خضدار اور بارکھان میں مسلح افراد کے حملے، 11 مزدور اغوا
اشاعت کی تاریخ: 22nd, February 2026 GMT
بلوچستان کے اضلاع خضدار اور بارکھان میں گزشتہ 24 گھنٹوں کے دوران پیش آنے والے 2 مختلف واقعات میں نامعلوم مسلح افراد نے تعمیراتی منصوبوں پر کام کرنے والے 11 مزدوروں کو اغوا کرلیا۔
مزید پڑھیں: سیکیورٹی فورسز نے بلوچستان سے اغوا کی گئی خاتون کو بازیاب کرالیا، 2 دہشتگرد ہلاک
پولیس کے مطابق ہفتہ کی شام خضدار کے علاقے مولہ میں تعمیراتی کام کرنے والی ایک نجی کمپنی کے کیمپ پر موٹر سائیکلوں پر سوار مسلح افراد نے دھاوا بول دیا۔ حملہ آوروں نے کیمپ میں موجود 8 مزدوروں کو اغوا کرلیا۔
اغوا ہونے والوں کی شناخت گل شیر، غلام سرور، عبدالمالک بگٹی، مولانا بخش، محمد عرفان اور اختیار کے نام سے ہوئی۔
پولیس کے مطابق مغوی مزدوروں میں سے 3 کا تعلق سندھ جبکہ 5 کا تعلق ضلع خضدار سے ہے۔
دوسری جانب ضلع بارکھان کے علاقے ڈھولا ندی کے قریب سڑک پر کام کرنے والی نجی کمپنی کے کرش پلانٹ پر بھی مسلح افراد نے حملہ کیا۔
پولیس کے مطابق 20 سے زیادہ مسلح افراد ہوائی فائرنگ کرتے ہوئے موقع پر پہنچے اور 3 مزدوروں کو اغوا کرکے قریبی پہاڑی علاقے کی طرف فرار ہو گئے۔
مغوی مزدوروں کا تعلق بلوچستان کے ضلع موسیٰ خیل سے بتایا جا رہا ہے۔
مزید پڑھیں: بلوچستان: اغواکاروں نے اسسٹنٹ کمشنر زیارت کو بیٹے سمیت قتل کردیا
ترجمان بلوچستان پولیس شہزادہ فرحت نے وی نیوز سے گفتگو کرتے ہوئے کہاکہ خضدار کے علاقے مولہ سے 8 افراد کو مسلح افراد اغوا کرکے لے گئے، اغوا ہونے والوں میں سے 3 کا تعلق سندھ سے تھا جبکہ 5 مقامی افراد تھے جبکہ بارکھان سے 3 مقامی افراد کو اغوا کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان دہشتگرد مزدور اغوا وی نیوز.
ذریعہ
ذریعہ: WE News
کلیدی لفظ: بلوچستان دہشتگرد مزدور اغوا وی نیوز مسلح افراد کا تعلق کو اغوا
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے