پاکستانی قوم کے جذبہ کو کوئی شکست نہیں دے سکتا، بھارت کے مکروہ عزائم خاک میں ملائیں گے، وفاقی وزیر اطلاعات عطاء اللہ تارڑ کی میڈیا سے گفتگو
اشاعت کی تاریخ: 23rd, May 2025 GMT
کوئٹہ (اُردو پوائنٹ اخبارتازہ ترین - اے پی پی۔ 23 مئی2025ء) وفاقی وزیر اطلاعات و نشریات عطاء اللہ تارڑ نے کہا ہے کہ پاکستانی قوم کے جذبہ کو کوئی شکست نہیں دے سکتا، خضدار بس واقعہ میں جاں بحق اور زخمی ہونے والے بچوں کے والدین کا حوصلہ اور جذبہ قابل دید ہے، ہم انہیں خراج تحسین پیش کرتے ہیں، بھارت اپنی پراکسیز کے ذریعے بلوچستان کو عدم استحکام کا شکار کرنا چاہتا ہے لیکن بھارت کے مکروہ عزائم خاک میں ملائیں گے اور ہر صورت امن قائم کریں گے، بھارت کو دنیا بھر میں ہزیمت کا سامنا کرنا پڑا ہے، اب وہ سافٹ ٹارگٹ پر اتر آیا ہے، فتنہ الہندوستان کو انجام تک پہنچا کر دم لیں گے، مودی اور اس کے حواری سازش کے ذریعے اپنی تقاریر میں بلوچستان کا ذکر کرتے ہیں، وزیراعظم اور فیلڈ مارشل کا عزم ہے کہ بلوچستان امن کا گہوارہ بنے، پاکستان کی کامیابی ہے کہ کشمیر کا مسئلہ عالمی سطح پر پھر اجاگر ہوا ہے۔
(جاری ہے)
جمعہ کو یہاں خضدار بس سانحہ کا شکار بچوں کی عیادت کے بعد میڈیا سے گفتگو کرتے ہوئے وفاقی وزیر اطلاعات نے کہا کہ خضدار بس کے دلخراش واقعے میں ہمارے بچوں نے عظیم قربانی دی، متاثرہ بچوں کے والدین کا عزم اور جذبہ بلند ہے۔ انہوں نے کہا کہ صوبیدار سلیم نے اپنی دو بیٹیوں کی تدفین کی جبکہ ان کا تیسرا بیٹا شدید زخمی ہے، اس کے باوجود وہ ایمبولینس کے آگے پاکستان کے حق میں نعرے لگاتے رہے۔ ایک شخص کے چار بچے شدید زخمی ہوئے لیکن ان کے حوصلے بلند ہیں۔انہوں نے کہا کہ آج انٹرنیشنل اور نیشنل میڈیا کو خضدار میں اصل صورتحال سے آگاہ کرنے کے لئے لایا گیا تاکہ دنیا کو حقائق سے باخبر رکھا جا سکے۔ وفاقی وزیر نے کہا کہ بھارت معرکہ حق آپریشن’’ بنیان مرصوص" میں شکست کے بعد اب سافٹ ٹارگٹس پر اتر آیا ہے۔ انہوں نے واضح کیا کہ کلبھوشن یادیو کی بلوچستان سے گرفتاری ہمارے پاس بھارت کے دہشت گردی میں ملوث ہونے کا ناقابل تردید ثبوت ہے۔ انہوں نے کہا کہ عسکریت پسند گلزار امام شمبے اور سرفراز بنگلزئی نے بھی بھارتی سرپرستی کا خود اعتراف کیا۔ عطاء اللہ تارڑ نے کہا کہ بھارت اپنی پراکسیز کے ذریعے بلوچستان کو عدم استحکام کا شکار کرنا چاہتا ہے۔ آپریشن" معرکہ حق" کے دوران بھی بلوچستان میں 33 حملے کئے گئے جو بھارت کے مذموم عزائم کی عکاسی کرتے ہیں۔ انہوں نے کہا کہ وزیراعظم شہباز شریف اور فیلڈ مارشل عاصم منیر کا پختہ عزم ہے کہ دہشت گردی کو جڑ سے اکھاڑ پھینکا جائے گا اور بلوچستان کو امن کا گہوارہ بنایا جائے گا۔ وفاقی وزیر نے کہا کہ ڈی جی آئی ایس پی آر کی جانب سے جاری کردہ آڈیوز سے یہ بھی ثابت ہوا ہے کہ بھارتی ہینڈلرز کس طرح دہشت گردی کی سرگرمیوں میں ملوث ہیں۔ انہوں نے کہا کہ پاکستانی قوم متحد ہے اور افواج پاکستان ہر محاذ پر دہشت گردی سے نمٹنے کے لئے تیار ہیں۔ "فتنہ الہندوستان" کو ہر جگہ بے نقاب کیا جائے گا۔ انہوں نے سوال اٹھایا کہ مودی حکومت کا بلوچستان کے واقعات سے کیا تعلق ہے کہ وہ اپنی تقاریر میں بار بار اس کا ذکر کرتا ہے؟ جعفر ایکسپریس واقعہ کی وڈیو ان دہشت گردوں نے بھارتی میڈیا کو فراہم کی، جو اس بات کا واضح ثبوت ہے کہ بھارت بلوچستان میں دہشت گردی کی سرگرمیوں میں براہ راست ملوث ہے۔ وفاقی وزیر نے کہا کہ ہمارے حوصلے اور عزم بلند ہیں۔ بھارت کو روایتی جنگ میں منہ کی کھانی پڑی، اس کے چھ جہاز گرائے گئے اور خود بھارت نے تسلیم کیا کہ اسے بھاری نقصان ہوا ہے۔ وفاقی وزیر نے کہا کہ وزیراعظم شہباز شریف، افواج پاکستان، فیلڈ مارشل عاصم منیر، ایئر چیف ظہیر احمد بابر اور نیول چیف نوید اشرف نے بھارتی جارحیت کا منہ توڑ جواب دیا۔ انہوں نے کہا کہ تمام سیاسی جماعتیں اور ادارے مل کر بلوچستان میں امن بحال کریں گے۔ ایک سوال کے جواب میں انہوں نے کہا کہ ہماری بہادر افواج نے دہشت گردوں کو جہنم واصل کیا۔ ایسے قانون بنائے جائیں کہ ہر دہشت گرد کو سزا یقینی بن سکے، اس کے لئے پارلیمان کو بھی کردار ادا کرنا ہوگا، یہ ہر پاکستانی کی دل کی آواز ہے۔ عطاء اللہ تارڑ نے مزید کہا کہ موجودہ صورتحال میں دہشت گردی کے چیلنج سے نمٹا جا رہا ہے۔ بلوچستان حکومت اور پاک آرمی نے دہشت گردی کے خاتمے کے لئے اہم کردار ادا کیا ہے۔ وفاقی وزیر نے کہا کہ وزیراعظم اور فیلڈ مارشل کا عزم ناقابل تسخیر ہے۔ انہوں نے کہا کہ ایک ہارے ہوئے وزیراعظم کی تقریر سے ظاہر ہوتا ہے کہ وہ ابھی تک اپنی شکست پر حیران ہے۔ گجرات کے قصائی مودی کو شکست اور ذلت کا سامنا کرنا پڑا۔ وفاقی وزیر نے کہا کہ جب پاکستان میں فتح کا جشن منایا جا رہا تھا تو دوسری طرف بھارت میں مودی حکومت سے سوالات اٹھائے گئے جس کا جواب دینے سے وہ قاصر ہیں۔ بھارتی میڈیا، سیاستدان اور سول سوسائٹی مودی حکومت جواب مانگ رہے ہیں اور ان کے پاس ان کے سوالات کا کوئی جواب نہیں ہے۔ وفاقی وزیر نے کہا کہ بھارت اب صرف دھمکیوں تک محدود رہ گیا ہے، مودی ایک ناکام اور ہارا ہوا سیاستدان ہے۔ انہوں نے اس عزم کا اعادہ کیا کہ بھارتی دہشت گردی کی سرگرمیوں کو ہر صورت بے نقاب کیا جائے گا۔ ایک سوال کے جواب میں وفاقی وزیر نے کہا کہ پاکستان کی اور بڑی کامیابی یہ ہے کہ مسئلہ کشمیر ایک مرتبہ پھر عالمی سطح پر اجاگر ہوا ہے۔ انہوں نے کہا کہ بلوچستان کے حوالے سے حکومتی اپروچ ہر جگہ موجود ہے اور مسائل کے حل کے لئے تسلسل سے اقدامات کئےجا رہے ہیں۔ انہوں نے کہا کہ ہم تواتر کے ساتھ بلوچستان کا دورہ کرتے رہیں گے اور اور تمام امور کو موثر انداز میں نمٹاتے رہیں گے۔ وفاقی وزیر اطلاعات نے بچوں کے لواحقین سے بھی ملاقات کی اور ان کے حوصلے کو سراہا۔ انہوں نے کہا کہ والدین کا حوصلہ دیکھ کر دل مضبوط ہوا۔ زخمی بچوں کی جلد صحت یابی کی دعا کرتے ہوئے انہوں نے کہا کہ جب تک یہ جذبہ قائم ہے، پاکستان کو کوئی دشمن شکست نہیں دے سکتا، بچوں کی قربانی ہمیشہ یاد رکھی جائے گی۔\932.
ذریعہ
ذریعہ: UrduPoint
کلیدی لفظ: تلاش کیجئے وفاقی وزیر نے کہا کہ وفاقی وزیر اطلاعات انہوں نے کہا کہ عطاء اللہ تارڑ فیلڈ مارشل بھارت کے کہ بھارت جائے گا کے لئے ہوا ہے
پڑھیں:
راس ایکسپو 2026 کا کامیاب انعقاد، پاکستان روبوٹکس اور مصنوعی ذہانت کے شعبے میں تیزی سے آگے بڑھے گا، شزا فاطمہ
وفاقی وزیر برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نے راس ایکسپو 2026 کے کامیاب انعقاد پر اطمینان کا اظہار کرتے ہوئے کہا ہے کہ پاکستان روبوٹکس، آٹومیشن اور مصنوعی ذہانت کے شعبوں میں تیزی سے ترقی کی جانب گامزن ہے اور حکومت جدید ٹیکنالوجی کے فروغ کے لیے ہر ممکن اقدامات کر رہی ہے۔
انہوں نے کہا کہ ملک کی جامعات، اساتذہ، طلبہ، صنعت اور مختلف ادارے مل کر ایک ایسا مضبوط ماحولیاتی نظام (ایکو سسٹم) تشکیل دے رہے ہیں، جو پاکستان کو روبوٹکس اور جدید ٹیکنالوجی کی عالمی صنعت میں نمایاں مقام دلانے میں مدد دے گا۔
وفاقی وزیر نے کہا کہ گزشتہ 2 روز کے دوران منعقد ہونے والی راس ایکسپو میں جدید ٹیکنالوجی کے متعدد نمونے پیش کیے گئے۔ نمائش میں صنعتی آٹومیشن، مکینیکل روبوٹس، خودکار نظام، دفاعی شعبے کے جدید آلات، فوجی ٹیکنالوجی، لاجسٹکس، ریسکیو اور ڈیزاسٹر مینجمنٹ کے لیے تیار کیے گئے روبوٹس، نیویگیشن سسٹمز اور جدید سمیولیٹرز نے شرکاء کی توجہ حاصل کی۔
شزا فاطمہ نے کہا کہ حکومت آئندہ بھی اس نوعیت کی نمائشوں کا انعقاد جاری رکھے گی تاکہ نوجوانوں، تعلیمی اداروں اور صنعت کو ایک مشترکہ پلیٹ فارم میسر آ سکے اور پاکستان میں ٹیکنالوجی پر مبنی صنعت کو مزید فروغ دیا جا سکے۔
انہوں نے بتایا کہ وزیراعظم نے ایکسپو کے دوران دو اہم اعلانات بھی کیے، جن میں روبوٹکس اور جدید ٹیکنالوجی کے فروغ کے لیے 20 ملین ڈالر کی معاونت شامل ہے۔ اس کے علاوہ صنعت کے لیے ایسے سمیولیٹرز تیار کرنے کی ہدایت بھی دی گئی ہے، جن کی مدد سے کاروباری ادارے اپنی پیداواری سرگرمیوں کا عملی جائزہ لے سکیں اور آٹومیشن کے معاشی فوائد کا اندازہ لگا سکیں۔
وفاقی وزیر نے اس تاثر کو مسترد کیا کہ جدید مشینیں انسانوں کی ملازمتیں ختم کر دیں گی۔ ان کا کہنا تھا کہ ٹیکنالوجی ملازمتیں ختم نہیں کرتی بلکہ ان کی نوعیت تبدیل کرتی ہے۔ مستقبل میں ایسے افراد کی ضرورت ہوگی جو روبوٹس اور جدید مشینوں کو تیار کرنے، چلانے اور ان کی دیکھ بھال کی مہارت رکھتے ہوں۔
انہوں نے طلبہ پر زور دیا کہ وہ ریاضی، الیکٹریکل انجینئرنگ، کمپیوٹر سائنس، مصنوعی ذہانت اور روبوٹکس جیسے شعبوں کا انتخاب کریں، کیونکہ مستقبل کی معیشت انہی مہارتوں پر استوار ہوگی۔ شزا فاطمہ کا کہنا تھا کہ جدید ٹیکنالوجی سے آراستہ افرادی قوت نہ صرف نوجوانوں کے لیے روزگار کے نئے مواقع پیدا کرے گی بلکہ پاکستان کی معیشت، صنعت اور قومی ترقی میں بھی اہم کردار ادا کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شزا فاطمہ وفاقی وزیر
ٹی20 ورلڈ کپ 2026: پاکستان نے سپر 8 کے لیے جگہ پکی کر لی