ڈی پی ورلڈ آئی ایل ٹی 20 ڈویلپمنٹ ٹورنامنٹ میں فیگی کی فارم عروج پر
اشاعت کی تاریخ: 30th, August 2025 GMT
دبئی : متحدہ عرب امارات کے ابھرتے ہوئے بلے باز جوناتھن فیگی نے ڈی پی ورلڈ آئی ایل ٹی 20 ڈویلپمنٹ ٹورنامنٹ میں شاندار کارکردگی دکھاتے ہوئے اپنی قومی ٹیم میں واپسی کی امیدیں روشن کر دی ہیں۔ 24 سالہ بائیں ہاتھ کے بلے باز نے چار میچز میں 180 رنز بنائے جن میں تین نصف سنچریاں شامل ہیں، جس کی بدولت ان کی ٹیم گلف جائنٹس ڈویلپمنٹ نے چار میں سے دو میچز میں کامیابی حاصل کی۔
فیگی جو پہلے ہی متحدہ عرب امارات کی نمائندگی کر چکے ہیں اور دو ون ڈے انٹرنیشنل کھیلنے کے ساتھ ساتھ یو اے ای کے واحد انڈر 19 ورلڈ کپ سنچورین ہونے کا اعزاز رکھتے ہیں، نے اپنی حالیہ کارکردگی پر اطمینان کا اظہار کیا۔ انہوں نے کہا:چار میچز میں تین نصف سنچریاں بنانا خوشی کی بات ہے، خاص طور پر سخت بولنگ اٹیک کے خلاف۔ حالات آسان نہیں تھے، روشنیوں میں گیند حرکت کر رہی تھی اور اسپنرز کے لیے بھی مدد تھی، لیکن میں نے خود کو ڈھالا اور نتیجہ مل رہا ہے
۔ امید ہے بڑی اننگز کھیلتا رہوں گا۔”فیگی نے کہا کہ آئی ایل ٹی 20 ڈویلپمنٹ ٹورنامنٹ نوجوان کھلاڑیوں کو اپنی صلاحیت دکھانے کا بہترین پلیٹ فارم فراہم کرتا ہے، خصوصاً اس وقت جب ایشیا کپ 2025 کے فوراً بعد آئی ایل ٹی 20 سیزن 4 پلیئر آکشن ہونا ہے۔میری خواہش ہے کہ میں آئی ایل ٹی 20 میں کھیلوں اور دنیا کے بڑے کھلاڑیوں کے ساتھ میدان میں اتر کر اپنے کھیل کو مزید نکھاروں۔ لیکن سب سے بڑی ترجیح یو اے ای کی قومی ٹیم میں واپسی ہے، کیونکہ ملک کے لیے کھیلنا سب سے بڑا اعزاز ہے۔”متحدہ عرب امارات میں پیدا اور پروان چڑھنے والے فیگی نے کہا کہ وہ قومی جرسی کو دوبارہ زیب تن کرنے کے لیے انتھک محنت کر رہے ہیں۔ ان کے مطابق یہ ٹورنامنٹ نہ صرف مقامی کھلاڑیوں کو نمایاں کرتا ہے بلکہ انہیں بین الاقوامی معیار کے مقابلے کا موقع بھی فراہم کرتا ہے۔
انہوں نے کہا کہ یہ مقابلہ ہمارے لیے ایکسپوژر اور موقع ہے۔ ایمریٹس کرکٹ بورڈ نے شاندار انداز میں مقامی کھلاڑیوں کو پلیٹ فارم مہیا کیا ہے۔ یہاں کی کارکردگی نہ صرف فرنچائز کرکٹ کے دروازے کھول سکتی ہے بلکہ قومی ٹیم میں واپسی کی راہیں بھی ہموار کر سکتی ہے۔
Post Views: 6.ذریعہ: Daily Mumtaz
کلیدی لفظ: ا ئی ایل ٹی 20 نے کہا
پڑھیں:
’بابر اعظم کی نصف سنچری کے ساتھ فارم میں واپسی، شکرگزاری کا پیغام وائرل‘
قومی کرکٹ ٹیم کے سابق کپتان بابر اعظم نے جنوبی افریقہ کے خلاف فیصلہ کن میچ میں شاندار کارکردگی دکھا کر نہ صرف ٹیم کو کامیابی دلائی بلکہ ایک معنی خیز پیغام کے ذریعے اپنی خاموشی بھی توڑ دی۔
بابر اعظم نے میچ کے اگلے روز سوشل میڈیا پلیٹ فارم ایکس (سابق ٹوئٹر) پر لکھا:
’شکر گزار ہوں کہ میں دوبارہ وہی کر رہا ہوں جو مجھے پسند ہے۔ اُن سب کا شکریہ جنہوں نے خاموشی کے وقت میں مجھ پر یقین رکھا‘۔
یہ پیغام ان کے مداحوں اور ناقدین، دونوں کے لیے واضح اشارہ تھا کہ بابر ایک بار پھر اعتماد کے ساتھ میدان میں واپس آ چکے ہیں۔
گزشتہ روز کھیلے گئے میچ میں بابر اعظم نے 47 گیندوں پر 68 رنز کی دلکش اننگز کھیل کر ٹیم کی جیت میں کلیدی کردار ادا کیا۔ ان کی اس کارکردگی پر انہیں پلیئر آف دی میچ قرار دیا گیا۔
دلچسپ بات یہ ہے کہ یہ مئی 2024 کے بعد بابر اعظم کی پہلی نصف سنچری تھی، جس کے بعد سوشل میڈیا پر ان کے حق میں مبارک بادوں اور تعریفوں کا طوفان آ گیا۔
مداحوں نے بابر کی فارم میں واپسی کو ’نئی شروعات‘ قرار دیتے ہوئے انہیں ’کپتان دلوں کا‘ اور ’پچ کا بادشاہ‘ جیسے القابات سے نوازا۔
بابر اعظم کی یہ اننگز نہ صرف ان کی صلاحیتوں کا ثبوت بنی بلکہ اس خاموش عزم کی بھی عکاسی کرتی ہے جو وہ مشکل وقت میں اپنے ساتھ لے کر چلتے رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Babar azam
کراچی انتظامیہ کے زیراہتمام کشمیر ی عوام سے اظہاریکجہتی کے لیے یوم سیاہ کے موقع پروزیربلدیات ناصر شاہ ریلی کی قیادت کررہے ہیں