پیپلزپارٹی نے دور آمریت کو بھی پیچھے چھوڑدیا‘نصراللہ چنا
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260222-08-10
کراچی(اسٹاف رپورٹر)جماعت اسلامی سندھ کے نائب امیرحافظ نصراللہ چنا کہا ہے کہ حکومتی ناہلی وکرپشن کی وجہ سے کراچی تاکشمور پورا سندھ کھنڈربنا ہوا ہے۔18سال سے پیپلزپارٹی صوبہ سندھ پراقتدارا میں مگرعوام زندگی کی بنیادی سہولیات صاف پانی تعلیم صحت سے محروم اورامن کو ترس گئے ہیں۔پانی امن اوراپنا حق مانگنے پر80سالہ بزرگ سمیت سیاسی کارکنوں پردہشت گردی کے مقدمات مرادعلی شاہ حکومت کی بدترین فسطائیت ہے ۔عوامی اورجمہوریت کی دعویدارپیپلزپارٹی نے دورآمریت کو بھی پیچھے چھوڑدیا ہے۔گرفتار کارکنان کی رہائی حق وسچ کی فتح ہے ،جماعت اسلامی کو اس طرح کے اوچھے ہتھکنڈوں سے ڈرایا دھمکایا اوردبایا نہیں جاسکتا ہے۔کراچی کی روشنیوں کی بحالی اورعوام کے حقوق کے لیے پرامن وآئینی جدوجہد جاری رہے گی۔یہ بات انہوں نے سندھ اسمبلی کے باہرجینے دو کراچی کو ، پانی دو کراچی کو مانگنے کے جرم میں قید کاٹنے والے کورنگی کے کارکنان کی رہائی پراستقبال کے موقع پرکیا۔کارکنان کا بھرپوراستقبال اورپھولوں کے ہارپہنائے گئے۔امیرضلع کورنگی مرزا فرحان بیگ ودیگر ذمے داران بھی ساتھ موجود تھے۔انہوں نے مزید کہاکہ کفرکی حکومت چل سکتی ہے مگر ظلم کی حکومت نہیں چل سکتی۔سندھ حکومت نے دین دشمنی اورکرپشن میں رکارڈ توڑدیئے ہیں عوام کو چوروں لٹیروں اورڈاکوئوں کے رحم وکرم پرچھوردیا ہے ۔کچے کے ڈاکوئوں کا پکے کے سرپرستوں کے ساتھ ملکر عوام کو یرغمال بنانا،سندھ اسمبلی میں شراب پرپابندی کی قراردادکی مخالفت اورپولیس موبائل میں منشیات کی اسمگلنگ اس کی واضح مثال ہے۔مراد علی شاہ حکومت ہوش کے ناخن لے، عوامی مسائل حل کرے اور پرامن سیاسی جدوجہد کو طاقت سے دبانے کے لیے آمرانہ طرزعمل کی روش ترک کرے۔شہریوں کی جان ومال کی حفاظت اوربنیادی سہولیات فراہم کرنے کی اپنی ذمے دارای پوری کرے۔
ذریعہ
ذریعہ: Jasarat News
پڑھیں:
دیو ہیکل بحری جہاز "ایم ایس سی ڈیلیٹا” کراچی پورٹ پہنچ گیا
کراچی : دیو ہیکل بحری جہاز ‘ایم ایس سی ڈیلیٹا ‘ کراچی پورٹ پر لنگر انداز ہوگیا ، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔تفصیلات کے مطابق دنیا کا دیو ہیکل کنٹینر بحری جہاز "ایم ایس سی ڈینلیٹا” کامیابی کے ساتھ کراچی پورٹ پہنچ گیا ہے اور کے پی ٹی کے مخصوص ٹرمینل پر لنگر انداز ہوگیا۔کراچی پورٹ ٹرسٹ نے بتایا کہ یہ بحری جہاز اپنی نوعیت اور حجم کے اعتبار سے انتہائی وسیع ہے، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔کے پی ٹی کا کہنا تھا کہ 400 میٹر طویل اور 67 میٹر چوڑا یہ بحری جہاز 255,288 ڈیڈ ویٹ ٹن گنجائش رکھتا ہے، جو اسے دنیا کے بڑے تجارتی جہازوں میں شامل کرتا ہے۔ترجمان نے کہا کہ اتنے بڑے جہاز کی آمد اس بات کا مظہر ہے کہ کراچی پورٹ جدید سہولیات اور بڑے بحری جہازوں کو سنبھالنے کی مکمل صلاحیت رکھتی ہے۔ادارے کے مطابق ایسے بڑے جہازوں کی آمد سے بندرگاہ کی استعداد میں مزید اضافہ ہوگا، عالمی شپنگ کمپنیوں کا اعتماد مضبوط ہوگا اور پاکستان کی تجارتی سرگرمیوں کو بھی فروغ ملے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا