2023 کے سیلابی ریلے میں پھنسے 6 سیاحوں کو بچانے والے ہیرو ظفر کی ویڈیو پھر وائرل
اشاعت کی تاریخ: 28th, August 2025 GMT
2023 کے سیلاب میں اپنی جان پر کھیل کر قیمتی انسانی جانے بچانے والے تلہ کنگ کے ہیرو ظفر کی اپنے ٹریکٹر کی مدد سے 6 سیاحوں کو بچاتے ہوئے ویڈیو ایک بار پھر سوشل میڈیا پر وائرل ہوگئی ہے۔
2023 میں تلہ گنگ میں ایک دلیر شہری ظفر نے اپنی جان پر کھیل کر قیمتی انسانی جانیں بچائیں تھیں، انہوں نے 6 سیاحوں کی گاڑی اچانک سیلابی ریلے میں مکمل طور پر ڈوب گئی تھی، اس واقعے کی ویڈیو اب 2025 کے سیلاب کے تناظر میں ایک بار پھر سوشل میڈیا پر وائرل ہوگئی ہے۔
یہ بھی پڑھیں: غذر گلگت بلتستان: سیلاب کے دوران چرواہے کی بروقت اطلاع سے سینکڑوں زندگیاں کیسے بچ گئیں؟
صارفین ظفر کی جرات و بہادری کو زبردست خراجِ تحسین پیش کر رہے ہیں۔ ایک صارف نے لکھا کہ ظفر جیسے ہیروز ہی اصل سرمایہ ہیں، جن کی بہادری سے معاشرہ زندہ ہے۔
اس ہیرو کو وائرل کرنا چاہئیے❤️
تلہ گنگ میں 6 سیاحوں کی گاڑی اچانک سیلابی ریلے میں مکمل ڈوب چکی تھی تلہ گنگ کے رہائشی ظفر نے اپنے ٹریکٹر کی مدد سے تمام افراد کو گاڑی سمیت نکال لیا اور قیمتی جانیں بچ گئیں۔ pic.
— Sadia Khalid (@SadiasOfficial) August 27, 2025
یاد رہے کہ سندھ اور خیبر پختونخوا میں سیلاب کی تباہ کاریوں کے بعد پنجاب بھی تباہ کن سیلاب کی لپیٹ میں ہے، موسلا دھار بارشوں اور دریاؤں میں طغیانی نے صوبے کے وسیع علاقے کو متاثر کر دیا۔ لاکھوں لوگ مشکلات کا شکار ہیں، ہزاروں بے گھر ہو گئے ہیں جبکہ درجنوں جانیں ضائع ہو چکی ہیں۔
یہ بھی پڑھیں: پنجاب میں سیلابی صورتحال،وزیراعظم نے فوری اقدامات کا حکم دے دیا
گھروں، فصلوں اور کاروبار کو بھاری نقصان پہنچا ہے اور حکومت و امدادی ادارے ریسکیو اور ریلیف سرگرمیوں میں مصروف ہیں۔
موسلا دھار بارشوں اور بھارت کی جانب سے ڈیموں سے پانی چھوڑنے کے باعث پنجاب کے مشرقی علاقوں میں راوی، ستلج اور چناب ندیوں میں طغیانی آگئی ہے، جس کے نتیجے میں صوبے کے تقریباً 1.2 ملین لوگ متاثر ہوئے اور تقریباً 250,000 افراد بے گھر ہو گئے۔
اس دوران گوجرانوالہ ڈویژن میں کم از کم 15 افراد جاں بحق ہوئے ہیں اور متعدد گھروں، فصلوں اور کاروبار کو شدید نقصان پہنچا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news تلہ کنگ ٹریکٹر چکوال سیاح سیلاب ظفر
ذریعہ
ذریعہ: WE News
کلیدی لفظ: تلہ کنگ ٹریکٹر چکوال سیاح سیلاب
پڑھیں:
سیٹلائٹ تصاویر نے کوٹلی ستیاں جنگلات میں لگنے والی بھیانک آگ کی تباہی کی تفصیلات ظاہر کر دیں
سیٹلائٹ تصاویر نے کوٹلی ستیاں کے جنگلات میں لگنے والی حالیہ بھیانک آگ کی تباہی کی تفصیلات ظاہر کر دیں۔
سپارکو کی جانب سے پر جاری کردہ سیٹلائٹ ڈیٹا کے مطابق گرمی کی حالیہ شدید لہر کے باعث جنگلات میں لگنے والی ہولناک آگ نے پنجاب کے ماحولیاتی لحاظ سے حساس علاقے 'کوٹلی ستیاں' کے 25 مقامات پر پھیلے ہوئے تقریباً 3,037 ہیکٹر (7,504.7 ایکڑ) پر مشتمل قدرتی جنگلات کو خاکستر کر دیا ہے۔
9 مئی سے 29 مئی 2026 تک کی سیٹلائٹ تصاویر کا موازنہ کرنے سے معلوم ہوتا ہے کہ آگ لگنے کے بعد 'چِیڑ' کے جنگلات کو شدید نقصان پہنچا ہے، جو کہ دریائے سندھ اور دریائے جہلم کے اہم ذیلی آبی ذخائر کے لیے انتہائی ضروری ہیں۔
ماہرین نے خبردار کیا ہے کہ اس کے ماحولیاتی اثرات صرف آگ سے جھلسنے والے فوری نقصانات تک محدود نہیں ہیں؛ بلکہ اس آفت نے مقامی پرندوں اور جنگلی حیات کی افزائشِ نسل کے عروج کے سیزن کو شدید متاثر کیا ہے۔
نئے اگنے والے پودوں اور پنیریوں کو تباہ کر دیا ہے، اور اس متاثرہ زمین پر ایسی جڑی بوٹیوں اور جھاڑیوں کے پھیلنے کی راہ ہموار کر دی ہے جو آگ کو برداشت کرنے کی صلاحیت رکھتی ہیں۔
اگرچہ مقامی آبادی اور محکمہ جنگلات کے عملے نے کئی علاقوں میں آگ پر کامیابی سے قابو پا لیا ہے، لیکن تیز اور گرم ہواؤں کے باعث ہمسایہ ڈھلوانوں پر اب بھی آگ پھیل رہی ہے، جس سے ماحول کو مزید نقصان پہنچنے کا خطرہ ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ