کل سے مون سون کا نیا اسپیل، شدید بارشوں اور سیلابی صورت حال کی پیشگوئی
اشاعت کی تاریخ: 27th, July 2025 GMT
محکمہ موسمیات نے خبردار کیا ہے کہ ملک بھر میں مون سون کا نیا سلسلہ 28 جولائی سے شروع ہونے جا رہا ہے، جس کے دوران کئی علاقوں میں شدید بارشوں، طغیانی اور شہری سیلاب کا خطرہ ہے۔
محکمہ موسمیات کے مطابق 28 سے 31 جولائی کے دوران اسلام آباد، پنجاب اور خیبر پختونخوا کے متعدد علاقوں میں گرج چمک کے ساتھ بارش متوقع ہے، جب کہ بلوچستان میں 29 سے 31 جولائی اور سندھ میں 30 اور 31 جولائی کو بارشیں ہونے کا امکان ہے۔
یہ بھی پڑھیں: ملک کے بیشتر علاقوں میں بارشوں کے نئے اسپیل کا آغاز
محکمہ موسمیات کے مطابق بعض مقامات پر طوفانی بارشیں بھی ہو سکتی ہیں جو مقامی ندی نالوں میں طغیانی کا سبب بن سکتی ہیں، جبکہ شہری علاقوں میں نشیبی مقامات زیر آب آنے کا خدشہ ظاہر کیا گیا ہے۔
محکمہ موسمیات نے بالائی علاقوں میں لینڈ سلائیڈنگ کا بھی انتباہ جاری کرتے ہوئے سیاحوں اور مسافروں کو سفر سے پہلے موسم کی صورتحال دیکھ کر منصوبہ بندی کرنے کی ہدایت کی ہے۔
دوسری جانب گلگت بلتستان میں حالیہ سیلابی صورتحال نے بڑے پیمانے پر تباہی مچا دی ہے۔ ضلع گلگت کی تحصیل دنیور میں پہاڑوں سے آنے والے شدید ریلے نے دریائے ہنزہ کا رخ موڑ دیا، جس سے درجنوں گھر تباہ، درخت جڑوں سے اکھڑ گئے اور سینکڑوں کنال اراضی پر کھڑی فصلیں برباد ہو گئیں۔
چلاس کے علاقے تھک بابوسر میں بھی فلیش فلڈنگ نے تباہ کن صورتحال پیدا کردی۔ سیلابی ریلے کئی گھروں، رابطہ سڑکوں، مویشی خانوں اور زرعی زمینوں کو بہا لے گئے۔ متاثرہ خاندان کھلے آسمان تلے بے یار و مددگار پڑے ہیں۔
یہ بھی پڑھیں: گلگت بلتستان میں سیلاب کی تباہ کاریاں: 9 افراد جاں بحق، درجنوں لاپتا
محکمہ موسمیات، ضلعی انتظامیہ اور امدادی اداروں نے عوام سے اپیل کی ہے کہ وہ احتیاطی تدابیر اختیار کریں اور ممکنہ ہنگامی صورتحال سے نمٹنے کے لیے تیار رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش سیلاب طوفانی بارشیں محکمہ موسمیات مون سون نیا اسپیل وی نیوز.
ذریعہ
ذریعہ: WE News
کلیدی لفظ: سیلاب طوفانی بارشیں محکمہ موسمیات نیا اسپیل وی نیوز محکمہ موسمیات علاقوں میں
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار