گیم آف تھرونز کے اداکار کا کشتی پر غزہ روانہ ہونے قبل شہید فلسطینی بچی کے لیے جذباتی خراج عقیدت
اشاعت کی تاریخ: 31st, August 2025 GMT
آئرش اداکار لیام کننگھم نے چند روز قبل اسرائیلی حملے میں شہید ہونے والی فلسطینی بچی فاطمہ کو خراج عقیدت پیش کیا۔ یہ تقریب اسپین سے غزہ روانہ ہونے والی گلوبل صمود فلوٹیلا کے روانگی سے قبل منعقد ہوئی جو اب تک غزہ جانے والا سب سے بڑا سول مشن قرار دیا جا رہا ہے۔
لیام کننگھم نے روانگی سے قبل خطاب میں ایک آڈیو کلپ چلایا جس میں 6 سالہ فاطمہ ایک گیت گا رہی تھی۔ اس معصوم بچی نے کہا تھا کہ یہی گیت اس کی تدفین پر بھی سنایا جائے۔
یہ بھی پڑھیے: اسرائیل نے غزہ جانے والی کشتی میں سوار گریٹا تھنبرگ اور 3 دیگر کو ملک بدر کر دیا
کننگھم نے سامعین سے سوال کیا کہ یہ کیسی دنیا ہے جہاں ایک ننھی بچی اپنی ہی تدفین کے لیے گیت گانے کی خواہش کرتی ہے۔ انہوں نے کہا کہ یہ ایک شرمناک صورتحال ہے اور ان کے اپنے پوتے پوتیاں بھی سوال کرتے ہیں کہ ہم اس سب کو برداشت کیسے کر سکتے ہیں۔
انہوں نے کہا کہ فاطمہ کو 4 دن پہلے قتل کر دیا گیا اور آج کوئی اس کے جنازے پر وہی گیت گا رہا ہوگا۔ کننگھم نے فلوٹیلا کو عالمی انسانی قوانین اور عالمی ضمیر کی ناکامی قرار دیا اور کہا کہ یہ عرب دنیا کی تاریخ کا ایک شرمناک دور ہے۔
Irish actor Liam Cunningham paid tribute to slain Palestinian child Fatima ahead of the departure of the Global Sumud Flotilla, the largest civilian mission to Gaza from Spain pic.
— TRT World (@trtworld) August 31, 2025
اس موقع پر فلوٹیلا کی اسٹیئرنگ کمیٹی کے رکن نے بتایا کہ اب تک 30 ہزار افراد ان کے ساتھ شامل ہوچکے ہیں۔ دنیا کے 44 ممالک سے کارکنان شخصیات اور سماجی تحریکوں کے نمائندے بارسلونا سے غزہ کے لیے روانہ ہو رہے ہیں۔ ان کا مقصد غزہ پر عائد اسرائیلی محاصرے کو توڑنا اور انسانی راہداری کھولنا ہے۔
شرکاء نے کہا کہ وہ اسرائیلی ریاست کے جرائم پر خاموش نہیں رہ سکتے۔ وہ عالمی شراکت داری ختم کرنا چاہتے ہیں اور فلسطین کی آزادی کے لیے جدوجہد جاری رکھیں گے۔ ان کا کہنا تھا کہ آج ہم غزہ میں بھوک اور موت کو روکنے کے لیے نکلے ہیں تاکہ انصاف اور آزادی کی راہ ہموار ہو۔
اطلاعات کے مطابق اسرائیلی حملوں میں اب تک 63 ہزار سے زائد فلسطینی جاں بحق ہوچکے ہیں جن میں 70 فیصد خواتین اور بچے شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فاطمہ فلسطین گیم آف تھرونز لیام کننگھم
ذریعہ
ذریعہ: WE News
کلیدی لفظ: فاطمہ فلسطین گیم آف تھرونز لیام کننگھم کننگھم نے کے لیے کہا کہ نے کہا
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا