ڈونلڈ ٹرمپ کے ہاتھ پر دوبارہ نیل، صحت پر سوالات اٹھ گئے
اشاعت کی تاریخ: 26th, August 2025 GMT
واشنگٹن(انٹرنیشنل ڈیسک)امریکی صدر ڈونلڈ ٹرمپ کے دائیں ہاتھ پر ایک بار پھر سیاہ اور نیلا پیچ دیکھا گیا ہے، جس نے ان کی صحت کے حوالے سے نئی بحث کو جنم دیا۔ یہ منظر اس وقت سامنے آیا جب ٹرمپ وائٹ ہاؤس میں جنوبی کوریا کے صدر لی جے میونگ سے ملاقات کر رہے تھے۔
ملاقات کے دوران ٹرمپ نے رپورٹرز سے گفتگو کرتے ہوئے بار بار اپنا بایاں ہاتھ دائیں ہاتھ پر رکھا، جیسے وہ نشانات چھپانے کی کوشش کر رہے ہوں۔ چند دن قبل بھی ٹرمپ کے ہاتھ پر میک اپ لگا دیکھا گیا تھا جو باقی جلد سے مختلف رنگ کا تھا، جس کے بعد قیاس آرائیاں بڑھ گئی تھیں کہ صدر کچھ چھپانے کی کوشش کر رہے ہیں۔
وائٹ ہاؤس اور ڈاکٹرز کی وضاحت
پریس سیکریٹری کیرولائن لیوٹ نے کہا کہ “صدر ٹرمپ عوامی شخصیت ہیں، روزانہ سیکڑوں لوگوں سے ملاقات کرتے ہیں اور ہاتھ ملاتے ہیں۔ ان کا عزم اور توانائی سب کے سامنے ہے۔”
صدر کے معالج ڈاکٹر شین باربابیلا نے ایک خط جاری کیا ہے جس میں وضاحت کی گئی کہ ہاتھ پر یہ نشانات زیادہ ہاتھ ملانے اور ایسپرین کے استعمال کی وجہ سے ہیں۔ ایسپرین دل کی صحت کے لیے احتیاطی طور پر دی جاتی ہے۔
ڈاکٹر نے مزید بتایا کہ ٹرمپ کو “کرونک وینس انسفیشنسی” ہے، یعنی رگوں میں خون کا بہاؤ دل تک واپس آنے میں سست ہوتا ہے۔ یہ بڑی عمر کے افراد میں عام بیماری ہے اور زیادہ خطرناک نہیں۔ ان کی ٹانگوں میں ہلکی سوجن بھی نوٹ کی گئی تھی، لیکن مکمل جانچ کے بعد کسی بڑی بیماری جیسے ڈیپ وین تھرومبوسس (DVT) یا شریانوں کی بیماری کی کوئی علامت سامنے نہیں آئی۔
پس منظر
یاد رہے کہ رواں سال فروری میں فرانسیسی صدر ایمانویل میکرون سے ملاقات کے دوران بھی ٹرمپ کے ہاتھ پر ایسا ہی نیل دیکھا گیا تھا، جس نے اس وقت بھی ان کی صحت پر سوالات کھڑے کیے تھے۔
Post Views: 6.
ذریعہ
ذریعہ: Daily Mumtaz
پڑھیں:
پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا
پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا WhatsAppFacebookX 0 24 July, 2026 سب نیوز
اسلام آباد(سب نیوز)آذربائیجان کے سفیر خضر فرہادوف نے وفاقی وزیر برائے قومی غذائی تحفظ و تحقیق رانا تنویر حسین سے الوداعی ملاقات کی۔
ملاقات کے دوران پاکستان اور آذربائیجان کے درمیان آزمودہ اور برادرانہ تعلقات کو تجارت، سرمایہ کاری، سیاحت، تعلیم، رابطہ کاری اور عوامی خدمات کی فراہمی کے شعبوں میں مزید مضبوط بنانے پر زور دیا گیا۔
دونوں جانب سے حالیہ برسوں کے دوران دوطرفہ تعلقات میں ہونے والی نمایاں پیش رفت کا جائزہ لیا گیا، جس میں اعلیٰ سطحی روابط میں اضافہ، عوامی سطح پر تعلقات کا فروغ، فضائی رابطوں میں بہتری، سیاحت میں وسعت اور اقتصادی تعاون میں اضافہ شامل ہے۔
ملاقات میں سرمایہ کاری، عوامی خدمات، تعلیم اور علاقائی رابطہ کاری کے شعبوں میں تعاون کو مزید گہرا کرنے کے نئے مواقع پر بھی تبادلہ خیال کیا گیا۔
ملاقات میں دونوں ممالک کے درمیان سفری روابط میں تیزی سے ہونے والے اضافے کو بھی اجاگر کیا گیا۔ آذربائیجان کا سفر کرنے والے پاکستانی شہریوں کی تعداد میں اضافہ ہو رہا ہے، جبکہ سیاحت، تعلیم اور کاروباری سرگرمیوں کے فروغ کے لیے فضائی رابطوں کو مزید بہتر بنانے کی کوششیں بھی جاری ہیں۔
دونوں جانب سے اس عزم کا اعادہ کیا گیا کہ مضبوط سیاسی تعلقات کو وسیع تر اقتصادی اور ترقیاتی شراکت داری میں تبدیل کیا جائے گا، جس سے دونوں ممالک کے عوام کو عملی اور ٹھوس فوائد حاصل ہوں۔
فریقین نے تجارت، سرمایہ کاری، تعلیم، سیاحت اور عوامی خدمات میں جدت کے شعبوں میں مسلسل تعاون کی اہمیت پر بھی زور دیا۔
ملاقات کا اختتام پاکستان اور آذربائیجان کے تعلقات کو مزید مضبوط بنانے اور باہمی اعتماد، احترام اور دیرینہ دوستی کی مضبوط بنیاد پر دوطرفہ تعاون کو آگے بڑھانے کے مشترکہ عزم کے ساتھ ہوا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرکیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد اگلی خبرعطاء اللّٰہ خان عیسیٰ خیلوی کا اپنی قبر تیار کرنے کا انکشاف اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع