معرکۂ حق: پاکستان کی شاندار فتح، فرانسیسی میڈیا نے بھی مان لی برتری
اشاعت کی تاریخ: 15th, May 2025 GMT
معرکۂ حق: پاکستان کی شاندار فتح، فرانسیسی میڈیا نے بھی مان لی برتری WhatsAppFacebookTwitter 0 15 May, 2025 سب نیوز
اسلام آباد: معرکۂ حق میں پاکستان کی مسلح افواج نے ایک بار پھر اپنی پیشہ ورانہ صلاحیتوں اور جدید حکمت عملی سے دشمن کو منہ توڑ جواب دے کر عالمی سطح پر اپنی برتری منوا لی ہے۔ فرانسیسی میڈیا نے بھی پاک فوج کی کارکردگی کو سراہتے ہوئے اعتراف کیا ہے کہ پاکستان کی پیشہ ورانہ مہارت اور عملی تجربہ ہی اس فتح کا اصل راز ہے۔
فرانسیسی میڈیا رپورٹس کے مطابق آپریشن “بُنْيَانٌ مَّرْصُوصٌ” میں بھارتی فضائیہ کے رافیل طیارے مکمل طور پر ناکام رہے جبکہ پاکستان ایئر فورس نے اپنی بہترین حکمت عملی، مربوط دفاع اور جارحانہ ردِعمل کے ذریعے دشمن کے عزائم خاک میں ملا دیے۔
پاک فضائیہ کے جے ایف-10 طیاروں کی شاندار کارکردگی نے نہ صرف بھارتی فضائیہ کا غرور خاک میں ملا دیا بلکہ بین الاقوامی سطح پر پاکستان کی دفاعی صلاحیتوں کو نئی پہچان بھی دی۔ فرانسیسی میڈیا کا کہنا ہے کہ پاکستان نے صرف جدید ٹیکنالوجی پر انحصار نہیں کیا بلکہ اپنی مہارت، نظم و ضبط اور عملی تیاری سے یہ ثابت کیا کہ جنگیں صرف ہتھیاروں سے نہیں، حوصلے اور حکمت عملی سے جیتی جاتی ہیں۔
فرانسیسی تجزیہ کاروں نے بھارتی افواج کی ناکامی کی بڑی وجہ اُن کی پیشہ ورانہ صلاحیتوں کی کمی اور ناقص کمان کو قرار دیا ہے۔ جدید ٹیکنالوجی اور مہنگے ہتھیار رکھنے کے باوجود بھارت کو ذلت آمیز شکست کا سامنا کرنا پڑا، جو واضح کرتا ہے کہ صرف ساز و سامان سے کامیابی حاصل نہیں کی جا سکتی۔
پاکستان کی عسکری قیادت نے ایک بار پھر یہ ثابت کر دیا کہ وطن کے دفاع میں کوئی کسر نہیں چھوڑی جائے گی۔ معرکۂ حق نہ صرف ایک عسکری کامیابی ہے بلکہ یہ عالمی سطح پر پاکستان کے وقار اور دفاعی پالیسی کی فتح بھی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشیر افضل مروت سینیٹر افنان اللہ پر تشدد کرنے کے مقدمے سے بری شیر افضل مروت سینیٹر افنان اللہ پر تشدد کرنے کے مقدمے سے بری کامران مسیح کو ہلالِ جُرات سے نوازا جائے،اکرم گل کا مطالبہ پاکستان کی ایٹمی تنصیبات مکمل محفوظ ہیں، انٹرنیشنل اٹامک انرجی ایجنسی ائیروائس مارشل اورنگزیب احمد پاکستان میں گوگل پر سب سے زیادہ سرچ کی جانے والی شخصیت بن گئے سفارتی محاذ پر بھارت کو بڑا دھچکا ؛ ورلڈ بینک کا سندھ طاس معاہدے پر واضح مؤقف سامنے آگیا پاکستان سے شکست کا غصہ، بھارتی سیاحوں نے ترکی اور آزربائیجان کو نشانے پر رکھ لیاCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: فرانسیسی میڈیا پاکستان کی
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ