نائیجیریا میں مسلح افراد کا گاؤں پر دھاوا، 50 افراد ہلاک، متعدد اغوا
اشاعت کی تاریخ: 21st, February 2026 GMT
نائیجیریا کے شمال مغربی صوبے زمفارا میں مسلح افراد کے ایک گاؤں پر حملے میں کم از کم 50 افراد ہلاک اور کئی خواتین و بچے اغوا کر لیے گئے۔
مزید پڑھیں: راجوڑی میں عسکریت پسندوں سے بھارتی فوج کی جھڑپیں، 4 اہلکار ہلاک، متعدد شدید زخمی
صوبے سے تعلق رکھنے والے ایک قانون ساز نے رائٹرز کو بتایا کہ حملہ آور جمعرات کی شام قریباً 5 بجے سے جمعہ کو صبح 3:30 تک گاؤں پر چھاپہ مار کر عمارتیں جلا دیتے اور بھاگنے کی کوشش کرنے والے رہائشیوں پر فائرنگ کرتے رہے۔
انہوں نے بتایا کہ حملہ آور ایک گاؤں سے دوسرے گاؤں کی طرف بڑھتے رہے، اور اس دوران کم از کم 50 افراد ہلاک ہوئے۔
انہوں نے مزید بتایا کہ اغوا شدگان کی تعداد ابھی تک معلوم نہیں ہو سکی۔ گاؤں کے روایتی رہنما اور مقامی حکومت کے اہلکار لاپتا افراد کی گنتی کر رہے ہیں۔
گاؤں کے 41 سالہ رہائشی عبداللہ نے بتایا کہ حملے میں ان کے خاندان کے 3 افراد ہلاک ہوگئے ہیں۔
انہوں نے بتایا کہ ایک روز قبل گاؤں کے رہائشیوں نے سیکیورٹی فورسز اور مقامی حکام کو اطلاع دی تھی جب انہوں نے 150 سے زیادہ موٹرسائیکلوں پر مسلح افراد کو دیکھاتھا، لیکن اس انتباہ کو نظر انداز کیا گیا۔
مزید پڑھیں: نائجیریا: کان میں کاربن مونو آکسائیڈ پھیلنے سے 37 کان کن ہلاک، 25 زخمی
واضح رہے کہ نائیجیریا میں سیکیورٹی کی صورتحال سنگین تشویش کا باعث ہے اور حکومت پر استحکام بحال کرنے کا دباؤ بڑھ رہا ہے۔ شمالی نائیجیریا میں ڈاکوؤں کے حملوں میں اضافہ ہوا ہے، جن میں مہلک حملے، تاوان کے لیے اغوا اور کمیونٹیز کو بے گھر کرنا شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نائیجیریا حملہ ہلاکتیں وی نیوز.
ذریعہ
ذریعہ: WE News
کلیدی لفظ: نائیجیریا حملہ ہلاکتیں وی نیوز افراد ہلاک انہوں نے بتایا کہ
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار