ کسی بھی قربانی سے دریغ نہیں کریں گے اور کراچی کے مظلوم عوام کے حقوق کے لیے جدوجہد جاری رکھیں گے۔ جماعت اسلامی خواتین اپنے بہادر کارکنان کے ساتھ کھڑی ہیں اور اس عزم کا اعادہ کرتی ہیں کہ کراچی کو اس کا حق دلانے تک جدوجہد جاری رہے گی۔سندھ حکومت ہوش کے ناخن لے، عوامی مسائل حل کرے اور پرامن سیاسی جدوجہد کو طاقت سے دبانے کی روش ترک کرے۔جاوداں فہیم نے رہائی پانے والے کارکنان کو خراجِ تحسین پیش کرتے ہوئے کہا کہ یہ قربانیاں کراچی کے روشن مستقبل کی ضمانت ہیں اور ہم عوام کے ساتھ مل کر اس شہر کو اس کا جائز مقام دلانے کے لیے جدوجہد جاری رکھیں گے۔ اس راستے میں ہمارے بھائیوں اور بیٹوں نے اور ان کے گھر والوں نے جو کڑی مشکلات اور پریشانیاں برداشت کی ہیں، اللہ تعالیٰ ان سب کو اس کا بہترین اجر عطا فرمائے گا۔
ذریعہ
ذریعہ: Jasarat News
کلیدی لفظ: جماعت اسلامی جاوداں فہیم
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
وزارت آئی ٹی نے 1.67 ارب روپے سے زاید کے فنڈز طلب کرلیے