صوبہ بنے گا تو جنوبی سندھ، ٹیکس دینے کے باوجود کوئی سہولت نہیں اجرک کو مسلط کیا جارہا ہے، آفاق احمد
اشاعت کی تاریخ: 28th, August 2025 GMT
کراچی:
مہاجر قومی موومنٹ کے چیئرمین آفاق احمد نے کہا ہے کہ ہم کراچی کو تقسیم نہیں ہونے دیں گے اور اگر کوئی بات کرتا ہے تو ہم جنوبی سندھ صوبہ لیں گے۔
مہاجر قومی موومنٹ کے چیئرمین آفاق احمد نے کراچی میں ورکرز کنونشن سے خطاب کرتے ہوئے کہا کہ ضلعی وسطی مہاجروں کی طاقت ہے، اس وقت جو بات گونج رہی ہے وہ صوبے کی ہے، اس قوم کے ساتھ بہت برا ہوا ہے۔
انہوں نے کہا کہ مسلمان اور ہندو الگ الگ قومیں ہیں، وہ ایک ساتھ نہیں رہ سکتے تھے لیکن پاکستان ان علاقوں میں نہیں بنا جہاں اس کی تحریک چلی تھی، پاکستان دو قومی نظریے پر بنا تھا اور میری قوم کے لوگ بھارت کے مختلف علاقوں میں تھے۔
آفاق احمد نے کہا کہ سندھ کے شہری علاقوں کے لیے مہاجر قومی موومنٹ نے ہمیشہ صوبے کی بات کی ہے، کراچی کے تاجروں نے صوبہ بنانے کی باتیں سامنے رکھیں، پاکستانی قوم اگر چاہتی ہے کہ پنجاب میں صوبہ بنایا جائے تو اس میں رکاوٹ کیوں ہے؟
انہوں نے کہا کہ یہ صوبہ ہم کراچی کی سطح پر نہیں بنانا چاہتے ہیں، آپ اس قوم کو مزید تقسیم کر رہے ہیں، ہم کراچی کو تقسیم نہیں ہونے دیں گے اور اگر کوئی صوبے کی بات کرتا ہے تو ہم جنوبی سندھ صوبہ لیں گے۔
ان کا کہنا تھا کہ مہاجر قوم کو اعتماد میں لیے بغیر کوئی فیصلہ کیا گیا تو پھر ریفرنڈم ہوگا، میری قوم کے فیصلے میری قوم خود کرے گی، بندر کی طرح قلابازیاں کھانے والے لوگ میری قوم کا فیصلہ نہیں کر سکتے، پورے دن حکومت سندھ پر تنقید کرتے ہیں اور رات کو ان کے ساتھ کرکٹ کھیلتے ہیں۔
مہاجرقومی موومنٹ کے چیئرمین نے کہا کہ اگر صوبے بننے ضروری ہیں تو مہاجروں کو اعتماد میں لیں، صوبہ بنے گا لیکن جنوبی سندھ صوبہ بنے گا، اگر صحیح مردم شماری ہو گئی تو ہم خود اسمبلی میں صوبے کی قرارداد لے کر آئیں گے۔
انہوں نے کہا کہ اندرون سندھ کے لوگ نقل مکانی کر کے کراچی آ رہے ہیں، اس وقت پورا پاکستان سیلاب کی زد میں ہے اور پورا پانی سمندر میں آ کر گرے گا، اس پانی کو محفوظ کرنے کا کوئی طریقہ نہیں تھا، اس پانی سے بہت سارے لوگوں کا نقصان ہوا ہے۔
ورکز کنونشن سے خطاب میں انہوں نے کہا کہ اگر کالا باغ ڈیم ضروری ہے تو وہ بھی بنایا جائے، اگر صوبہ ضروری ہے تو وہ بھی بنایا جائے۔
حکومت سندھ کے اقدامات پر تنقید کرتے ہوئے ان کا کہنا تھا کہ کراچی میں اجرک والی نمبر پلیٹ لگانے پر مجبور کیا جا رہا ہے، اگر حکومت سندھ کوئی تبدیلی کرتی ہے تو پرانی نمبر پلیٹ جمع کر کے نئی نمبر پلیٹ دی جائے۔
آفاق احمد نے کہا کہ اس شہر کی سڑکیں برباد کر دی گئی ہیں، اس شہر میں تعلیم دبائی گئی ہے، میرے لوگ پانی خرید کر پی رہے ہیں لیکن آپ لوگ جو دے رہے ہیں وہ اجرک والی نمبر پلیٹ دے رہے ہیں، میرے شہر میں وہ پیسہ چاہیے جو میرے ٹیکس سے دیا گیا ہے۔
آفاق احمد نے کہا کہ اس شہر کے لوگ ٹیکس دیتے ہیں لیکن نہ سڑکیں ہیں، نہ پانی ہے اور نہ صحت اور اجرک کو مسلط کیا جا رہا ہے۔
.
ذریعہ
ذریعہ: Express News
کلیدی لفظ: آفاق احمد نے کہا انہوں نے کہا کہ قومی موومنٹ مہاجر قوم نمبر پلیٹ صوبے کی رہے ہیں
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ