کراچی: ایک ملین ہیڈ منی کا حامل انتہائی مطلوب ملزم بادشاہ گرفتار
اشاعت کی تاریخ: 21st, February 2026 GMT
کراچی:
پیرآباد پولیس نے ایک ملین ہیڈ منی کے حامل انتہائی مطلوب ملزم بادشاہ کو ساتھیوں سمیت مقابلے کے بعد شدید زخمی حالت میں گرفتار کرلیا۔
ایس ایس پی ویسٹ طارق الہیٰ مستوئی کے مطابق کارروائی خفیہ اطلاع پر کی گئی، ملزمان نے گرفتاری سے بچنے کیلئے پولیس پر فائرنگ کی جس پر جوابی کارروائی کی گئی۔
دو طرفہ شدید فائرنگ کے تبادلے کے دوران پولیس موبائل پر 3 گولیاں لگیں، انتہائی مطلوب ملزم کو 02 ساتھیوں سمیت زخمی حالت میں گرفتار کرلیا گیا۔
کارروائی کے دوران 4 مسلح ساتھی فائرنگ کرتے ہوئے فرار ہوئے جن کی گرفتاری کے لئے علاقے کو گھیرے میں لے کر سرچ آپریشن شروع کردیا۔
ایس ایس پی ویسٹ کے مطابق انتہائی مطلوب ملزم بادشاہ منشیات ریکٹ کا سرغنہ اور سنگین نوعیت کے 11 سے زائد مقدمات میں انتہائی مطلوب تھا۔ ملزم شہر کراچی سے فرار ہوکر روپوش ہوگیا تھا اور بیرون شہر سے ہی منشیات کا نیٹ ورک آپریٹ کررہا تھا۔
زخمی ملزمان سے 01 منی رائفل، 02 پسٹل، ایمونیشن، لاکھوں روپے مالیت کی آئس، چرس، موبائل فون اور نقدی رقم برآمد ہوئی۔ زخمی ملزمان کو اسپتال منتقل کردیا گیا ہے جبکہ مزید ریکارڈ حاصل کیا جارہا ہے۔
زخمی ملزمان میں امیر بخش عرف بادشاہ ولد منظور (ہیڈ منی والا)، نجیب اللّٰہ عرف جگنوں ولد قلندر اور فاروق ولد عباس شامل ہیں۔
دوسری جانب رینجرز نے لانڈھی شیر پاؤ کالونی میں کارروائی کرتے ہوئے عامر ڈکیت گینگ کے چار کارندوں گرفتار کرکے اسلحہ اور دیگر مسروقہ سامان برآمد کر لیا۔
ترجمان رینجرز کے مطابق ملزمان اسلحے کے زور پر تقریباً 47 ملین روپے کے علاوہ جیولری کی دکان سے ڈھائی کلو سونا اور 800 سے زائد موبائل فونز چھیننے کی متعدد وارداتوں میں ملوث ہیں۔
.
ذریعہ
ذریعہ: Express News
کلیدی لفظ: انتہائی مطلوب ملزم
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ