پاکستان اور بھارت کے درمیان سیز فائر کا خیرمقدم کرتے ہیں: سعودی ولی عہد
اشاعت کی تاریخ: 14th, May 2025 GMT
ریاض(نیوز ڈیسک) سعودی ولی عہد شہزادہ محمد بن سلمان نے کہا ہے کہ پاکستان اور بھارت کے درمیان سیز فائر کا خیرمقدم کرتے ہیں۔
ریاض میں خلیجی تعاون تنظیم کے اجلاس سے خطاب کرتے ہوئے سعودی ولی عہد شہزادہ محمد بن سلمان نے کہا ہے کہ خطے امن کیلئے امریکی صدر کی کوششیں قابل تعریف ہیں، پاکستان اور بھارت کے درمیان سیز فائر کا خیرمقدم کرتے ہیں، دونوں ممالک کے درمیان مسائل کے حل کیلئے مذاکرات کا خیر مقدم کریں گے۔
سعودی ولی عہد نے مزید کہا ہے کہ جی سی سی خطے میں امن کے خواہاں ہیں، غزہ میں جنگ بندی پر زور دیتے ہیں، جی سی سی ممالک اور امریکا کے درمیان تعلق مضبوط ہو رہا ہے۔
ہمیں خطے کو شرپسندوں سے پاک کرنا ہو گا: امریکی صدر
قبل ازیں ریاض میں خلیجی تعاون تنظیم کے اجلاس سے خطاب کرتے ہوئے امریکی صدر ڈونلڈ ٹرمپ نے کہا ہے کہ ہمیں خطے کو شرپسندوں سے پاک کرنا ہو گا، خلیجی ممالک نے ہمیشہ امن کیلئے کام کیا، ہمیں خطے کو شرپسندوں سے پاک کرنا ہوگا، جی سی سی میں موجود رہنما تنازع حل کرنے کیلئے کردار ادا کرسکتے ہیں۔
انہوں نے کہا ہے کہ غزہ کے مستقبل کیلئے میری انتظامیہ کام کر رہی ہے، ایک نئی شروعات کیلئے شام پر سے پابندیاں اٹھا لی گئی ہیں، شام کی نئی حکومت کے ساتھ تعلقات کو معمول پر لانے کی کوشش کر رہے ہیں۔
ڈونلڈ ٹرمپ نے کہا ہے کہ ایران کے ساتھ ایک معاہدہ کرنا چاہتا ہوں، ایران جوہری ہتھیارحاصل نہیں کر سکتا، جو ممکن ہوسکا کروں گا، تجارت میری حکومت کی ترجیح ہے، امریکا مشرق وسطیٰ میں امن کی خواہش رکھتا ہے۔
امریکی صدر نے کہا ہے کہ یرغمالیوں کی رہائی غزہ میں امن کی بنیادی شرط ہے، حوثیوں نے ہمارے جہازوں سے حملے بند کیے، خطے میں کشیدگی پھیلانے والے چھوٹے گروپوں سے نمٹنا ہو گا۔
Post Views: 4.ذریعہ: Daily Mumtaz
کلیدی لفظ: سعودی ولی عہد نے کہا ہے کہ امریکی صدر کے درمیان امن کی
پڑھیں:
78ویں یومِ آزادی پر عہد کرتے ہیں پاکستان کو امریکی غلامی سے آزاد کرائینگے، علامہ مقصود ڈومکی
اجلاس عمومی سے خطاب کرتے ہوئے ایم ڈبلیو ایم پاکستان کے مرکزی رہنما نے کہا کہ آئی ایس او کے صالح، باکردار اور انقلابی جوان ہمارے لیے فخر کا باعث ہیں، جنہوں نے ہمیشہ علامہ اقبال، رہبر معظم، رہبر کبیر اور قائد شہید کے فکر کی پیروی کی ہے۔ اسلام ٹائمز۔ امامیہ اسٹوڈنٹس آرگنائزیشن پاکستان ضلع جیکب آباد کی مجلسِ عمومی کا اہم اجلاس جامعۃ المصطفیٰ خاتم النبیینؐ میں منعقد ہوا۔ اجلاس کے موقع پر تربیتی نشست سے سے خطاب کرتے ہوئے مجلس وحدت مسلمین پاکستان کے مرکزی رہنما علامہ مقصود علی ڈومکی نے کہا کہ نوجوان ملک و قوم کا مستقبل ہیں، ان کی اصلاح، تعلیم اور تربیت روشن مستقبل کی ضمانت ہے، پاکستان کے 78ویں یومِ آزادی پر ہم یہ عہد کرتے ہیں کہ پاکستان کو امریکی سامراج اور اغیار کی غلامی سے آزاد کرائیں گے، تاکہ پاکستان کی تقدیر کے فیصلے اسلام آباد میں ہوں، واشنگٹن میں نہیں۔ انہوں نے کہا کہ قرآن کریم میں اصحاب کہف کو مثالی جوانوں کے طور پر پیش کیا گیا، جنہوں نے اللہ تعالیٰ پر ایمان لاتے ہوئے کفر اور طاغوت کے مقابلے میں جرأت و استقامت کا مظاہرہ کیا، اسی طرح حضرت ابراہیمؑ نے جوانی میں نمرودی سلطنت کے خلاف قیام کرکے نوجوانوں کیلئے عملی نمونہ قائم کیا۔
علامہ مقصود ڈومکی نے کہا کہ کربلا میں شبیہ پیغمبر حضرت علی اکبر علیہ السلام اور حضرت قاسم علیہ السلام جیسے مثالی جوان عالم بشریت کے جوانوں کیلئے رہبر و رہنما ہیں۔ انہوں نے کہا کہ انقلابِ اسلامی کی کامیابی اور بقاء میں نوجوانوں کا اہم کردار ہے، شہداء کی فہرست میں 80 تا 90 فیصد نوجوان شامل ہیں، جنہوں نے دینِ خدا کی سربلندی کیلئے اپنی جان قربان کی۔ انہوں نے کہا کہ قرآن و سنت کی روشنی میں ائمہ اہل البیتؑ کی بتائی ہوئی صراطِ مستقیم پر حضرت امام خمینیؒ اور قائد شہید علامہ سید عارف حسین الحسینیؒ گامزن رہے اور ہم بھی اسی راہ پر عصرِ حاضر کی یزیدیت کے مقابل حق کا پرچم بلند کیے ہوئے کھڑے ہیں۔
قبل ازیں آئی ایس او مکی ذیلی نظارت سے خطاب کرتے ہوئے علامہ مقصود علی ڈومکی نے کہا کہ امامیہ اسٹوڈنٹس آرگنائزیشن کے صالح، باکردار اور انقلابی جوان ہمارے لیے فخر کا باعث ہیں، جنہوں نے ہمیشہ علامہ اقبال، رہبر معظم، رہبر کبیر اور قائد شہید کے فکر کی پیروی کی ہے۔ اجلاس میں آئی ایس او پاکستان کے مرکزی نمائندہ ترجمان اسد عباس اور اراکین ذیلی نظارت سابق ڈویژنل صدر اللہ بخش سجادی، مجلس وحدت مسلمین کے صوبائی نائب صدر عزاداری ونگ سید غلام شبیر نقوی، اور آئی ایس او کے ریجنل نمائندہ جادل حسین، ضلعی صدر عدیل شجاع سمیت دیگر عہدیداران نے شرکت کی۔
5اگست احتجاج؛ پی ٹی آئی کے 16 مرد و خواتین کارکنان کیخلاف مقدمہ درج