پنجاب کی جیلوں میں ایڈز کے مریضوں میں اضافہ کیوں؟ محکمہ داخلہ نے بتادیا
اشاعت کی تاریخ: 2nd, September 2025 GMT
پنجاب کی مختلف جیلوں میں ایڈز کے مریضوں کی تعداد اور مرض کی وجوہات سامنے آگئی ہیں، محکمہ داخلہ پنجاب کے مطابق صوبائی جیلوں میں قید ہر شخص کا جیل میں داخلے کے وقت لازمی میڈیکل اسکریننگ ٹیسٹ کی بدولت 673 قیدیوں میں ایچ آئی وی اور ایڈز کی تشخیص ہوئی۔
ترجمان محکمہ داخلہ کے مطابق جیلوں میں قیام کے دوران کسی قیدی کو ایڈز لاحق نہیں ہوا بلکہ داخلے کے وقت کی جانے والی اسکریننگ سے مرض کی تشخیص ممکن ہوئی۔
بیشتر مریض منشیات سے متعلق مقدمات میں جیل آئے جبکہ کئی قیدیوں کو جیل میں پہلی بار اپنے مرض کے بارے میں علم ہوا جس کے بعد ان کا باقاعدہ علاج شروع کر دیا گیا۔
یہ بھی پڑھیں:
ترجمان نے بتایا کہ ایڈز کے مریضوں کو علیحدہ بیرکس میں رکھا جاتا ہے تاکہ ان کا معائنہ اور علاج بہتراندازمیں جاری رہ سکے۔
’صرف سینٹرل جیل راولپنڈی میں 145، ڈسٹرکٹ جیل لاہور میں 83، سینٹرل جیل فیصل آباد میں 39، سینٹرل جیل لاہور میں 35، سینٹرل جیل گوجرانوالہ میں 27 اور ڈسٹرکٹ جیل فیصل آباد میں 27 مریضوں کا علاج جاری ہے۔‘
محکمہ داخلہ نے کہا کہ پنجاب کی تمام جیلوں میں ایچ آئی وی اورایڈزاسکریننگ اورعلاج پنجاب ایڈز کنٹرول پروگرام کے تحت ہو رہا ہے۔
مزید پڑھیں:
’مریضوں کی ریپڈ ڈائیگنوسٹک کٹس کے ذریعے ابتدائی اسکریننگ کی جاتی ہے اور تصدیق کیلئے پی سی آر ٹیسٹ کیا جاتا ہے، مثبت قرار دیے گئے مریضوں کو فوری طور پر اینٹی ریٹرو وائرل ادویات فراہم کی جاتی ہیں اور ان کے باقاعدہ کلینیکل معائنے کیے جاتے ہیں۔‘
ترجمان کے مطابق مریضوں کی ذہنی صحت اور رویوں کو مدنظر رکھتے ہوئے ان کی مستقل کاؤنسلنگ بھی کی جاتی ہے، جیل میں علاج کے آغاز سے پہلے مکمل بیس لائن ٹیسٹ جیسے پیشاب کا تجزیہ اور ٹی بی کے ٹیسٹ کیے جاتے ہیں۔
ترجمان نے واضح کیا کہ ایڈز کے ساتھ ساتھ ہیپاٹائٹس اور دیگر بیماریوں کی روک تھام اور علاج کے لیے بھی جیلوں میں اقدامات جاری ہیں، ماہرین ہر 15 دن بعد جیلوں کا دورہ کرتے ہیں اورمریضوں کے فالو اپ معائنے بھی کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایچ آئی وی ایڈز ایڈز کنٹرول پروگرام اینٹی ریٹرو وائرل پنجاب جیل ریپڈ ڈائیگنوسٹک کٹس محکمہ داخلہ میڈیکل اسکریننگ ٹیسٹ ہیپاٹائٹس.
ذریعہ
ذریعہ: WE News
کلیدی لفظ: ایچ آئی وی ایڈز اینٹی ریٹرو وائرل جیل محکمہ داخلہ میڈیکل اسکریننگ ٹیسٹ ہیپاٹائٹس محکمہ داخلہ سینٹرل جیل جیلوں میں ایڈز کے
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ