پنجاب فلم ڈویلپمنٹ اتھارٹی بل 2025 واپس لینے کا فیصلہ
اشاعت کی تاریخ: 23rd, February 2026 GMT
پنجاب اسمبلی کے ایجنڈے کے مطابق آج رول 110 کے تحت پنجاب فلم ڈویلپمنٹ اتھارٹی بل 2025 واپس لیا جائے گا۔ حکومتی ذرائع کا کہنا ہے کہ مسودہ قانون میں اصلاحات کے بعد اسے دوبارہ اسمبلی میں پیش کیا جائے گا۔
مزید پڑھیں: پنجاب میں فلم انڈسٹری کے فروغ کے لیے ’پنجاب فلم ڈویلپمنٹ اتھارٹی‘ کے قیام کا بل پیش
ذرائع کے مطابق حکومتِ پنجاب نے فلم انڈسٹری کے فروغ کے لیے پنجاب فلم ڈویلپمنٹ اتھارٹی کے قیام کا فیصلہ کیا تھا اور پنجاب فلم ڈویلپمنٹ اتھارٹی ایکٹ 2025 گزشتہ دسمبر میں اسمبلی میں پیش کیا گیا تھا۔ تاہم بل میں تکنیکی اور قانونی خامیوں کے باعث اسے واپس لینے کا فیصلہ کیا گیا ہے۔
مجوزہ اتھارٹی کے تحت فلم، ڈراما اور دستاویزی فلم سازی کی سرپرستی کی جانی تھی جبکہ نئی فلم پالیسی، قواعد و ضوابط اور لائسنسنگ کا جامع نظام متعارف کرانے کی تجویز بھی شامل تھی۔ فلم سازوں کو ون ونڈو آپریشن اور مختلف اجازت ناموں کے حصول میں سہولت فراہم کرنے کا منصوبہ بھی اس بل کا حصہ تھا۔
بل میں مقامی و غیر ملکی سرمایہ کاری کے فروغ کے لیے خصوصی مراعات، فلم اسٹوڈیوز اور فلم سٹی کے قیام، جدید پوسٹ پروڈکشن سہولیات کی فراہمی اور نئے ٹیلنٹ کی تربیت کے لیے ٹریننگ پروگرامز شروع کرنے کی تجاویز بھی شامل تھیں۔
مزید پڑھیں:مریم نواز کا واہگہ بارڈر کا دورہ، آزادی کی تاریخ اجاگر کرنے والے منصوبوں کا افتتاح
حکومتی ذرائع کا کہنا ہے کہ بل پر دوبارہ کام کرکے نیا اور بہتر فلم ڈویلپمنٹ بل متعارف کرایا جائے گا تاکہ صوبے میں فلمی صنعت کو مؤثر اور پائیدار بنیادوں پر فروغ دیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب اسمبلی پنجاب فلم ڈویلپمنٹ اتھارٹی بل فلم، ڈراما اور دستاویزی فلم سازی.
ذریعہ
ذریعہ: WE News
کلیدی لفظ: پنجاب اسمبلی فلم ڈراما اور دستاویزی فلم سازی کے لیے
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا