انڈیا کی مسلم جماعت نے محمد شامی کو روزہ چھوڑنے پر مجرم قرار دیدیا
اشاعت کی تاریخ: 7th, March 2025 GMT
آل انڈیا مسلم جماعت کے صدر مولانا شہاب الدین نے بھارت کے صفِ اول کے فاسٹ بولر محمد شامی کو رمضان کا روزہ نہ رکھنے پر کڑی تنقید کا نشانہ بنا دیا۔ مولانا شہاب الدین نے محمد شامی کو روزہ چھوڑنے پر مجرم قرار دیا تھا۔
آسٹریلیا کے خلاف آئی سی سی چیمپئنز ٹرافی کے سیمی فائنل کے دوران شامی کو انرجی ڈرنک پیتے ہوئے دیکھا گیا تھا۔ اس بات نے فاسٹ بولر کو لے کر ایک نیا تنازع کھڑا کر دیا کہ محمد شامی روزہ کیسے چھوڑ سکتے ہیں۔
تاہم، بھارت کے سابق اسپنر ہربھجن سنگھ نے محمد شامی کا دفاع کرتے ہوئے کہا ہے کہ مذہب اور کھیل کو مکس نہیں کرنا چاہیئے۔
لیجنڈ اسپنر ہربھجن سنگھ کا کہنا تھا کہ وہ کہنا چاہتے ہیں کہ یہ ان کا ذاتی خیال ہے، وہ صحیح یا غلط ہوسکتے ہیں۔ کھیل کو مختلف طریقے سے دیکھا جانا چاہیئے۔ لوگوں کا شامی یا روہت شرما کے حوالے سے کسی مخصوص عرصے میں کچھ خاص کرنے کی توقع کرنا مناسب نہیں ہے۔
ہربھجن سنگھ نے محمد شامی کے عمل کا دفاع کرتے ہوئے کہا کہ کھلاڑی کے لیے کھیلتے وقت پانی کی کمی سے بچنا ضرورتی ہوتا ہے۔
انہوں نے کہا کہ آپ شاید یہ بات اس لیے کر رہے ہوں کیوں کہ آپ اپنے گھر میں بیٹھے معمول کا کام کر رہے ہوں گے۔ لیکن جب آپ کھلاڑی کی طرح کھیل رہے ہوتے ہیں تو اگر آپ جسم میں پانی کی مقدار کو برقرار نہیں رکھیں گے تو آپ گر سکتے ہیں۔ اور جس قسم کی گرمی میں وہ کھیل رہے ہیں ان کو پانی پینے کی ضرورت ہے۔
.
ذریعہ
ذریعہ: Express News
کلیدی لفظ: شامی کو
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ