پی ٹی اے کی غیر مجاز کٹوتیوں پر ٹیلی کام کمپنیوں کو سخت وارننگ
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد(آن لائن) پاکستان ٹیلی کمیونیکیشن اتھارٹی (پی ٹی اے ) نے ملک بھر میں موبائل فون صارفین کی جانب سے موصول ہونے والی شکایات کا سخت نوٹس لیتے ہوئے ٹیلی کام کمپنیوں کو غیر مجاز کٹوتیوں اور اضافی چارجز کی وصولی فوری طور پر بند کرنے کی ہدایت جاری کر دی ہے۔ پاکستان ٹیلی کمیونیکیشن اتھارٹی (پی ٹی اے ) نے سوشل میڈیا پر موبائل ٹیرف، سروس کے معیار اور بیلنس کی غیر مجاز کٹوتیوں سے متعلق گردش کرنے والی خبروں پر اپنا جامع ردعمل جاری کر دیا ہے۔ پی ٹی اے کا کہنا ہے کہ ادارہ صارفین کے حقوق کے تحفظ کیلیے مکمل طور پر متحرک ہے اور اس سلسلے میں نئے ضوابط نافذ کر دیے گئے ہیں۔ترجمان پی ٹی اے کے مطابق، ایک منظم نظام کے قیام کیلیے “موبائل ٹیرف ریگولیشنز ” کا نفاذ کر دیا گیا ہے۔ پی ٹی اے نے واضح کیا ہے کہ کوئی بھی ٹیلی کام آپریٹر اتھارٹی کی پیشگی منظوری کے بغیر موبائل ٹیرف یا پیکجز کی قیمتوں میں کسی قسم کا ردوبدل کرنے کا مجاز نہیں ہے۔ ریگولیٹر نے کمپنیوں کو پابند کیا ہے کہ وہ صارفین پر کوئی بھی نیا چارج لاگو کرنے سے پہلے شفافیت کو یقینی بنائیں۔ اکثر صارفین کی جانب سے شکایت کی جاتی ہے کہ ان کی مرضی کے بغیر مختلف سروسز (مثلاً کالر ٹیونز یا نیوز الرٹس) ایکٹیویٹ کر دی جاتی ہیں۔ اس حوالے سے پی ٹی اے نے سخت ہدایت دی ہے کہ کسی بھی ویلیو ایڈڈ سروس کیلیے صارف کی واضح اور صریح اجازت لازمی ہے۔ٹیلی کام آپریٹرز کو ایک ایسا شفاف چارجنگ سسٹم اپنانا ہوگا جس سے صارفین کو معلوم ہو کہ ان کے بیلنس سے رقم کہاں اور کیوں وضع کی جا رہی ہے۔
ذریعہ
ذریعہ: Jasarat News
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا