علی امین گنڈاپور اور بیرسٹر گوہر کی قیادت میں پی ٹی آئی کا قافلہ لاہور پہنچ گیا
اشاعت کی تاریخ: 12th, July 2025 GMT
پاکستان تحریک انصاف (پی ٹی آئی) کی مرکزی قیادت کا قافلہ وزیر اعلیٰ خیبر پختونخوا علی امین گنڈا پور اور چیئرمین پی ٹی آئی بیرسٹر گوہر کی قیادت میں لاہور پہنچ گیا۔
میڈیا رپورٹس کے مطابق قافلے کی آمد کے موقع پر شاہدرہ موڑ پر پولیس کی بھاری نفری تعینات کی گئی، جہاں پی ٹی آئی رہنما یاسر گیلانی سمیت 4 کارکنوں کو حراست میں لیا گیا۔ تاہم بعدازاں یاسر گیلانی کو رہا کردیا گیا۔
یہ بھی پڑھیں: پی ٹی آئی کی لاہور میں ہونے والی میٹنگ میں کیا ہونے جارہا ہے؟ علی امین گنڈاپور نے بتادیا
پولیس نے شاہدرہ موڑ پر کسی کو رکنے کی اجازت نہیں دی، جس کے باعث قافلہ میڈیا سے گفتگو نہ کر سکا۔ یہ قافلہ اب رائے ونڈ روڈ پر واقع آفریدی فارم ہاؤس کی جانب روانہ ہوگا، جہاں پی ٹی آئی رہنماؤں کے اعزاز میں عشائیہ دیا جائے گا۔ اسی مقام پر پارٹی کی پارلیمانی اسمبلی کمیٹیوں کا اجلاس بھی ہوگا، جس میں آئندہ احتجاجی حکمت عملی پر مشاورت کی جائےگی۔
اس سے قبل کے پی کے ہاؤس میں پی ٹی آئی قیادت کا اجلاس منعقد ہوا، جس کے بعد رہنما اور کارکنان لاہور کے لیے روانہ ہوئے۔
روانگی سے قبل علی امین گنڈا پور نے بیان دیا کہ ان کا قافلہ پنجاب اسمبلی سے نکالے گئے نمائندوں سے اظہارِ یکجہتی کے لیے نکلا ہے۔
انہوں نے کہاکہ یہ قافلہ غیر قانونی، غیر آئینی، غیر جمہوری اور غیر اخلاقی اقدامات کے خلاف پرامن ردعمل ہے۔
ان کا کہنا تھا کہ ہم امن، محبت، بھائی چارے اور رواداری کا پیغام لے کر جا رہے ہیں۔ اگر کوئی سمجھتا ہے کہ یہ احتجاج ہے، تو وہ جان لے کہ یہ محض اظہارِ یکجہتی ہے۔ ہمارا مقصد انتشار نہیں بلکہ جمہوری اقدار کا تحفظ ہے۔
وزیراعلیٰ خیبر پختونخوا نے مزید کہاکہ ہر قدم پر امن کی بات کی ہے اور ہر لفظ میں آئین کی پاسداری کا واضح پیغام ہے۔ عوام دیکھ لیں، یہ قافلہ نفرت نہیں بلکہ محبت کا پیغام لے کر نکلا ہے۔
انہوں نے کہاکہ جمہوریت کے علمبردار اپنے بھائیوں سے یکجہتی کے اظہار کے لیے نکلے ہیں اور ہم صرف یہ بتانے جا رہے ہیں کہ جمہوری نمائندوں کے ساتھ کھڑے ہیں۔
یہ بھی پڑھیں: تبدیلی پی ٹی آئی کے اندر سے آنی چاہیے، فضل الرحمان نے علی امین گنڈاپور حکومت کا تختہ الٹنے کی تجویز دیدی
علی امین گنڈا پور کا مزید کہنا تھا کہ قافلے کا ہر قدم آئین کی سربلندی اور عوام کے حقِ نمائندگی کی علامت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار یکجہتی بیرسٹر گوہر پاکستان تحریک انصاف پنجاب پولیس پی ٹی آئی شاہدرہ موڑ علی امین گنڈاپور قافلہ لاہور پہنچ گیا وی نیوز.ذریعہ: WE News
کلیدی لفظ: اظہار یکجہتی بیرسٹر گوہر پاکستان تحریک انصاف پنجاب پولیس پی ٹی ا ئی شاہدرہ موڑ علی امین گنڈاپور قافلہ لاہور پہنچ گیا وی نیوز علی امین گنڈاپور پی ٹی ا ئی پی ٹی آئی کے لیے
پڑھیں:
یا تم رہو گے یا ہم، یا منزل پائیں گے یا سیاست کو خیر باد کہہ دیں گے، علی امین گنڈاپور
لاہور (ڈیلی پاکستان آن لائن) وزیراعلیٰ خیبرپختونخوا علی امین گنڈا پور نے حکومت کو 90 دن کا الٹی میٹم دیتے ہوئے کہا ہے کہ یا تم رہو گے یا ہم، یا منزل پائیں گے یا سیاست کو خیر باد کہہ دیں گے۔ اُن کا کہنا تھا کہ اگر ہمارے ارکان کو فعال نہ کیا گیا تو ہم اپوزیشن میں بیٹھے ان کے تمام چیئرمینز کو ہٹا دیں گے۔
یہ بات انہوں نے اس وقت کہی جب وہ پاکستان تحریک انصاف (پی ٹی آئی) کے قافلے کی قیادت کرتے ہوئے اسلام آباد سے لاہور، جاتی امرا پہنچے، جہاں سابق ڈپٹی چیئرمین سینیٹ مرزا محمد آفریدی کے فارم ہاؤس میں ان کے اعزاز میں ظہرانے کا اہتمام کیا گیا۔ اس موقع پر علی امین نے شرکاء سے خطاب بھی کیا۔
ہر صوبے سے لوگ نکلیں گے، علی محمد خان
ان کا کہنا تھا کہ پی ٹی آئی کے بانی کا مقصد سیاست نہیں بلکہ ملک کی اصلاح ہے۔ وہ خود مذاکرات کے لیے تیار ہیں اور کہتے ہیں کہ اگر ان پر سازش ثابت ہو جائے تو جو سزا دی جائے، قبول کریں گے۔
علی امین گنڈا پور نے کہا کہ عمران خان کی اہلیہ قید میں ہیں، اس کے باوجود وہ عوامی حقوق کی جنگ لڑ رہے ہیں۔ وہ کہتے ہیں آؤ بات کرو، دلیل سے بات کرو۔
انہوں نے خبردار کیا کہ ہماری برداشت کو آزمایا نہ جائے۔ لاہور میں ہمارا قافلہ پُرامن رہا، نہ کسی چیز کو نقصان پہنچایا، نہ ہی کسی قانون کی خلاف ورزی کی۔ لیکن ہمیں بغیر جرم کے سزا دی جاتی ہے، یہ روش مزید نہیں چلے گی۔ اب اگر کسی نے ناجائز طور پر حملہ کیا، تو ہم خاموش نہیں بیٹھیں گے۔ میں اپنی جان کا ضیاع خودکشی نہیں سمجھتا، جو مجھے ناجائز مارے گا، اس کا جواب دیا جائے گا۔ گولی مارو گے تو جواب بھی اسی زبان میں دیا جا سکتا ہے۔
کالج طالبہ نےڈیپارٹمنٹ ہیڈ کی جانب سے ہراساں کیے جانے پر خود کو آگ لگالی
مزید :
واٹس ایپ صارفین کیلئے خوشخبری، چیٹس میں بہترین فیچر کا اضافہ