آزاد کشمیر میں 5 جی سروسز کا آغاز، وزیراعظم فیصل ممتاز راٹھور کی عوام کو خوشخبری
اشاعت کی تاریخ: 23rd, February 2026 GMT
آزاد جموں و کشمیر کے وزیراعظم فیصل ممتاز راٹھور نے اعلان کیا ہے کہ 10 مارچ سے 5 جی سروسز کا باقاعدہ آغاز کیا جا رہا ہے، جسے انہوں نے ایک تاریخی سنگِ میل قرار دیا ہے۔
ان کا کہنا تھا کہ جدید دور کے تقاضوں سے ہم آہنگ ڈیجیٹل سہولیات کی فراہمی حکومت کی اولین ترجیحات میں شامل ہے اور 5 جی ٹیکنالوجی کے ذریعے آزاد کشمیر تیز رفتار انٹرنیٹ، جدید تعلیم، ای ہیلتھ، ای گورننس اور ڈیجیٹل معیشت کے نئے دور میں داخل ہوگا۔
یہ بھی پڑھیے: پاکستان میں5جی سروسز کے آغاز کا عمل ایک بار پھر تاخیر کا شکار
اپنے پیغام میں وزیراعظم نے کہا کہ نوجوان نسل کو یہ خوشخبری دیتے ہوئے انہیں خوشی محسوس ہو رہی ہے کہ حکومت نے ڈیجیٹل دنیا کی جانب اہم پیش قدمی کی ہے۔ ان کا کہنا تھا کہ 5 جی ٹیکنالوجی سے کاروباری سرگرمیوں میں اضافہ ہوگا، آئی ٹی اور فری لانسنگ کے مواقع وسیع ہوں گے اور باصلاحیت نوجوان عالمی مارکیٹ سے براہ راست منسلک ہو سکیں گے۔
انہوں نے کہا کہ حکومت کی کوشش ہے کہ ریاست کا ہر شہر اور ہر گاؤں ڈیجیٹل ترقی کے سفر میں برابر کا شریک ہو۔ اس مقصد کے لیے ٹیلی کمیونیکیشن انفراسٹرکچر کو مزید مضبوط بنایا جائے گا اور دور دراز علاقوں تک تیز رفتار انٹرنیٹ کی فراہمی یقینی بنائی جائے گی۔ نوجوانوں کو ٹیکنالوجی کی تعلیم و تربیت فراہم کی جائے گی تاکہ وہ جدید معیشت میں مؤثر کردار ادا کر سکیں۔
یہ بھی پڑھیے: 5جی اسپیکٹرم پالیسی کب لائی جائے گی؟ حکومت نے بڑا اعلان کردیا
وزیراعظم نے کہا کہ ان کے نزدیک 5 جی صرف انٹرنیٹ کی رفتار نہیں بلکہ ترقی، روزگار اور خوشحالی کی رفتار ہے۔ انہوں نے پاکستان ٹیلی کمیونیکیشن کے تعاون کو سراہتے ہوئے کہا کہ 4 جی سہولت آزاد کشمیر کو تقریباً پانچ سال بعد ملی تھی، تاہم اس بار 5 جی سہولت پاکستان میں آغاز کے ساتھ ہی حاصل کر لی گئی ہے۔
انہوں نے چیف سیکرٹری آزاد کشمیر خوشحال خان اور سیکرٹری انفارمیشن ٹیکنالوجی راشد حنیف سمیت متعلقہ ٹیم کو مبارکباد پیش کی اور کہا کہ ان کی شبانہ روز کاوشوں سے یہ ممکن ہوا۔
وزیراعظم کا مزید کہنا تھا کہ حکومت نے ٹیلی کام سیکٹر کی اہمیت کو مدنظر رکھتے ہوئے رائٹ آف وے چارجز ختم کیے اور ون ونڈو سہولت فراہم کی تاکہ ٹیلی کام آپریٹرز کو آزاد کشمیر میں بہتر مسابقتی ماحول میسر آ سکے اور عوام کو معیاری سہولیات حاصل ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5G Service in Kashmir 5جی سروس آزاد کشمیر.
ذریعہ
ذریعہ: WE News
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا