چیس فیڈریشن آف پاکستان میں سینئر نائب صدر کے عہدے کیلئے انتخابی شیڈول کا اعلان
اشاعت کی تاریخ: 22nd, June 2025 GMT
اسلام آباد:
پاکستان اسپورٹس بورڈ کے الیکشن کمیشن نے چیس فیڈریشن آف پاکستان میں سینئر نائب صدر کے عہدے کے لیے انتخاب کے شیڈول کا باضابطہ اعلان کر دیا۔
ترجمان پی ایس بی کے مطابق یہ انتخابی عمل پاکستان اسپورٹس بورڈ کے 2022 کے آئین، قومی اسپورٹس پالیسی 2005، اسپورٹس الیکشن ریگولیشنز 2024 اور چیس فیڈریشن آف پاکستان کے اپنے آئین کے مطابق منعقد کیا جائے گا۔
پی ایس بی الیکشن کمیشن کی جانب سے جاری کردہ نوٹیفکیشن کے مطابق 26 جون 2025 تک صوبائی ایسوسی ایشنز، وابستہ ادارے اور متعلقہ تنظیمیں اپنے ووٹرز اور امیدواروں کی نامزدگیاں الیکشن کمیشن کو جمع کروا سکیں گی۔
27 جون کو جمع شدہ کاغذات کی جانچ پڑتال کے بعد عبوری ووٹر لسٹ اور امیدواروں کی ابتدائی فہرست جاری کی جائے گی۔ اس پر اعتراضات جمع کروانے کی آخری تاریخ 30 جون مقرر کی گئی ہے، جبکہ 2 جولائی کو ان اعتراضات پر فیصلے کے بعد حتمی ووٹر لسٹ اور امیدواروں کی تصدیق شدہ فہرست جاری کی جائے گی۔
شیڈول کے مطابق انتخابی عمل کا اہم ترین مرحلہ پولنگ 7 جولائی 2025 کو صبح 11 بجے پاکستان اسپورٹس بورڈ کے کمیٹی روم اسلام آباد میں منعقد ہوگا جس کے فوراً بعد نتائج کا اعلان کیا جائے گا۔
الیکشن کمیشن کی جانب سے واضح کیا گیا ہے کہ تمام کاغذات، ووٹر لسٹیں اور اعتراضات براہ راست "الیکشن کمیشن، پاکستان اسپورٹس بورڈ، اسلام آباد" کے پتے پر جمع کروائے جائیں۔
الیکشن کمیشن کی سربراہی وسیم ماجد ملک کر رہے ہیں، جبکہ بابر سہیل اور ذوہیب حسن گوندل بطور ممبران خدمات سرانجام دے رہے ہیں۔ الیکشن کمیشن نے انتخابی عمل شفاف، منصفانہ اور آئینی دائرہ کار میں مکمل کرنے کے لیے تمام متعلقہ اداروں سے تعاون کی اپیل کی ہے۔
.ذریعہ: Express News
کلیدی لفظ: پاکستان اسپورٹس بورڈ الیکشن کمیشن کے مطابق
پڑھیں:
الیکشن کمیشن کے اسلام آباد میں بلدیاتی انتخابات کے معاملے پر اہم فیصلے
اسلام آباد میں بلدیاتی انتخابات کے انعقاد کے حوالے سے چیف الیکشن کمشنر سکندر سلطان راجا کی سربراہی میں الیکشن کمیشن آف پاکستان کا ایک اہم اجلاس منعقد ہوا۔ اجلاس میں ممبرانِ الیکشن کمیشن، سیکرٹری کمیشن اور دیگر سینئر افسران نے شرکت کی۔
اجلاس کو بریفنگ دیتے ہوئے بتایا گیا کہ اسلام آباد لوکل گورنمنٹ ایکٹ 2015 (ترمیم شدہ 2024) کے سیکشن 15 میں ترمیم درکار ہے، جس کے لیے الیکشن کمیشن کی جانب سے متعدد بار وزارتِ داخلہ کو تحریری طور پر آگاہ کیا جا چکا ہے۔
مزید پڑھیں: پنجاب میں بلدیاتی انتخابات کا انعقاد صوبائی حکومت اور الیکشن کمیشن کی مشترکہ ذمہ داری ہے، چیف الیکشن کمشنر
مزید بتایا گیا کہ وزارتِ داخلہ کی جانب سے آخری مراسلہ 23 اکتوبر 2025 کو الیکشن کمیشن کو موصول ہوا، جس میں یہ اطلاع دی گئی کہ مجوزہ ترمیمی بل نیشنل اسمبلی کی قائمہ کمیٹی برائے داخلہ کے اجلاس میں 21 اکتوبر 2025 کو پیش کیا گیا تھا، تاہم کمیٹی نے بل پر مزید غور کے لیے فیصلہ مؤخر کر دیا۔
اجلاس میں یہ نکتہ بھی زیرِ غور آیا کہ اسلام آباد کی مقامی حکومتیں 14 فروری 2021 کو اپنی مدت مکمل کر چکی ہیں، اور اس وقت سے بلدیاتی انتخابات میں تاخیر چلی آ رہی ہے۔
چونکہ مزید خط و کتابت کے باعث تاخیر کا خدشہ موجود ہے، اس لیے فیصلہ کیا گیا کہ اسلام آباد بلدیاتی انتخابات کے انعقاد سے متعلق کیس کی سماعت 13 نومبر 2025 کو الیکشن کمیشن کے سامنے مقرر کی جائے۔
مزید پڑھیں: سزا یافتہ افراد الیکشن کمیشن یا پارلیمنٹ کا حصہ نہیں بن سکتے، پشاور ہائیکورٹ
اس سماعت کے دوران، الیکشن کمیشن کی مجوزہ ترامیم اور اسلام آباد لوکل گورنمنٹ انتخابات کے انعقاد کے حوالے سے سیکشن 219(3) کے تحت وزارتِ داخلہ اور اسلام آباد انتظامیہ سے مشاورت کی جائے گی۔
اجلاس میں مزید فیصلہ کیا گیا کہ اس ضمن میں سیکریٹری داخلہ اور چیف کمشنر اسلام آباد کو باضابطہ نوٹس جاری کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد الیکشن کمیشن بلدیاتی انتخابات
کراچی میں معمولی زلزلے کے جھٹکے محسوس کیے گئے