خیبر پختونخوا میں 27 جولائی تک بارشوں اور تیز ہواؤں کی پیشگوئی، پی ڈی ایم اے کا الرٹ جاری
اشاعت کی تاریخ: 24th, July 2026 GMT
خیبر پختونخوا پراونشل ڈیزاسٹر مینجمنٹ اتھارٹی (پی ڈی ایم اے) نے 24 سے 27 جولائی تک صوبے کے مختلف علاقوں میں بارش، تیز ہواؤں اور گرج چمک کی پیشگوئی کے پیش نظر تمام ضلعی انتظامیہ کو الرٹ جاری کر دیا ہے۔
یہ بھی پڑھیں: پنجاب میں موسلا دھار بارشیں، 24 گھنٹوں میں 17 اموات رپورٹ
پی ڈی ایم اے کے مطابق صوبے کے بالائی اضلاع چترال، دیر، سوات، شانگلہ، بٹگرام، مانسہرہ اور ایبٹ آباد میں لینڈ سلائیڈنگ کا خدشہ ہے، جبکہ حساس علاقوں کے مقامی ندی نالوں اور برساتی گزرگاہوں میں فلیش فلڈ آنے کا امکان بھی ظاہر کیا گیا ہے۔
ترجمان پی ڈی ایم اے کے مطابق تیز ہواؤں اور آسمانی بجلی کے باعث کھڑی فصلوں، کمزور عمارتوں، بجلی کے کھمبوں، سائن بورڈز اور سولر پینلز کو نقصان پہنچنے کا خدشہ ہے۔
پی ڈی ایم اے نے ضلعی انتظامیہ کو حساس علاقوں میں پیشگی حفاظتی اقدامات یقینی بنانے، دریاؤں، ندی نالوں اور برساتی گزرگاہوں کی مسلسل نگرانی کرنے اور بارشوں کے دوران اہم شاہراہوں کو ٹریفک کے لیے کھلا رکھنے کی ہدایت کی ہے۔
مزید پڑھیے: مون سون بارشیں: وزیراعلیٰ مریم نواز کا پنجاب بھر میں ہائی الرٹ، تمام متعلقہ اداروں کو متحرک رہنے کا حکم
اتھارٹی نے ریسکیو 1122 کو بھی ہدایت کی ہے کہ کسی بھی ہنگامی صورتحال سے نمٹنے کے لیے اپنی ٹیموں کی بروقت تعیناتی یقینی بنائی جائے۔
پی ڈی ایم اے نے سیاحوں سے اپیل کی ہے کہ بارشوں کے دوران غیر ضروری سفر سے گریز کریں، دریاؤں اور ندی نالوں کے قریب نہ جائیں اور سیلابی پانی عبور کرنے کی کوشش نہ کریں۔
والدین کو ہدایت کی گئی ہے کہ بارش کے دوران بچوں کو ندی نالوں، کھڑے پانی اور کھلے گڑھوں سے دور رکھیں جبکہ کسان فصلوں کی حفاظت کے لیے ضروری احتیاطی تدابیر اختیار کریں اور مویشی پال افراد اپنے جانوروں کو محفوظ مقامات پر منتقل کریں۔
مزید پڑھیں: خیبرپختونخوا میں بارشوں اور سیلاب سے 28 افراد جاں بحق، 29 زخمی
ترجمان کے مطابق پی ڈی ایم اے کا صوبائی ایمرجنسی آپریشن سینٹر صورتحال کی 24 گھنٹے نگرانی کر رہا ہے جبکہ کسی بھی ہنگامی صورتحال کی اطلاع پی ڈی ایم اے کی ٹول فری ہیلپ لائن 1700 پر دی جا سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ڈی ایم اے خیبر پختونخوا پراونشل ڈیزاسٹر مینجمنٹ اتھارٹی خیبرپختونخوا خیبرپختونخوا بارشیں خیبرپختونخوا موسم.
ذریعہ
ذریعہ: WE News
کلیدی لفظ: پی ڈی ایم اے خیبرپختونخوا خیبرپختونخوا بارشیں خیبرپختونخوا موسم پی ڈی ایم اے ندی نالوں کے لیے
پڑھیں:
پی ڈی ایم اے پنجاب کا شدید بارشوں کا الرٹ، اربن فلڈنگ کا خدشہ
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے صوبہ میں موسلادھار بارشوں، گرج چمک اور تیز ہواؤں کی پیشگوئی کرتے ہوئے متعلقہ اداروں کو ہائی الرٹ رہنے کی ہدایت جاری کر دی۔پی ڈی ایم اے کے مطابق 24 سے 27 جولائی تک لاہور سمیت جنوبی اور وسطی پنجاب کے مختلف اضلاع میں شدید بارش اور آندھی کا امکان ہے جبکہ لاہور، گوجرانوالہ اور دیگر شہروں میں اربن فلڈنگ کا خدشہ بھی ظاہر کیا گیا ہے۔ترجمان کے مطابق بہاولپور، ملتان، سیالکوٹ، فیصل آباد اور رحیم یار خان میں بھی شدید بارشوں کی پیشگوئی کی گئی ہے جبکہ راولپنڈی، مری، گلیات، اٹک اور گجرات میں 24 سے26جولائی کے دوران وقفے وقفے سے بارش متوقع ہے۔پی ڈی ایم اے نے خبردار کیا ہے کہ تیز ہواؤں اور آسمانی بجلی کے باعث کمزور ڈھانچوں، سولر پینلز اور بجلی کے کھمبوں کو نقصان پہنچ سکتا ہے، اس لیے شہری احتیاطی تدابیر اختیار کریں۔ادارے نے سیاحوں اور مسافروں کو غیر ضروری سفر سے گریز کرنے، جبکہ کسانوں کو فصلوں اور مویشیوں کے تحفظ کے لیے پیشگی اقدامات کرنے کی ہدایت کی ہے۔پی ڈی ایم اے نے تمام ضلعی انتظامیہ، ریسکیو 1122 اور متعلقہ اداروں کو ہائی الرٹ رہنے، پیشگی انتظامات مکمل کرنے، ڈرینوں کی صفائی، بھاری مشینری کی دستیابی اور مؤثر ایمرجنسی رسپانس یقینی بنانے کی ہدایت بھی جاری کر دی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم