پاکستان ازبکستان باہمی تجارت 404 ملین ڈالر تک جا پہنچی، 2 بلین ڈالر کا ہدف
اشاعت کی تاریخ: 28th, August 2025 GMT
پاکستان اور ازبکستان کے درمیان تجارتی و اقتصادی تعلقات نئے دور میں داخل ہو گئے ہیں۔ اسپیشل انویسٹمنٹ فیسلیٹیشن کونسل (SIFC) کی کاوشوں سے دونوں ممالک کے درمیان تجارت اور سرمایہ کاری کے لیے نئی راہیں کھل رہی ہیں۔
ازبک سفارتکار اویبک کامباروف نے ملتان چیمبر آف کامرس کا دورہ کیا اور دوطرفہ تجارت کے فروغ پر زور دیا۔ اس موقع پر بتایا گیا کہ پاکستان اور ازبکستان کی باہمی تجارت 122 ملین ڈالر سے بڑھ کر 404 ملین ڈالر تک جا پہنچی ہے، جبکہ رواں مالی سال کے دوران اگست تک 320 ملین ڈالر کی سرمایہ کاری ریکارڈ کی گئی۔
مزید پڑھیں: ازبکستان-افغانستان-پاکستان ریلوے منصوبہ پاکستان کے لیے کتنا فائدہ مند ثابت ہو سکتا ہے؟
دونوں ممالک نے آئندہ برسوں میں باہمی تجارت کو 2 بلین ڈالر تک بڑھانے کے عزم کا اظہار کیا ہے۔ ازبکستان نے پاکستانی سرمایہ کاروں کے لیے ٹیکس رعایتوں اور خصوصی اقتصادی زون کے قیام کے عہد کی تجدید بھی کی ہے۔
پاکستان اور ازبکستان کے درمیان تین براہِ راست پروازوں کے آغاز اور بزنس ویزا صرف تین دن میں جاری کرنے کی سہولت نے تجارتی روابط کو مزید سہل بنا دیا ہے۔
مزید پڑھیں: پاکستان تا ازبکستان ریلوے ٹریک کی راہ ہموار، منصوبے پر کام کب شروع ہوگا؟
ازبک سفارتکار نے پاکستان کی ٹیکسٹائل، پولٹری، فوڈ پروسیسنگ اور لیدر انڈسٹریز کا بھی دورہ کیا اور ان کے معیار اور جدت کو سراہا۔ دونوں ممالک نے بی ٹو بی میٹنگز، تجارتی میلوں اور سنگل کنٹری نمائشوں کے انعقاد پر بھی اتفاق کیا ہے۔
ایس آئی ایف سی کے تعاون سے ہونے والی یہ پیشرفت نہ صرف باہمی تجارت بلکہ سرمایہ کاری اور ٹیکنالوجی کے شعبوں میں بھی نئے مواقع فراہم کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ازبکستان پاکستان پاکستان ازبکستان باہمی تجارت.
ذریعہ
ذریعہ: WE News
کلیدی لفظ: ازبکستان پاکستان پاکستان ازبکستان باہمی تجارت باہمی تجارت ملین ڈالر کے لیے
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ