برطانیہ میں ویزا ختم ہونے پرغیرملکی طلبا کو ہوم آفس کی سخت وارننگ
اشاعت کی تاریخ: 3rd, September 2025 GMT
برطانوی حکومت نے غیر ملکی طلبا کو ویزا کی مدت ختم ہونے کے بعد ملک میں قیام پر سخت وارننگ جاری کردی، ہوم آفس نے ویزے کی مدت ختم ہونے کے بعد ملک میں قیام پذیر غیر ملکی طلبا کو ملک بدر کرنے کا اعلان کیا ہے۔
اس حوالے سے حکومت براہِ راست ہزاروں طلبا اور ان کے خاندانوں سے رابطہ کرے گی، ہوم آفس کے مطابق تقریباً 1 لاکھ 30 ہزار طلبہ اور ان کے اہلِ خانہ کو انتباہی پیغام بھیجتے ہوئے فوری طور پر برطانیہ چھوڑنے کاکہا جائے گا اگر ان کے پاس ملک میں رہنے کا قانونی حق نہیں، بصورت دیگر انہیں زبردستی ملک بدر کر دیا جائے گا۔
یہ بھی پڑھیں: پناہ گزینوں اور ان کے اہل خانہ سے متعلق برطانیہ نے نئی پالیسی کا اعلان کردیا
پیغام میں واضح کیا گیا ہے اگر آپ پناہ کا ایسا دعویٰ جمع کراتے ہیں جس میں میرٹ نہ ہو تو اسے فوراً اور سختی سے مسترد کر دیا جائے گا۔
’اگر آپ کے پاس ملک میں رہنے کا کوئی قانونی حق نہیں تو آپ کو جانا ہوگا، بصورت دیگر آپ کو ملک بدر کیا جائے گا۔‘
یونیورسٹی اینڈ کالج یونین کی جنرل سیکریٹری جو گریڈی نے اس مہم کو ’بین الاقوامی طلبا پر حملہ‘ قرار دیتے ہوئے کہا ہے کہ اس کا مقصد ’ویزے سے بڑھ کر قیام‘ کے مسئلے سے زیادہ سیاسی دباؤ کو نشانہ بنانا ہے۔
مزید پڑھیں: برطانیہ: جنسی جرائم پر سزا پانے والوں میں بھارتی شہری سب سے آگے، رپورٹ میں انکشاف
ان کے مطابق، بین الاقوامی طلبا برطانیہ کی معیشت اور اعلیٰ تعلیم کے نظام کا لازمی حصہ ہیں اور حکومت کو ان کے لیے ایک خوش آئند رویہ اپنانا چاہیے۔
اعداد و شمار کے مطابق گزشتہ برس 41 ہزار 100 افراد نے ویزے پر برطانیہ آنے کے بعد پناہ کی درخواست دی، جن میں سب سے بڑی تعداد طلبا کی تھی، یہ تعداد 2020 کے مقابلے میں 6 گنا زیادہ ہے۔
ہوم آفس نے حال ہی میں غیر ملکی فارغ التحصیل طلبا کے لیے برطانیہ میں قیام کا وقت 2 سال سے کم کرکے 18 ماہ کرنے کا بھی فیصلہ کیا تھا۔
مزید پڑھیں: برطانیہ: بالغ شہریوں کی اکثریت مصنوعی ذہانت سے خوفزدہ کیوں؟
اس دوران اپوزیشن جماعتوں کی جانب سے حکومت پر دباؤ ہے کہ وہ غیر قانونی ہجرت کو ’قومی ایمرجنسی‘ قرار دے۔
وزیرِ داخلہ یویٹ کوپر کا کہنا ہے کہ فرانس کے ساتھ ریٹرن معاہدے کے تحت پہلی واپسی اسی ماہ متوقع ہے، لیکن یہ منصوبہ ابتدائی طور پر ایک پائلٹ پروجیکٹ ہے جسے وقت کے ساتھ بڑھایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ پائلٹ پروجیکٹ سیاسی پناہ طلبا غیر ملکی فارغ التحصیل ملک بدر ہوم آفس ویزے.
ذریعہ
ذریعہ: WE News
کلیدی لفظ: برطانیہ پائلٹ پروجیکٹ سیاسی پناہ غیر ملکی فارغ التحصیل ملک بدر ہوم ا فس ویزے غیر ملکی ملک میں ہوم آفس ملک بدر جائے گا
پڑھیں:
ستاروں کی روشنی میں آپ کا آج (بدھ) کا دن کیسا رہے گا ؟
ستاروں کی روشنی میں آپ کا آج (بدھ) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
اپنی کوشش جاری رکھیں۔ آپ منزل کے قریب ہیں، اگر ہمت ہار گئے تو مفت میں آئی ہمت ہاتھ سے نکل سکتی ہے۔ آج کا دن مدد دے گا، تبدیلی کا امکان بھی ہے۔
برج ثور، سیارہ زہرہ، 21 اپریل سے 20 مئی
نوکری میں جاری پریشانی ختم ہوگی۔ آج بے گناہ افراد کی رہائی بھی ممکن دکھائی دیتی ہے۔ دماغ پر جس چیز کا خوف تھا وہ بھی انشاءاللہ نکل جائے گا۔
برج جوزہ، سیارہ عطارد، 21 مئی سے 20 جون
روحانی قوت بڑی تیزی سے کام کرے گی آپ اس سے پورا فائدہ اٹھا سکتے ہیں، جو بھی دعا مانگیں کے ضرور پوری ہوگی۔ آج ایک بڑا مقصد حاصل ہو جائے گا۔
برج سرطان، سیارہ چاند، 21 جون سے 20 جولائی
مفروضیات زیادہ ہوں گی، مگر آمدن میں کوئی خاص فرق نہیں پڑے گا۔ آج زیادہ تیزی دکھانے کی کوشش مت کریں۔ کسی خاص قسم کا فائدہ نہیں ملے گا۔
برج اسد، سیارہ شمس، 21 جولائی سے 21 اگست
آپ کا قبلہ اب کافی حد تک درست ہوگیا ہے۔ آپ کو اب خود بخود مناسب سمت دکھائی دے گی اور اولاد کے حوالے سے بھی کوئی اچھی خبر ضرور سننے کو ملے گی، انشاءاللہ۔
برج سنبلہ ، سیارہ عطارد، 22 اگست سے 22 ستمبر
جادو ٹونے وغیرہ جیسی چیز کے اثرات کی ایک چھوٹی سے جھلک دکھائی دے رہی ہے، پھر بھی آپ خود استخارے کاسہارا لیں اور آج فوری گوشت کا صدقہ دیں۔
برج میزان ، سیارہ زہرہ، 23 ستمبر سے 22 اکتوبر
آج ذہن پر ایک عجیب سا بوجھ سوار رہے گا۔ ایسا لگتا ہے جیسے کسی نے جکڑ کر رکھ دیا ہو۔ آپ کو چاہئیے کہ تھوڑی سی میٹھی چیز لے کر اس کو قبرستان میں پھیلا دیں۔
برج عقرب ، سیارہ مریخ، 23 اکتوبر سے 22 نومبر
ایک راستہ بند ہوگیا ہے تو کیوں پریشان ہو رہے ہیں۔ آج شام تک روحانی مدد حاصل ہوگی اور غیر متوقع ذریعے سے آپ کے لئے نیا راستہ بن جائے گا، انشاءاللہ۔
برج قوس ، سیارہ مشتری، 23 نومبر سے 20 دسمبر
آج اچھا دن ہے آپ کی بڑی رکاوٹ دور ہوگی جس بات کو لے کر اتنے دنوں سے پریشان چلے آ رہے تو وہ ایسے سیدھی ہوگی کہ بے ساختہ اللہ پاک کا شکر ادا کریں گے۔
برج جدی ، سیارہ زحل، 21 دسمبر سے 19 جنوری
اپنے غصے پر قابو رکھیں زبان سے کوئی ایسی بات نہ نکل جائے جو آپ کے لئے بڑی پریشانی کا باعث بن جائے۔ خاص طور پر گھریلو ماحول کو خراب ہونے سے بچنا ہے۔
برج دلو ، سیارہ زحل، 20 جنوری سے 18 فروری
جہاں اور جس کام میں بھی ہاتھ ڈالتے ہیں اُس میں ناکامی ہوتی ہے۔ آپ کو فوری نوید استخارے کی ضرورت ہے۔ ایسا محسوس ہوتا ہے جیسے کسی نے بندش کر دی ہو۔
سیارہ مشتری، 19 فروری سے 20 مارچ
زحل چند دنوں تک زائچے میں قیام کرے گا یہ رکاوٹوں اور مشکلات کو ہوا دیتا ہے۔ آپ نے بہت سنبھل کر چلنا ہے اور چند دنوں تک روزانہ کے حساب سے صدقہ دینا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ