محبت کی انتہا: محبوبہ سے ناراضی پر نوجوان نے پورے گاؤں کی بجلی کاٹ دی، ویڈیو وائرل
اشاعت کی تاریخ: 3rd, September 2025 GMT
محبت کی کہانیوں میں اکثر ڈرامہ ضرور ہوتا ہے لیکن ایک نوجوان نے غصے میں ایسا قدم اٹھایا کہ انٹرنیٹ پر لوگوں کو ہنسی بھی آئی اور حیرت بھی ہوئی۔
سوشل میڈیا پر وائرل ہونے والی ویڈیو میں انڈیا میں ایک شخص کو بجلی کے کھمبے پر چڑھتے ہوئے دیکھا جا سکتا ہے جس کے ہاتھ میں ایک بڑی کٹر موجود ہے۔ چند لمحوں بعد وہ تاریں کاٹتا ہے اور مبینہ طور پر اپنی محبوبہ کے گاؤں کو اندھیرے میں ڈبو دیتا ہے۔
یہ بھی پڑھیے: محبوبہ کے گھر والوں سے بچنے کی کوشش میں نوجوان بھارتی سرحد عبور کرگیا
رپورٹس کے مطابق نوجوان اس بات پر برہم تھا کہ اس کی محبوبہ کا فون مسلسل مصروف رہتا تھا۔ مسئلہ بات چیت سے حل کرنے کے بجائے اُس نے غصے میں بجلی کی تاریں ہی کاٹ ڈالیں۔
ویڈیو منظرعام پر آنے کے بعد جلد ہی مختلف پلیٹ فارمز پر تیزی سے وائرل ہوگئی اور صارفین نے اس پر مختلف قسم کے تبصرے کیے۔ کسی نے اسے اس شخص کی بیوقوفی کہا تو کسی نے محبت کی انتہا۔
View this post on Instagram
A post shared by TV1 INDIA खबरों का नया अड्डा* (@tv1indialive)
انسٹاگرام پر ایک صارف نے طنزیہ کہا: ‘بھائی! یہ ٹیلی فون لائن نہیں ہے اور نہ ہی وہ لینڈ لائن استعمال کر رہی ہے۔ اسی لیے تعلیم ضروری ہے۔’
ایک اور صارف نے تبصرہ کیا: ‘صرف اس لڑکی کی وجہ سے پورا گاؤں اندھیرے میں ہے۔’
تیسرے صارف نے مذاق میں کہا: ‘میں تو انتظار کر رہا تھا کہ وہ غلط تار کاٹ کر خود ہی جھٹکا کھا لے گا۔’
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ عشق محبت محبوبہ.
ذریعہ
ذریعہ: WE News
کلیدی لفظ: انٹرنیٹ
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ