روس کے کییف پر بڑے ڈرون اور میزائل حملے، سات افراد ہلاک
اشاعت کی تاریخ: 23rd, June 2025 GMT
اسلام آباد (اُردو پوائنٹ ۔ DW اردو۔ 23 جون 2025ء) یوکرینی دارالحکومت کییف سے پیر 23 جون کو موصولہ خبر رساں ادارے اے ایف پی کی رپورٹوں کے مطابق گزشتہ شب روس نےیوکرین کے مختلف علاقوں میں درجنوں ڈرون اور میزائل حملے کیے، جن کے نتیجے میں صرف دارالحکومت کییف میں ہی سات افراد ہلاک ہو گئے۔
یہ تازہ ترین روسی حملے دراصل تین سال سے جاری جنگ کے خاتمے کے لیے براہ راست دوطرفہ مذاکرات کے سلسلے میں تین ہفتے کے توقف کے دوران کیے گئے۔
کییف اور ماسکو کے مابین جنگ بندی کی سفارتی کوششوں کا سلسلہ قریب تین ہفتے قبل ہونے والی براہ راست ملاقاتوں کے بعد سے رکا ہوا ہے۔ صدر زیلنسکی کا بیانیوکرینی صدر وولودیمیر زیلنسکی نے کہا ہے کہ تازہ روسی حملوں میں چھ افراد کییف میں ہلاک ہوئے جبکہ ایک اور شخص دارالحکومت کے باہر بیلا سیرکوا میں ہلاک ہوا۔
(جاری ہے)
صدر زیلنسکی نے کہا کہ ان حملوں کے دوران روس نے یوکرین کی طرف ایرانی ڈیزائن کردہ ڈرونز سمیت 352 ڈرونز اور 16 میزائل داغے۔
انہوں نے مزید کہا کہ اسی نوعیت کا جنگی گولہ بارود ماسکو کو شمالی کوریا نے بھی فراہم کیا تھا۔
صدر زیلنسکی کا مزید کہنا تھا، ''روس، ایران اور شمالی کوریا کے پڑوسی ممالک میں ہر ایک کو یہ سوچنا چاہیے کہ اگر قاتلوں کا یہ اتحاد برقرار رہتا ہے اور اپنی دہشت پھیلاتا رہتا ہے، تو کیا ایسے ہمسایہ ممالک اپنے ہاں انسانی جانوں کی حفاظت کر سکتے ہیں۔
‘‘ یوکرینی صدر کا دورہ برطانیہصدر زیلنسکی نے اپنے ایک بیان میں کہا ہے کہ وہ آج پیر 23 جون کو برطانیہ کا ایک دورہ کر رہے ہیں، جہاں وہ یوکرین کے شراکت داروں کے ساتھ دفاعی امور اور روس پر پابندیوں سے متعلق بات چیت کریں گے۔ برطانیہ کییف حکومت کے قریب ترین اتحادیوں میں سے ایک ہے۔ صدر زیلنسکی کا برطانیہ کا آج کا دورہ رواں ہفتے کے اواخر میں دی ہیگ میں مغربی دفاعی اتحاد نیٹو کے سربراہی اجلاس سے کچھ ہی پہلے ہو رہا ہے۔
صدر زیلنسکی کی دی ہیگ میں نیٹو سربراہی اجلاس میں شرکت کی خبر کو زیادہ ہوا نہیں دی جا رہی، جس کا مقصد ان کو امریکی صدر ڈونلڈ ٹرمپ کے ساتھ کسی قسم کے سفارتی تصادم سے بچانا ہے۔
ڈونلڈ ٹرمپ اور روسی یوکرینی جنگامریکہ کے ریپبلکن سیاستدان ڈونلڈ ٹرمپ نے دوبارہ صدارتی منصب سنبھالنے کے بعد سے مغربی ممالک کے روس اور یوکرین کی جنگ کے بارے میں رویے کو یکسر بدلنے کی کوشش کرتے ہوئے کییف کو پیچھے چھوڑا اور روس کے ساتھ قریبی تعلقات کے لیے دروازے کھول دیے۔
یوکرین پر تازہ ترین روسی حملے دراصل کییف پر ایک ہفتے سے بھی کم عرصہ قبل کیے گئے ان حملوں کے بعد کیے گئے ہیں، جن میں 28 افراد ہلاک ہوئے تھے۔ تازہ ترین روسی حملے یوکرینی افواج کے کمانڈر ان چیف سِرسکی کی طرف سے روس پر حملوں کو تیز تر کر دینے کے عزم کے اظہار کے بعد کیے گئے۔
ادارت: مقبول ملک
.
ذریعہ
ذریعہ: UrduPoint
کلیدی لفظ: تلاش کیجئے صدر زیلنسکی کیے گئے کے بعد
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ