عید سے قبل اور دورانِ عید موسم کیسا رہے گا ؟ این ڈی ایم اے اور محکمہ موسمیات کا الرٹ
اشاعت کی تاریخ: 2nd, June 2025 GMT
اسلام آباد — محکمہ موسمیات نے عیدالاضحیٰ سے قبل اور عید کے تینوں دن ملک بھر میں مختلف موسمی حالات کی پیشگوئی کرتے ہوئے خبردار کیا ہے کہ بالائی علاقوں میں بارشوں، ژالہ باری اور آندھی کا سلسلہ جاری رہے گا جبکہ میدانی علاقوں میں شدید گرمی اور خشک موسم کا امکان ہے۔
ممکنہ متاثرہ علاقے:اسلام آباد، راولپنڈی، جہلم، میانوالی:
3 سے 4 جون کے دوران آندھی اور ژالہ باری کا امکان۔
کشمیر، گلگت بلتستان، سوات، چترال، گلیات، مانسہرہ:
ان علاقوں میں طوفانی بارشوں کا خدشہ ظاہر کیا گیا ہے۔
پشاور، مردان، نوشہرہ، صوابی، وزیرستان:
آندھی اور ژالہ باری کی پیشگوئی۔
لاہور، گوجرانوالہ، فیصل آباد، سیالکوٹ:
ان شہروں میں آندھی، بارش اور ژالہ باری کی پیشگوئی کی گئی ہے۔
محکمہ موسمیات کے مطابق عید کے دنوں میں جنوبی پنجاب، سندھ اور بلوچستان کے بیشتر میدانی علاقوں میں شدید گرمی اور خشک موسم متوقع ہے، جس سے ہیٹ ویو جیسے حالات پیدا ہو سکتے ہیں۔
قومی ڈیزاسٹر مینجمنٹ اتھارٹی (این ڈی ایم اے) نے شہریوں، سیاحوں اور مسافروں کو الرٹ رہنے کی ہدایت جاری کرتے ہوئے کہا ہے کہ تمام متعلقہ ادارے پیشگی حفاظتی اقدامات کو یقینی بنائیں۔ پہاڑی علاقوں میں سفر کرنے والے افراد لینڈ سلائیڈنگ اور تیز بارشوں سے خبردار رہیں، جبکہ شہری علاقوں میں ممکنہ اربن فلڈنگ کا بھی خطرہ موجود ہے۔
این ڈی ایم اے نے تمام صوبائی و ضلعی انتظامیہ کو ہدایت دی ہے کہ:
ہنگامی رسپانس ٹیمیں متحرک رکھی جائیں
سڑکوں اور پلوں کی صورتحال کی نگرانی کی جائے
عوام کو بروقت موسمی اپڈیٹس فراہم کی جائیں
عوام کو مشورہ دیا گیا ہے کہ وہ موسم کی صورتحال سے باخبر رہیں، غیر ضروری سفر سے گریز کریں اور بارش یا آندھی کے دوران کھلے مقامات پر جانے سے اجتناب کریں۔
مزید معلومات اور اپڈیٹس کے لیے محکمہ موسمیات اور این ڈی ایم اے کی ویب سائٹس اور سوشل میڈیا چینلز پر نظر رکھیں۔
.
ذریعہ
ذریعہ: Daily Ausaf
کلیدی لفظ: محکمہ موسمیات ڈی ایم اے علاقوں میں ژالہ باری
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ