گرمی بڑھتے ہی بجلی کے بلوں میں ہوشربا اضافہ، کس کو ریلیف ملا؟
اشاعت کی تاریخ: 27th, May 2025 GMT
وزیراعظم شہباز شریف نے ماہ اپریل میں بجلی کی قیمتوں میں بڑی کمی کا اعلان کیا تھا اور گھریلو صارفین کی فی یونٹ قیمت میں 7 روپے 41 پیسے کی فوری کمی کی خوشخبری سنائی تھی، ملک بھر میں گرمی کی شدت بڑھنے کے بعد بجلی کا استعمال کچھ بڑھا ہے، رواں ماہ بجلی کے بل عوام کو موصول ہونا شروع ہو گئے ہیں۔
تاہم گھریلو صارفین کی جانب سے شکایت کی جا رہی ہے کہ اس ماہ کے بل میں ریلیف نہیں ملا بلکہ گزشتہ ماہ کی نسبت بل کئی گنا زیادہ موصول ہوا ہے، دوسری جانب صنعتی صارفین کے مطابق انہیں فی یونٹ 2 روپے کا ریلیف ملا ہے جس سے بل میں 3 لاکھ روپے تک کا فرق آیا ہے۔
یہ بھی پڑھیں: وزیراعظم کا بجلی کی قیمتوں میں کمی کا اعلان! کس کو کتنا ریلیف ملا؟
وزیراعظم شہباز شریف کی طرف سے بجلی کی قیمتوں میں کمی کے اعلان کے بعد عوام کی جانب سے اس امید کا اظہار کیا جا رہا تھا کہ اس مرتبہ گرمیوں کے موسم میں ان کو بجلی بلوں میں بڑا ریلیف ملے گا، تاہم جب صارفین نے اپنے بل دیکھے تو انہیں ان بجلی کے بلوں میں کئی گنا اضافہ نظر آیا ہے۔ البتہ صنعتی صارفین کا کہنا ہے کہ بلوں میں بڑی کمی ہوئی ہے۔
اسلام آباد کے رہائشی ظہور احمد قریشی نے وی نیوز کو بتایا کہ گزشتہ ماہ اپریل میں بجلی کے 163 یونٹ استعمال کرنے پر ان کا بل 2096 روپے آیا تھا، بل میں ان سے 10.
مزید پڑھیں: توانائی کے شعبے میں 4743 ارب روپے کی متوقع بچت، جلد بجلی پیداوار کے لیے ’فری مارکیٹ‘ قائم کی جائے گی، شہباز شریف
’گرمی بڑھنے کے باعث اس مرتبہ کچھ زیادہ یونٹ استعمال ہوئے اور 269 یونٹ استعمال کرنے پر ان کا بجلی کا بل 10 ہزار 178 روپے آیا ہے، صرف 106 اضافی یونٹ استعمال کرنے پر بل میں 8 ہزار روپے تک کا اضافہ ہوا ہے، موجودہ بل 35.5 روپے فی یونٹ کے حساب سے بھیجا گیا ہے۔‘
اسلام آباد ہی کے ایک اور رہائشی ڈاکٹر محمد شریف نے وی نیوز کو بتایا کہ ماہ اپریل میں 388 یونٹ بجلی استعمال کرنے پر ان کا بل 21 ہزار 656 روپے آیا تھا، 39 روپے اور 45 روپے فی یونٹ قیمت کے حساب سے بل بھیجے گئے تھے، تاہم اس مرتبہ 636 یونٹ کے استعمال پر 32 ہزار 235 روپے بل آیا ہے، اس مرتبہ 30 روپے اور 45 روپے فی یونٹ کے حساب سے بل بھیجے گئے ہیں۔
مزید پڑھیں: 2 ماہ میں بجلی کی تقسیم کار کمپنیاں صوبوں کے سپرد کرنے کا فیصلہ
اسلام آباد میں واقع محبوب فلور ملز کے مالک اور صنعتی صارف احمد سیٹھی نے وی نیوز کو بتایا کہ وزیراعظم کی جانب سے صنعتی صارفین کے بجلی سستی کرنے کے اعلان کے بعد بجلی کے بلوں میں بڑا ریلیف ملا ہے، گزشتہ ماہ بجلی کے بل 29 روپے فی یونٹ کے حساب سے بھیجا گیا تھا جبکہ رواں ماہ بھیجے گئے بل میں بجلی کی فی یونٹ قیمت 27 روپے ہی لکھی گئی ہے۔
’2 روپے فی یونٹ کا ریلیف ویسے دیکھنے میں معمولی لگتا ہے لیکن ہمارے ماہانہ استعمال ہونے والے یونٹ ہزاروں میں شمار ہوتے ہیں اس لیے ہمارے بل میں 3 لاکھ روپے کی کمی آئی ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد سیٹھی بجلی بل ڈاکٹر محمد شریف شہباز شریف فی یونٹ قیمت گرمی محبوب فلور ملز وزیر اعظمذریعہ: WE News
کلیدی لفظ: احمد سیٹھی بجلی ڈاکٹر محمد شریف شہباز شریف فی یونٹ قیمت محبوب فلور ملز روپے فی یونٹ کے حساب سے استعمال کرنے پر یونٹ استعمال فی یونٹ قیمت شہباز شریف بجلی کے بل ریلیف ملا بلوں میں بجلی کی
پڑھیں:
شدید گرمی میں بجلی کی طویل لوڈشیڈنگ سے کراچی کے شہری عاجز آگئے
شدید گرمی میں بجلی کی طویل لوڈشیڈنگ سے کراچی کے شہری عاجز آگئے، معمولات زندگی بری طرح متاثر، گھروں میں موجود خواتین اور بچوں کےلیے سانس لینا محال ہوگیا۔
کے الیکٹرک کا لوڈشیڈنگ شیڈول خود بھی اس صورتِ حال کی گواہی دے رہا ہے تاہم ترجمان کے الیکٹرک کا کہنا ہے کہ شہر میں کہیں بھی غیر اعلانیہ لوڈشیڈنگ نہیں ہو رہی۔
کراچی میں گرمی کا زور بڑھتے ہی بجلی کی لوڈشیڈنگ نے عوام کا جینا مشکل کر دیا ہے۔
کے الیکٹرک لوڈشیڈنگ شیڈول سے پتا چلتا ہے کہ 2127 میں سے 651 فیڈرز پر لوڈشیڈنگ کی جا رہی ہے، جن میں سے 496 فیڈرز پر روزانہ 10 گھنٹے تک بجلی بند رہتی ہے، یعنی شہر کا تقریباً 23 فیصد حصہ روزانہ 10 گھنٹے کی لوڈشیڈنگ کا شکار ہے۔ لیکن یہ تو کے الیکٹرک شیڈول کے اعدادوشمار ہیں۔
یہ بھی پڑھیے صوبائی دارالحکومت میں بجلی کی غیراعلانیہ لوڈ شیڈنگ کا سلسلہ جاری کراچی والے شدید گرمی میں لوڈ شیڈنگ کے عذاب میں مبتلا ہیں، ایم کیو ایم کراچی: مختلف علاقوں میں 10 گھنٹے سے زائد لوڈ شیڈنگ جاریدوسری جانب ملیر، کیماڑی، لیاقت آباد، نیو کراچی، سرجانی اور اولڈ سٹی ایریا کے مکین کہتے ہیں کہ انہیں ہر روز 12 سے 14 گھنٹے کی لوڈشیڈنگ کاسامنا ہے۔
لائنز ایریا، قائدآباد، ماڑی پور، ہاکس بے اور اورنگی کے مکینوں کا کہنا ہے کہ ان کے علاقوں میں بجلی کی لوڈشیڈنگ کا کوئی وقت طے ہی نہیں ہے، متعدد علاقوں میں مینٹیننس کے نام پر بجلی پورے دن کے لیے غائب کردی جاتی ہے۔
دوسری جانب ترجمان کے الیکٹرک کا مؤقف ہے کہ شہر میں کوئی غیر اعلانیہ لوڈشیڈنگ نہیں ہو رہی۔ علاقائی فالٹس کو لوڈشیڈنگ کہنا درست نہیں ہے۔
سندھ اسمبلی میں کے الیکٹرک کے خلاف ایم کیو ایم کی قرارداد کثرت رائے سے مسترد