اسحاق ڈارکی کینیڈا کی وزیر خارجہ سے ملاقات، پاک کینیڈا دوطرفہ تعلقات کے مثبت رجحان پر اتفاق
اشاعت کی تاریخ: 10th, July 2025 GMT
کوالالمپور(اُردو پوائنٹ اخبارتازہ ترین - این این آئی۔ 10 جولائی2025ء)نائب وزیر اعظم و وزیر خارجہ سینیٹر محمد اسحاق ڈار نے کوالالمپور میں آسیان ریجنل فورم (اے آر ایف) کے 32 ویں وزارتی اجلاس کے موقع پر کینیڈا کی وزیر خارجہ انیتا آنند سے ملاقات کی ہے۔
(جاری ہے)
دفتر خارجہ کے مطابق اے آر ایف اجلاس کے موقع پر ملاقات کے دوران فریقین نے پاک کینیڈا دوطرفہ تعلقات کے مثبت رجحان پر اتفاق کیا۔ انہوں نے اقتصادی اور تجارتی باہمی تعلقات کی وسعت اور استحکام پر تبادلہ خیال کیا اور اتفاق بھی کیا۔ نائب وزیر اعظم و وزیر خارجہ نے کینیڈین ہم منصب کو دورہ پاکستان کی دعوت دی جسے شکریہ کے ساتھ قبول کیا گیا۔
.ذریعہ: UrduPoint
کلیدی لفظ: تلاش کیجئے
پڑھیں:
نائب وزیراعظم اسحاق ڈار سے ترک وزیرخارجہ کی ملاقات، باہمی دلچسپی کے امور پر تبادلہ خیال
نائب وزیراعظم و وزیر خارجہ اسحاق ڈار سے ترکیے کے وزیر خارجہ حاقان فیدان نے ملاقات کی ہے، جس میں دوطرفہ تعلقات، دفاعی تعاون، اور علاقائی سیکیورٹی کے امور پر تفصیلی تبادلہ خیال کیا گیا۔ پاکستان نے ترکیے کے دفاعی تجربات سے فائدہ اٹھانے میں دلچسپی کا اظہار کیا ہے۔
یہ بھی پڑھیں: نائب وزیراعظم اسحاق ڈار اور افغان وزیرخارجہ امیرخان متقی کے درمیان ٹیلیفونک رابطہ
ملاقات کے بعد مشترکہ پریس کانفرنس میں نائب وزیراعظم اسحاق ڈار نے کہا کہ پاکستان اور ترکیے کے درمیان تعلقات وقت کے ساتھ مزید مضبوط ہورہے ہیں، اور دونوں ممالک متعدد علاقائی اور عالمی معاملات پر یکساں مؤقف رکھتے ہیں۔ انہوں نے بتایا کہ سیکیورٹی، دفاع اور انٹیلی جنس پر مشتمل نئی کمیٹی کا اجلاس 24 جولائی کو ہوگا، جب کہ دفاعی صنعت سے متعلق اجلاس ستمبر میں منعقد کیا جائے گا۔
اسحاق ڈار نے کہا کہ ترکیے کی جانب سے آزاد کشمیر میں اسکول قائم کرنے کے معاملے پر بھی بات ہوئی ہے، اور مختلف شعبوں میں تعاون کے نئے امکانات پر غور جاری ہے۔ ان کا کہنا تھا کہ ترکیے کے وزیر خارجہ اور وزیر دفاع کا دورہ پاکستان دونوں ممالک کے قریبی اور دوستانہ تعلقات کی عکاسی کرتا ہے۔
’پاکستان ترکیے کے مختلف شعبوں میں تجربات سے استفادہ کررہا ہے‘انہوں نے بتایا کہ پاکستان ترکیے کے مختلف شعبوں میں تجربات سے استفادہ کر رہا ہے اور مشترکہ کمیٹیوں کے ذریعے باہمی تعاون کو فروغ دیا جا رہا ہے۔ ان کے مطابق ستمبر میں پاک-ترک دفاعی کمیٹیوں کا اجلاس متوقع ہے، جس میں مزید پیش رفت کا جائزہ لیا جائے گا۔
پاکستان اور ترکیے کی باہمی تجارت کو 5 ارب ڈالر تک لے جانے کا ہدف مقرردوسری جانب، ترکیے کے وزیر خارجہ حاقان فیدان نے اسحاق ڈار کی میزبانی کا شکریہ ادا کرتے ہوئے کہا کہ پاکستان اور ترکیے کے تعلقات منفرد نوعیت کے ہیں، جنہیں ادارہ جاتی شراکت داری میں ڈھالا جا رہا ہے۔ ان کا کہنا تھا کہ دونوں ممالک نے اقتصادی، ثقافتی اور دفاعی میدانوں میں تعاون کو فروغ دیا ہے، اور اب تیل و گیس کے شعبے میں بھی شراکت کو وسعت دی جا رہی ہے۔
یہ بھی پڑھیں: نائب وزیراعظم اور وزیر خارجہ سینیٹر محمد اسحاق ڈار کی ہانگ کانگ کے چیف ایگزیکٹیو جان لی سے ملاقات
انہوں نے بتایا کہ پاکستان اور ترکیے کی باہمی تجارت کو 5 ارب ڈالر تک لے جانے کا ہدف مقرر کیا گیا ہے، جب کہ وزیراعظم شہباز شریف سے ان کی اہم ملاقات بھی شیڈول ہے۔
پریس کانفرنس کے اختتام پر دونوں وزرائے خارجہ نے اس عزم کا اعادہ کیا کہ پاکستان اور ترکیے کے درمیان تعلقات کو مزید مستحکم کیا جائے گا اور تمام شعبوں میں ادارہ جاتی تعاون کو وسعت دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسحاق ڈار ترکیے حاقان فیدان نائب وزیراعظم وزیرخارجہ
ایشیاکپ سے قبل قومی ٹیم کے کوچنگ پینل میں بڑی تبدیلیاں