صدرِ مملکت کا قومی یکجہتی کے لیے مادری زبانوں کو فروغ دینے پر زور
اشاعت کی تاریخ: 21st, February 2026 GMT
اسلام آباد (نیوز ڈیسک) صدرِ مملکت آصف علی زرداری نے ملک کی متنوع مادری زبانوں کے تحفظ اور فروغ کے عزم کی تجدید پر زور دیتے ہوئے کہا ہے کہ لسانی تنوع ہماری طاقت کا سرچشمہ اور جامع قومی ترقی کی بنیاد ہے، اردو رابطے کی زبان جبکہ مادری زبانیں اولین شناخت ہیں۔
آج مادری زبانوں کے عالمی دن کے حوالے سے اپنے پیغام میں صدر آصف علی زرداری نے کہا کہ زبان شناخت، وقار اور مواقع کی تشکیل میں کلیدی کردار ادا کرتی ہے، پاکستان پنجابی، پشتو، سندھی، بلوچی، سرائیکی، براہوی، ہندکو، شینا، بروشسکی، وخی اور ہزارگی سمیت زبانوں کے ایک بھرپور گلدستے کا گھر ہے، جو صدیوں پر محیط مشترکہ تاریخ اور ثقافتی تبادلے کی عکاسی کرتا ہے۔
صدر مملکت نے کہا کہ اگرچہ اردو وفاق کو جوڑنے والی رابطے کی زبان ہے، تاہم مادری زبانیں بچوں کی پہلی آواز اور ورثے میں ملنے والے علم اور روایت کی بنیادی امین ہیں، زبان محض اظہار کا ذریعہ نہیں بلکہ یہ اس بات کی تشکیل کرتی ہے کہ معاشرے اپنے ماضی کو کیسے یاد رکھتے ہیں، سماجی زندگی کو کیسے منظم کرتے ہیں اور اپنے اردگرد کی دنیا کو کیسے سمجھتے ہیں۔ زبان اخلاقی روایات، مقامی دانش اور ورثے میں ملنے والے تجربات کو اپنے اندر سموئے ہوتی ہے۔
انہوں نے مزید کہا کہ جب کوئی زبان کمزور ہوتی ہے تو صرف الفاظ ہی نہیں کھوتے بلکہ حقیقت کو دیکھنے اور سمجھنے کا ایک منفرد زاویہ بھی ماند پڑ جاتا ہے، اصل چیلنج تنوع نہیں بلکہ اتحاد کو فروغ دیتے ہوئے مشترکہ ورثے کا تحفظ کرنا ہے، انہوں نے زور دیا کہ یکجہتی کا مطلب یکسانیت نہیں بلکہ باہمی اعتراف اور مساوی وقار پر مبنی ہوتی ہے۔
صدر زرداری نے تعلیم اور روزمرہ زندگی میں مادری زبانوں کی عملی اہمیت کو بھی اجاگر کیا، انہوں نے کہا کہ جو بچہ گھر میں بولی جانے والی زبان میں تعلیم کا آغاز کرتا ہے، اس میں فکری صلاحیتوں کی بہتر نشوونما، اسباق کی بہتر سمجھ، اعتماد میں اضافہ اور تعلیم جاری رکھنے کے امکانات زیادہ ہوتے ہیں، اس کے برعکس اگر تعلیم کسی اجنبی زبان میں دی جائے تو سیکھنے میں خلا پیدا ہوتا ہے اور ابتدائی جماعتوں میں ڈراپ آؤٹ کی شرح بڑھ جاتی ہے۔
انہوں نے نشاندہی کی کہ کسان، ہنرمند اور چھوٹے کاروباری افراد اکثر خدمات، منڈیوں اور معلومات تک رسائی کے لیے مقامی زبانوں پر انحصار کرتے ہیں، مادری زبانوں کو تسلیم اور فروغ دینے سے نہ صرف ثقافتی شناخت مضبوط ہوگی بلکہ خواندگی، نقل و حرکت اور معاشی شرکت میں بھی اضافہ ہوگا۔
صدر نے تحقیق اور بین الاقوامی تجربات کا حوالہ دیتے ہوئے کہا کہ مادری زبان پر مبنی کثیر لسانی تعلیم فہم کو بہتر بناتی ہے اور اضافی زبانوں کے حصول میں مدد دیتی ہے، جبکہ مقامی اظہار میں پوشیدہ مقامی علم کا بھی تحفظ کرتی ہے، پاکستان کے تناظر میں علاقائی زبانوں کو تعلیم اور عوامی زندگی میں دانشمندانہ طور پر شامل کرنا قومی ہم آہنگی کو مضبوط بنا سکتا ہے، کیونکہ اس سے یہ پیغام ملتا ہے کہ ہر برادری کے ورثے کو وفاق میں قدر کی نگاہ سے دیکھا جاتا ہے۔
انہوں نے کہا کہ آئیے اس دن کے موقع پر پاکستان کی تمام مادری زبانوں کے احترام اور فروغ کے عزم کی تجدید کریں، نئے ٹیکنالوجی کے دور میں کسی بھی زبان کو فروغ دینا مشکل نہیں رہا۔
صدر مملکت نے کہا کہ ملک بھر میں بولی جانے والی زبانوں کے تنوع کا احترام کرکے پاکستان اپنی جمہوریت کی بنیادوں کو مضبوط بنا سکتا ہے اور اس امر کو یقینی بنا سکتا ہے کہ ہر شہری خود کو سنا، سمجھا اور نمائندگی یافتہ محسوس کرے۔
.
ذریعہ
ذریعہ: Daily Mumtaz
کلیدی لفظ: زبانوں کے نے کہا کہ انہوں نے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا