سیزن 3 کے لیے کپل شرما کتنے کروڑ معاوضہ لے رہے ہیں؟
اشاعت کی تاریخ: 7th, July 2025 GMT
بھارت کے مشہور میزبان اور مزاحیہ اداکار کپل شرما حال ہی میں اپنے مقبول شو ’دی گریٹ انڈین کپل شو‘ کے سیزن 3 کے ساتھ واپس آئے ہیں۔ شو کی پہلی قسط ہی سوشل میڈیا پر دھوم مچا رہی ہے جس میں بالی ووڈ اداکار سلمان خان نے شرکت کی لیکن کپل شرما مہمان سے زیادہ اپنے بھاری معاوضے کے باعث خبروں میں ہیں۔
بھارتی میڈیا رپورٹس کے مطابق کپل شرما ہر قسط کے لیے تقریباً 5 کروڑ روپے معاوضہ لیتے ہیں۔ اور انہوں نے سیزن 1 سے یہی فیس برقرار رکھی ہوئی ہے، جہاں انہوں نے 13 قسطوں کے سیزن کے لیے تقریباً 65 کروڑ روپے کمائے تھے۔
رپورٹس میں یہ بھی ذکر کیا گیا کہ کپل شرما نے سیزن 2 میں بھی اتنی ہی فیس حاصل کی، اور سیزن 3 میں بھی یہی رقم ملنے کی امید ہے۔ اگر ایسا ہوتا ہے تو وہ اس سیریز سے کل 195 کروڑ روپے کما لیں گے۔
یہ بھی پڑھیں: کپل شرما شو میں کام کرنے والے فنکاروں کے پاس کتنی دولت ہے؟
دی گریٹ انڈین کپل شو سیزن 3 کا آغاز 21 جون سے ہوا، اور اس سیزن میں نوجوت سنگھ سدھو کی واپسی بھی دیکھنے کو ملی، جو ارچنا پورن سنگھ کے ساتھ ججز کی نشست پر بیٹھے۔ پہلی قسط میں کپل شرما نے مزاحیہ انداز میں نوجوت سنگھ سدھو کے بھاری معاوضے پر بات کی اور کہا کہ اسٹریمنگ پلیٹ فارم کا شکریہ ادا کیا کہ انہوں نے اتنا بجٹ دیا کہ سدھو کو افورڈ کر سکیں۔
دی گریٹ انڈین کپل شو میں کپل کے ساتھ ساتھ سنیل گروور، کرشنا ابھیشیک، راجیو ٹھاکر اور کیکو شاردا بھی شامل ہیں۔ اس سیزن میں نوجوت سنگھ سدھو کی واپسی نے شو میں مزید جان ڈال دی ہے۔
اگلی اقساط میں فلم میٹرو ان ڈاینو کی کاسٹ، بھارتی کرکٹرز ابھیشیک سنگھ، رشبھ پنت، یوزویندر چہل اور بھارتی کوچ گوتَم گمبھیر شرکت کریں گے۔
یہ بھی پڑھیں: کپل شرما نے اپنا طیارہ خریدلیا، کروڑوں کمانے والے کامیڈین کی پہلی تنخواہ کتنی تھی؟
واضح رہے کہ کپل شرما نے ایک انٹرویو میں انکشاف کیا تھا کہ انہوں نے اپنی پہلی نوکری 16 برس کی عمر میں آبائی شہر امرتسر میں کی۔ جہاں انہوں نے اپنا جیب خرچ نکالنے کے لیے پہلی بار ایک پی سی او میں کام کیا اور اس وقت ان کی تنخواہ محض 500 بھارتی روپے ماہانہ تھی جبکہ انہیں دوسری نوکری ایک گارمنٹ فیکٹری میں ملی جہاں وہ ماہانہ 900 روپے لیا کرتے تھے۔
کپل نے اپنے کالج کے دنوں میں تھیٹر میں قدم رکھا اور بعد میں 2007 میں گریٹ انڈین لافٹر چیلنج سیزن 3 میں حصہ لینے کے لیے ممبئی آئے جہاں وہ فاتح بن کر ابھرے اور وہاں سے پیچھے مڑ کر نہیں دیکھا۔
بعد ازاں ہندوستان میں ایک مزاحیہ اداکار کے طور پر شہرت حاصل کرنے کے بعد کپل شرما نے 2013 میں اپنے ٹی وی شو کامیڈی نائٹس ود کپل کی میزبانی شروع کی۔ 2016 میں اس شو کا نام دی کپل شرما شو رکھا گیا۔ اس کے ساتھ وہ ٹیلی ویژن کے سب سے کامیاب اور امیر ترین ستاروں میں سے ایک بن گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دی گریٹ انڈین کپل شو سلمان خان کپل شرما کپل شرما شو کپل شرما معاوضہ.
ذریعہ
ذریعہ: WE News
کلیدی لفظ: بالی ووڈ کپل شرما کپل شرما شو کپل شرما معاوضہ کپل شرما نے انہوں نے کے ساتھ کے لیے
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ