حافظ نعیم کا وزیراعظم اور وزیراعلیٰ کے پی سے رابطہ؛ ریسکیو اور ریلیف میں تعاون کی یقین دہانی
اشاعت کی تاریخ: 17th, August 2025 GMT
لاہور:
امیر جماعت اسلامی پاکستان حافظ نعیم الرحمن نے وزیراعظم اور وزیراعلیٰ خیبر پختونخوا سے رابطہ کرکے ریسکیو اور ریلیف آپریشن میں تعاون کی یقین دہانی کرائی ہے۔
منصورہ سے جاری بیان کے مطابق وزیراعظم شہباز شریف اور امیر جماعت اسلامی حافظ نعیم الرحمان کے درمیان ٹیلیفونک رابطہ ہوا جس میں خیبرپختونخوا، کشمیر اور شمالی علاقوں میں آنے والے سیلابی ریلوں سے جانی و مالی نقصانات پر گہرے دکھ اور افسوس کا اظہار کیا گیا۔
اس موقع پر حافظ نعیم الرحمان نے حکومت کو بھرپور تعاون کی یقین دہانی کراتے ہوئے کہا کہ جماعت اسلامی اور الخدمت فاؤنڈیشن متاثرہ علاقوں میں ریسکیو اور ریلیف آپریشن کے دوران حکومت کی معاونت کریں گے۔
انہوں نے واضح کیا کہ مشکل اور دکھ کی اس گھڑی میں جماعت اسلامی سیاسی اختلافات سے بالاتر ہو کر حکومت کے ساتھ کھڑی ہے۔ ان کا کہنا تھا کہ وفاقی و صوبائی حکومتیں بھی سیاسی اختلافات کو ایک طرف رکھ کر متاثرہ عوام کی مدد کے لیے فوری اور مؤثر اقدامات کریں۔ حافظ نیعم نے بتایا کہ جماعت اسلامی کے کارکنان نے پہلے ہی امدادی کارروائیاں شروع کر دی ہیں۔
وزیراعظم شہباز شریف نے اس موقع پر این ڈی ایم اے کی جانب سے متاثرہ علاقوں میں 500 ٹن سے زائد امدادی سامان روانہ کرنے کے بارے میں بتایا اور جماعت اسلامی کے تعاون کو سراہتے ہوئے حافظ نعیم الرحمان کے کردار کو خراجِ تحسین پیش کیا۔
اس سے قبل امیر جماعت اسلامی نے وزیراعلیٰ خیبرپختونخوا علی امین گنڈا پور سے بھی ٹیلیفونک رابطہ کیا، جس میں سیلاب کی صورتحال اور متاثرین کے لیے ہنگامی اقدامات پر تبادلہ خیال کیا گیا۔ حافظ نعیم الرحمان نے وزیراعلیٰ کو یقین دلایا کہ جماعت اسلامی اور الخدمت کے رضاکار ایمرجنسی اور امدادی سرگرمیوں میں بڑھ چڑھ کر حصہ لے رہے ہیں۔
انہوں نے متاثرین کے ساتھ دلی ہمدردی کا اظہار کرتے ہوئے کہا کہ اس آزمائش کی گھڑی میں پوری قوم کو متحد ہو کر مشکل کا مقابلہ کرنا ہوگا۔
وزیراعلیٰ گنڈا پور نے جماعت اسلامی کی کاوشوں کو سراہتے ہوئے شکریہ ادا کیا۔ امیر جماعت اسلامی نے کارکنان کو سماجی رابطے کی ویب سائٹ ایکس کے ذریعے ہدایت دی کہ وہ ریلیف آپریشن میں بھرپور حصہ لیں ۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان حافظ نعیم الرحمان امیر جماعت اسلامی
پڑھیں:
اہم ٹیلیفونک رابطہ، پاکستان سعودی عرب کے ساتھ کھڑا، سہیل آفریدی پر الزام، مریم نواز اور بلاول کے ایک دوسرے پر تابڑ توڑ حملے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشریٰ بی بی بلاول بھٹو زرداری پاکستان سعودی عرب سہیل آفریدی مریم نواز
ٹی20 ورلڈ کپ 2026: پاکستان نے سپر 8 کے لیے جگہ پکی کر لی