پاکستانی سائبر حملے ,بھارتی مہاراشٹرا الیکٹرسٹی ٹرانسمیشن کو ہیک کر لیا گیا
اشاعت کی تاریخ: 10th, May 2025 GMT
سٹی42: پاکستانی سائبر اٹیک ٹیم نے بھارتی ریاست مہاراشٹرا اسٹیٹ الیکٹرسٹی ٹرانسمیشن کمپنی لمیٹڈ پر بڑا سائبر حملہ کر کے کمپنی کے سسٹمز کو ہیک کر لیا ہے جس کے بائث بجلی کی فراہمی معطل ہو گئی ہے۔
ذرائع کے مطابق سائبر حملے کے بعد ریاست بھر میں بجلی کی مکمل بندش دیکھنے میں آئی جس سے کمرشل اور ڈومیسٹک صارفین شدید متاثر ہوئے۔ رپورٹ کے مطابق کمپنی کے تمام بجلی میٹرز اور صارفین کا ڈیٹا بھی حذف کر دیا گیا ہے۔
مری میں ’’پاک فوج زندہ باد ‘‘ ریلی
ماہرین کا کہنا ہے کہ یہ حملہ نہ صرف بھارت کی سائبر سیکیورٹی کی کمزوری کو بے نقاب کرتا ہے بلکہ خطے میں سائبر وارفیئر کے نئے دور کا آغاز بھی ہو سکتا ہے۔ اس حوالے سے تاحال بھارتی حکام کی جانب سے کوئی باضابطہ بیان جاری نہیں کیا گیا۔
یاد رہے کہ حالیہ دنوں میں پاکستان اور بھارت کے درمیان کشیدہ صورتحال کے باعث ڈیجیٹل محاذ پر بھی تناؤ میں اضافہ دیکھا جا رہا ہے۔
.ذریعہ: City 42
کلیدی لفظ: سٹی42
پڑھیں:
بنگلہ دیش: انتخابی ریلی پر فائرنگ، ایک ہلاک، امیدوار سمیت دو زخمی
چٹاگانگ: بنگلہ دیش کے ساحلی شہر چٹاگانگ میں انتخابی مہم کے دوران فائرنگ کے واقعے میں ایک شخص جاں بحق اور امیدوار سمیت دو افراد زخمی ہو گئے۔ پولیس کے مطابق موٹر سائیکل سوار مسلح افراد نے بنگلہ دیش نیشنل پارٹی (بی این پی) کی ریلی پر حملہ کیا اور موقع سے فرار ہو گئے۔
خبر رساں ادارے اے ایف پی کے مطابق واقعہ اس وقت پیش آیا جب ملک بھر میں سیاسی جماعتوں نے فروری 2026 کے عام انتخابات کے لیے اپنی مہمات کا آغاز کیا۔ یہ انتخابات گزشتہ برس سابق وزیراعظم شیخ حسینہ کی حکومت کے خاتمے کے بعد ہونے والے پہلے عام انتخابات ہیں۔
پولیس افسر حسیب عزیز نے بتایا کہ حملہ آوروں نے ریلی میں شریک ہجوم پر اندھا دھند فائرنگ کی۔ امیدوار ارشاد اللہ اور ایک حامی زخمی ہوئے، جبکہ ایک شخص زخموں کی تاب نہ لاتے ہوئے دم توڑ گیا۔ پولیس کے مطابق حملہ آوروں کا اصل ہدف امیدوار نہیں تھے۔
بی این پی رہنما امیر خسرور محمود چوہدری نے فائرنگ کے واقعے کی مذمت کرتے ہوئے کہا کہ یہ واقعہ “سیاست کو غیر مستحکم کرنے اور انتخابات میں خلل ڈالنے کی منظم کوشش” ہے۔
بی این پی نے حال ہی میں اعلان کیا تھا کہ 80 سالہ پارٹی سربراہ خالدہ ضیا — جو تین مرتبہ وزیراعظم رہ چکی ہیں — دوبارہ انتخابات میں حصہ لیں گی، جبکہ ان کے بیٹے طارق رحمان بھی امیدوار ہوں گے۔
عبوری حکومت کے سربراہ محمد یونس نے فائرنگ کے واقعے کی تحقیقات کا حکم دیا ہے اور تمام سیاسی جماعتوں سے تحمل اور امن کا مظاہرہ کرنے کی اپیل کی ہے۔ حکومت کے بیان کے مطابق انتخابات پرامن، شفاف اور باوقار ماحول میں یقینی بنائے جائیں گے۔
پیپلز پارٹی میں وزارتِ عظمیٰ کے لیے مشاورت تیز، بیرسٹر گروپ بھی ساتھ دینے پر راضی