پاکستان اور چین کی دوستی دنیا بھر میں منفرد اور نمایاں مقام رکھتی ہے، وزیراعظم شہباز شریف
اشاعت کی تاریخ: 1st, September 2025 GMT
وزیراعظم پاکستان شہباز شریف نے کہا ہے کہ پاکستان اور چین کی دوستی دنیا بھر میں ایک منفرد اور نمایاں مقام رکھتی ہے۔ دونوں ممالک نے ہر مشکل گھڑی میں ایک دوسرے کا ساتھ دیا ہے۔ چین نے پاکستان کی اقتصادی و سماجی ترقی میں نہایت اہم کردار ادا کیا ہے۔
وزیراعظم شہباز شریف سے کمیونسٹ پارٹی آف چائنا تیانجن کے اسٹینڈنگ ممبر اور تیانجن بنہائی نیو ایریا کے پارٹی سیکریٹری لیون ماؤ جن نے وفد کے ہمراہ ملاقات کی۔ اس موقع پر دونوں رہنماؤں نے پاک چین تعلقات، اقتصادی تعاون اور مختلف شعبوں میں اشتراک پر تبادلہ خیال کیا۔
یہ بھی پڑھیں: جعفر ایکسپریس سمیت کئی واقعات میں بیرونی ہاتھ ہونے کے شواہد ہیں، شہباز شریف کا ایس سی او اجلاس سے خطاب
شہباز شریف نے کہاکہ چین پاکستان اقتصادی راہداری (سی پیک) نے پاکستان میں توانائی کے شعبے کی ترقی اور بنیادی ڈھانچے کی تعمیر میں نمایاں خدمات سرانجام دی ہیں۔ سی پیک کے دوسرے مرحلے میں اسمارٹ سٹیز، زرعی صنعت کے فروغ اور نیکسٹ جنریشن ٹیکنالوجی انڈسٹری پر خصوصی توجہ دی جائے گی۔
وزیراعظم نے کہاکہ صدر شی جن پنگ کی قیادت میں تیانجن کی ترقی دیکھ کر خوشی ہوئی ہے۔ پاکستان تیانجن بنہائی نیو ایریا کے ساتھ اقتصادی تعاون اور تجارت بڑھانے کا خواہاں ہے۔ کراچی پورٹ، بن قاسم پورٹ اور گوادر پورٹ کو چین کے تیانجن پورٹ کے ساتھ جوڑنے سے باہمی تجارت کو وسعت دی جا سکتی ہے۔
انہوں نے کہاکہ پاکستان پورٹ ہینڈلنگ اور آپریشنز کے حوالے سے تیانجن-بنہائی نیو ایریا کی مہارت سے استفادہ کرنا چاہتا ہے۔
وزیراعظم نے کہاکہ پاکستان میں خصوصی اقتصادی زونز کے قیام کے حوالے سے چینی کمپنیوں کو خوش آمدید کہا جائے گا، جبکہ فارماسیوٹیکل، بائیو میڈیسن اور جانوروں کی ویکسین کے شعبوں میں تیانجن-بنہائی نیو ایریا کے ساتھ تعاون بڑھانے کے خواہاں ہیں۔
انہوں نے کہاکہ حکومت پاکستان نے گزشتہ ڈیڑھ سال میں معاشی اصلاحات میں اہم کامیابیاں حاصل کی ہیں۔ ایف بی آر کی ڈیجیٹائزیشن، نئی قومی اقتصادی پالیسی اور آئی ٹی کے فروغ کے اقدامات سمیت متعدد اصلاحات کی وہ خود نگرانی کر رہے ہیں۔
وزیراعظم نے تیانجن کے صنعتی و اقتصادی شعبے سے وابستہ وفد کو پاکستان کا دورہ کرنے کی دعوت بھی دی۔
ملاقات کے دوران لیون ماؤ جن نے وزیراعظم کو تیانجن بنہائی نیو ایریا کے بارے میں بریفنگ دی اور بتایا کہ اس خطے میں انٹیلی جینٹ ٹیکنالوجی، گرین پیٹروکیمیکل، آٹوموٹو انڈسٹری، بائیو میڈیسن، نیو انرجی، ایرو اسپیس، کولڈ چین اسٹوریج، ڈیپ سی مائننگ اور جین تھراپی سمیت کئی صنعتی شعبے موجود ہیں۔
بریفنگ میں بتایا گیا کہ پاکستان اور تیانجن کے درمیان کھاد، فارماسیوٹیکل، ٹائرز، معدنیات اور فشریز کے شعبوں میں تجارت ہو رہی ہے، جبکہ تیانجن بنہائی نیو ایریا پاکستان کے ساتھ ای کامرس سمیت تجارتی تعلقات کو مزید بڑھانے کا خواہاں ہے۔ اس خطے کی صنعتوں اور کاروباروں کو پاکستان تک پھیلانے پر بھی توجہ دی جائے گی۔
یہ بھی پڑھیں: خطے کے امن کے لیے شنگھائی تعاون تنظیم پر زیادہ ذمہ داریاں ہیں، صدر شی جن پنگ
ملاقات میں نائب وزیراعظم و وزیر خارجہ اسحاق ڈار، وفاقی وزیر منصوبہ بندی احسن اقبال، وفاقی وزیر اطلاعات و نشریات عطااللہ تارڑ، وزیر اعظم کے معاون خصوصی طارق فاطمی، پاکستان میں تعینات چینی سفیر جیانگ زیڈونگ، چین میں تعینات پاکستانی سفیر خلیل ہاشمی اور دیگر اعلیٰ حکام بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اقتصادی و سماجی ترقی پاک چین تعلقات سی پیک شہباز شریف وزیراعظم پاکستان وی نیوز.
ذریعہ
ذریعہ: WE News
کلیدی لفظ: پاک چین تعلقات سی پیک شہباز شریف وزیراعظم پاکستان وی نیوز شہباز شریف نے کہاکہ کے ساتھ
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ