اطالوی وزیرِاعظم جارجیا میلونی کی ایڈٹ شدہ تصاویر وائرل، ردعمل سامنے آگیا
اشاعت کی تاریخ: 30th, August 2025 GMT
اٹلی کی وزیرِاعظم جارجیا میلونی نے اپنی اور دیگر مشہور خواتین کی ایڈٹ شدہ قابلِ اعتراض تصاویر اور ویڈیوز فحش ویب سائٹ پر شائع ہونے پر شدید غم و غصے کا اظہار کیا ہے۔ انہوں نے اس عمل کو افسوسناک اور خواتین کی تذلیل قرار دیا۔
امریکی نشریاتی ادارے سی این این کے مطابق وزیرِاعظم سمیت متعدد سیاستدان خواتین اور معروف شخصیات کی جعلی تصاویر اور ویڈیوز کو ایک ویب سائٹ پر شیئر کیا گیا جہاں نہ صرف انہیں مسخ شدہ انداز میں پیش کیا گیا بلکہ جنسی اور توہین آمیز جملے بھی درج کیے گئے تھے۔ یہ مواد ’فیکا‘ (Phica) نامی پلیٹ فارم پر اپ لوڈ کیا گیا تھا، جس کا نام اطالوی زبان کے ایک فحش لفظ سے اخذ کیا گیا ہے۔
شدید عوامی ردِعمل کے بعد مذکورہ ویب سائٹ بند کردی گئی۔ تاہم منتظمین نے مؤقف اختیار کیا کہ یہ تصاویر اور ویڈیوز ان کے اپنے نہیں بلکہ لاکھوں صارفین نے سوشل میڈیا سمیت مختلف ذرائع سے تصاویر اکٹھی کرکے انہیں توہین آمیز شکل میں شائع کیا۔
اطلاعات کے مطابق ویب سائٹ پر وزیرِاعظم جارجیا میلونی کی بہن اور حکمران جماعت برادرز آف اٹلی کی اہم رہنما آریانا میلونی کی تصاویر بھی موجود تھیں۔ ان کے علاوہ کئی اور سیاستدان اور شوبز سے تعلق رکھنے والی خواتین بھی اس فہرست کا حصہ تھیں۔
جارجیا میلونی نے اطالوی اخبار سے گفتگو میں کہا کہ وہ اس واقعے پر شدید برہم ہیں اور ان کی تمام تر ہمدردیاں اُن خواتین کے ساتھ ہیں جنہیں اس عمل سے بدنام اور ذلیل کیا گیا۔ ان کا کہنا تھا کہ یہ انتہائی تکلیف دہ ہے کہ 2025 میں بھی عورت کی عزت پامال کرنا اور اس پر جنسی جملے کسنا بعض افراد معمول سمجھتے ہیں۔
وزیرِاعظم نے مزید کہا کہ یہ معاملہ اب صرف ’ریوینج پورن‘ تک محدود نہیں رہا بلکہ پرائیویسی اور ڈیٹا کے تحفظ کی ضرورت ماضی کے مقابلے میں کہیں زیادہ بڑھ چکی ہے۔ یاد رہے کہ اٹلی میں 2019 سے ریوینج پورن کے خلاف قانون نافذ ہے، جس کے تحت اس قسم کے جرائم پر چھ سال تک قید کی سزا دی جا سکتی ہے۔
یہ پہلا موقع نہیں کہ جارجیا میلونی نے خواتین کے مسائل پر آواز بلند کی ہو۔ وہ پہلے بھی ڈیپ فیک پورنوگرافی، گھریلو تشدد اور عورتوں کے خلاف جرائم کے خلاف سخت مؤقف رکھتی آئی ہیں۔ اس تازہ اسکینڈل نے ایک بار پھر اٹلی میں خواتین کے حقوق اور نسوانی تحریک کے موضوع پر نئی بحث چھیڑ دی ہے۔
یہ واقعہ ایسے وقت میں سامنے آیا ہے جب حال ہی میں ایک اطالوی فیس بک گروپ بند کیا گیا تھا، جہاں ہزاروں مرد خواتین کی نجی تصاویر بغیر اجازت شیئر کر رہے تھے۔ اس گروپ کو بھی عوامی دباؤ اور پولیس شکایات کے باعث ختم کیا گیا۔
.
ذریعہ
ذریعہ: Express News
کلیدی لفظ: جارجیا میلونی ویب سائٹ کیا گیا
پڑھیں:
ایرانی اثاثے ضبط کرنے کی ٹرمپ کی دھمکی خطرناک نظیر ہے، عباس عراقچی کا سخت ردعمل
تہران: ایران کے وزیر خارجہ عباس عراقچی نے امریکی صدر ڈونلڈ ٹرمپ کے اس بیان پر شدید ردعمل دیا ہے جس میں انہوں نے بحری جہازوں کو ہونے والے ممکنہ نقصانات کا ازالہ ایرانی اثاثوں سے کرنے کی بات کی تھی۔ ایران نے اس مؤقف کو بین الاقوامی قوانین کے لیے ایک خطرناک اور اشتعال انگیز نظیر قرار دیا ہے۔
عباس عراقچی نے سماجی رابطے کے پلیٹ فارم ایکس پر جاری اپنے بیان میں کہا کہ کسی ملک کے اثاثوں کو مستقبل کے غیر متعلقہ دعووں کی بنیاد پر ضبط کرنا ایک ایسا اقدام ہے جو عالمی مالیاتی نظام اور بین الاقوامی قوانین کے لیے سنگین نتائج پیدا کر سکتا ہے۔
انہوں نے کہا کہ کسی دوسرے ملک کے اثاثے مستقبل کے غیر متعلقہ نقصانات کی ادائیگی کے لیے ضبط کرنا ایک اشتعال انگیز نظیر ہے۔
ایرانی وزیر خارجہ نے مزید کہا کہ جو ممالک یا ادارے اس طرح کے ضبط شدہ اثاثوں سے فائدہ اٹھانے یا اس اقدام کی حمایت کرنے کی کوشش کریں گے، انہیں یہ بات ذہن میں رکھنی چاہیے کہ اگر حکومتیں اس طرز عمل کو معمول بنا لیں تو پھر دنیا میں کسی بھی ملک کے اثاثے محفوظ نہیں رہیں گے۔
عباس عراقچی کے مطابق اس طرح کے اقدامات عالمی مالیاتی نظام میں بے یقینی، افراتفری اور قانونی تنازعات کو جنم دے سکتے ہیں، جن کے نتائج نہ صرف غیر خوشگوار بلکہ عالمی امن و استحکام کے لیے بھی نقصان دہ ثابت ہوں گے۔
ان کا بیان ایسے وقت میں سامنے آیا ہے جب امریکا اور ایران کے درمیان کشیدگی برقرار ہے اور آبنائے ہرمز میں بحری جہاز رانی، اقتصادی پابندیوں اور سفارتی تعلقات کے حوالے سے دونوں ممالک کے درمیان سخت بیانات کا تبادلہ جاری ہے۔
Seizing another nation's assets to pay for unrelated future claims is an incendiary precedent.
Those who celebrate or profit from such funds should remember: once governments normalize confiscation, no one's assets are safe. Ensuing chaos will not be pretty or peaceful.
تجزیہ کاروں کے مطابق اگر اثاثوں کی ضبطی جیسے اقدامات عملی شکل اختیار کرتے ہیں تو اس سے عالمی سرمایہ کاری، بین الاقوامی تجارت اور ممالک کے درمیان مالیاتی اعتماد پر بھی منفی اثرات مرتب ہو سکتے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی